3A,取消曬我既ORDER,令我失望透頂!!!!

edmund

8/5

我已將EXTRA PAYMENT退回

而3A同事已經就單方面取消訂單向我道歉(沒有提到任何補救方案)

又承諾對網站進行更新,仲話"不久的將來會有新的網站可以使用"

而當中引起誤會的其中一個原因是付責同事"不知成件事的始未"

可見內部溝通有問題,而佢地都承諾會將差額退回(約HKD230)

佢地雖然 認左錯,有少少悔意,但完全冇意識補救

不過可以講:事件已經告一段落

首先係, 我上年10月開始玩3A野,佢地design既product真係好正, 而且價錢合理, 服務又好, 仲要係本地公司, 我對佢地印象十分好, 但因為呢件事之後我完全失望, 我唔敢話我以後都唔會再買3A野, 但我對佢熱誠已經冇曬, 而且盡可能避免買. 而呢件事發生係4月中,我而家先POST出黎係因為我唔想係3A攪FUNCTION前影響大家既心情對同佢既印象,所以等個FUNCTION完左先POST.

件事既導火線係4月10日早上開訂REVENTURE既SET PACKAGE. 由於我因為一個error(見圖,關於資料當中唔可以有符號,如,./;’[]-=等) 而miss左setC,然後呢個error keep住出現攪到我連setA同B都訂唔到. 你可能會話冇貨或者我按得唔夠快, 但請大家留意我已經成功地將佢地”add to cart”, 然後select左之前用過既billing 同 shipping address, 你又話可能setC多人爭買唔到都正常,呢個我都知,因為我大約9:05分已經見唔到有得select setC. 但setA同B我之後keep左半個鐘試都出左呢個error,而且每次出番去都仲見到有貨, 咁證明唔係我唔夠快而賣曬.我試過重新enter過我既information 但都係唔得. 呢件事之後我嬲嬲地send 左個mail,連埋我cap左既圖去3A問,佢地就exactly照講番error 個message比我知, 即係冇答過我野,又話因為sold out所以我買唔到, 當時其實我冇諗住話要追究D咩,真心想figure out問題所左, 但來來往往幾個mail之後佢地都係話我打錯野, 最後我問佢地可能係因為我唔夠快買不到setC但setA同B你地又點解釋? 點知佢地就冇再回覆我,可能覺得我攪事, 而事件都擾攘左兩日, 雖然我好嬲, 明明有貨都訂唔到,比錢做3A member做咩先? 但因為我問左幾個TD既ching都冇事, 當時我估係我電腦有事, 所以見佢冇回音都冇再打擾佢.

然後到左4月17日下午, 我上官網訂Ambush, 用公司電腦, 又係同樣既error, 試過再打information,又試過由CHROME轉用FIREFOX訂, 都係唔得, 今次真係勁嬲, 比錢左做3A member但連基本權利都用唔到? 火遮眼出個mail 鬧3A, 措辭係有D過火 , 點知佢一回就話係我問題, 又話我打錯野, 然後話我出言侮辱要cancel曬我既order同membership!! 你冇睇錯,係cancel曬. 好,其實去到呢個位, 我雖然係好嬲,但OK fine, 因為貨同錢都係你度, 你決定左唔賣比我,要refund, 咁即係我一係接受, 一係連錢都唔要,然後我收到呢個email後既一個鐘佢已經透過paypal refund比我, 好啦你refund 咁我咪上番自己個accountcheck番我之前order左D咩同幾錢睇下你有冇refund少左我, 點知我個account已經被lock左,完全冇得check番record, 駛唔駛咁小家?? 你都留條後路比人follow番refund個情形丫? 因為paypal send個黎個D mail只有金額,冇item名稱, 所以我都唔知邊件打邊件同有冇比少錢, 最後又係我問佢先send我自己個order list比我, 見到由上年11月24日果隻Dr rothchild, 之後3AA membership, 然後SB queeney(兩隻), 到上個月既JC. 然後我再辛辛苦苦搵番半年前既credit card bill黎對番睇下岩唔岩數!! 你做法都好獨裁喎!!

