Toysdaily 玩具日報

 找回密碼
 註冊
樓主: 七國咁亂

[其他] 請……離開吧……

   關閉 [複製鏈接]
發表於 27-3-2014 10:14:27 | 顯示全部樓層
本帖最後由 shiufon 於 27-3-2014 10:56 AM 編輯

回復 89# chlycab
呵呵,chlycab兄講得有理,上網吹水大家討論,各有見解,冇話針唔針對。呢個問題上達唔到共識,可能下個問題想法一致呢,我覺得冇所謂喎,話唔定聽完各位師兄講,覺得有道理轉軚亦唔出奇。聽別人意見,反思自己想法正確與否就係聊天區嘅功用之一,如果一定要堅持已見,咁乜都唔需要講啦。你要蠢唔通唔俾你蠢咩,我醒咪得囉,係咪?所以真係對事唔對人啦。

我其實講過好多次,唔係覺得完全冇問題,而唔係將所有問題怪喺政府身上,針無兩頭利,你話有更完美方法佢唔用佢抵鬧,但係而家係咪真係有更好嘅方法?大家有怨氣,但又講唔出改變方法,咁其實係咪代表政府而家用緊嘅,可能已經係現階段自覺最有效嘅方法?

自由行也好,單程證也好,甚至物價颷升都好,其實問題都唔止一面,點樣可以滿足到所有人?打擊樓價措施行得太前,會影響經濟以前唔係未試過,咁而家就住屋問題政府亦有想辦法,係咪應該一面倒反對?將個政府形容為別有居心,所有嘢都陰謀論,負能量爆燈?

通漲係問題,咁點解日本要壓低日圓?因為運縮都係問題,佢地十年前買支可樂120yen,今時今日買支可樂又係120yen,吉野家牛肉飯重減價添,咁係咪代表日本人過得好開心,經濟冇壓力?

唔