即係REFUND左:

1.Dr rothchild

2. 3AA membership

3. SB queeney 2

4. JC

同埋我唔理呢樣野住, 我都係想知道究竟咩事落唔到order,然而我再開左個新account開試order都唔得, 最近我直頭比左個account 3A叫佢地幫我試, 佢地雖然成功左, 但仲係未話到比我知有咩問題, 其實個問題係browser, 我自己試過chrome同firefox都唔得,點知今次IE得左!! 可能你地會話我好X蠢咁小誤會引起咁大咁麻煩既事. 係,我認, 但當初4月10日我問3A果陣佢地都冇幫到我address個問題出黎, 直既去到4月17日都係未比到答案我,要我自己試先搵個問題所在?佢地CS冇責任? 而且佢地仲死屈我話我 post code打左 “N/A” 所以先有呢個error, 但我4月10日當日已經試左打”NA”, 亂打一堆數字同唔寫個post code, 試過曬都係唔得先問!! 而且我仲好清楚記得即使post code打 ”N/A” 一樣可以order到,因為我之前果D order都係咁. 好啦, anyway, 去到呢個地步, 呢間公司已經令我已經浪費左好多時間(同金錢), 你收左我半年錢, 然後半年後話唔賣野比我,原價退回,你覺得合理嗎? 所以我要同朋友商量下點react,冇即時accept refund , 雖然但JC佢地已經強行refund左比我,因為JC我唔係用paypal比的,係cash所以個refund已經出現左係我creditcard bill上.

edmund

不過但另一個問題又黎啦,就係4月25日佢地再一次催我accept refund, 雖然我仍然覺得係佢地理虧, 但多一事不如少一事(我本人平時都忙,所以4月17日去到4月25日都未決定到), 咁我決定acceptrefund. 但因為我唔小心按錯左, 3個order 既refund 有2個accept左1個refuse左. 點知佢第二日將refuse左既refund連同一個accept左既refund send左比我, 我又冇睇清潔accept左, 咁即係有一個refund double paid左, 果個refund係USD 180, 佢比左USD 360我. 我本人唔係D咩大奸大惡, 不義之財不可貪, 雖然同3A反左面, 但我知道呢件已經打算主動同佢CS講會退番多左果USD180比佢地, 不過呢個時候又有一個問題出現,就係兌換率既問題.

我以SB QUEENEY X2為例, 定價係USD 102 x2 = USD 204 (3AA discount之前係USD120一隻) 我當時credit bill 係比 $1623.78, 計番兌換率即係7.96. 不過由於3A refund去我paypal account又係用USD, 咁我要既USD轉做HKD然後再過番落我銀行度先得, 但係個問題係paypal個兌換率係7.56!! 即係我拎番$1542.24, 係冇啦啦少左$80幾蚊!! 同埋我仲有兩個order, 計番大約少左$200左右. 咁我連同佢比多左USD180我呢件事一齊講番比佢地CS知. 點知佢地話叫我send番D錢去佢地paypal度, 一句”thanks”都冇, 然而再hea我話佢地唔知兌換率有唔同,最好笑係佢地叫我等到兌換率高D先轉D錢去銀行. 大佬!!唔該你wiki下” 香港聯繫匯率制度” 咁多年黎港元兌美元都係7.7 - 7.8之間咋!!! Paypal係用緊自己既兌換率呀!!!因為佢地要收手續費呀明唔明??而你地3A一樣都係因為有手續費所以先會收高過聯繫匯率呀!! 而最大問題係佢地態度, 因為refund係佢地提出而唔係我要求, 佢地係咪有責任要要補償我因為兌換率造成既損失? 但佢地提都冇提.

成件事由我order唔到而鬧佢地到佢地強行免補償refund至到佢地比多錢但冇禮貌要求拎番又不作出兌換率補償, 浪費我時間同精神之多係同我玩玩具目的背道而馳, 造成既不便仲影響我工作!! 打呢篇野都用左我3個鐘啦. 我真係對3A失望透頂!! 比佢激死!! 我所請既野絕對冇假野同隱瞞,因為全部有email record同cap圖, 如果有地方要我clarify 我會提供證據.

如果咁多位師兄覺得太長,我就將成件事最重要果幾點講出:

1.一開始HEA我,冇幫我搵出問題,當冇左件事

2.冇同我討論過(或者警告過我)會取消我所有ORDER,而係直接單方面取消,仲要由最半年前果個開始

3.取消我ORDER之後連我ACCOUNT都BAN左,冇得比我即時CHECK番REFUND既數目同金額

4,冇補償,比著呢度D大大一定據理力爭嘈佢,不過我本人怕麻煩,當冇事發生就算

5.佢要求REFUND,但完全冇預計到我會遇到既問題,即係PAYPAL兌換率問題,兌換率相差令我損失左但佢地冇打算補償

6.REFUND錯左(USD180變左USD360,多謝先,不過我冇諗過要),又令我花時間處理

edmund

**呢篇野係我三四日前打既,因為唔想影響大家心去REVENTURE心情,所以而家先出
最新消息係:
佢地CS將同一個EMAIL SEND多次比我, 我見佢地咁冇誠意就直頭唔覆
直至尋日佢地先話佢地CEO決定左會比番80港幣我,條件係要我比番180USD佢地先
但我唔見左既錢大概係200港幣, 所以我而家都冇覆

chiman0123

3a你維修就做得好！cs個個都串串貢！好似食左屎咁~我都send email問過cs兩次野，次次答d野同無答無分別！言語間仲串串地，下下都話”你可以唔買””係可以退錢”大佬cs你服務客人嫁，唔係趕客！

catcat

見師兄認措詞有D過火，誠實，讚。:71:

小弟做CS都十多年了，其實就算面對面比客小那媽，好嘅CS都仍然要著力解決問題，而唔係下下叫個客唔好幫襯。

迫走一個客，註定損失十個以上嘅客，峰哥，做野啦。

coldstone

咩而家賣玩具需要CS嘅咩？3A就好似一個俾男友寵壞嘅港女，“我係咁㗎啦，鬼叫你冧我樣靚有身材呀，我係咁態度㗎啦，唔鍾意咪分手囉，大把仔冧我呀!"對付呢啲港女，惟一方法係冇仔理佢，等佢變剩女囉，可惜我哋男人實在係抵受唔住對女啲誘惑啦，所以，都係繼續做炮灰啦，或者好似樓主咁，狠狠地離場，早日解脫。

acq

"果個refund係USD 180, 佢比左USD 360我."--> 咁重要野都亂七八糟... D CS 真係未夠班...  :72:

E神

我都覺得 3a個網,,,
好難訂野,,,,
次次埋左件貨到 cart....
之後想比錢就 ,,,,,,,,,,,,,:42:

我見網上好多ching 都好似好易就訂到,,,,,,
我想知,,,係未我電腦 有的setting 有問題?,,,,,,,,,,,,,,,,,,,,

edmund

咩而家賣玩具需要CS嘅咩？3A就好似一個俾男友寵壞嘅港女，“我係咁㗎啦，鬼叫你冧 ...
coldstone 發表於 5-5-2012 09:49 AM

你呢個比喻好正
雖然件事攪到一獲粥
但小弟不得不承認3A既產品真係好正
我最愛都係佢地既DEPLUME同COMMANDERS,因為勁好軍事FEEL之餘又帶科幻感,加埋D舊化真係一絕可能我之後會後追番ROTHCHILD同JC
其實一開波我嬲嬲地都係因為買唔到REVENTURE既TK, 因為我一隻TK都冇,哈哈

dreamer919

最過份係cancel埋之前d訂單，退訂了事。落得訂，單方面取消交易，理應退訂外，仲要有合理既賠償。如果唔係，駛鬼落訂？

akiaki

服務態度真超差:blame:
咪鬼買佢D野!反正隻隻差不多樣!

coldstone

係呀，佢啲嘢好多都返炒再返炒，所以一定要嚴選。至CS差，我而家都係搵朋友幫我訂，所以未領教過，不過以我脾氣，你系統差、態度差，我就唔買囉，費事同佢勞氣。

dreamtoys

我就問過3次CS野，一次問送貨，一次問出貨時間，昨天問account資料不見了d.
3次我都幾好，有禮貌，可能我都有禮貌問。我都做過服務行業，所以我明白。3a始終不是一間服務業公司，不過後果我覺得嚴重d，可否通過溝通解決問題？

af1616af

不如樓主分享下啲措詞有幾過火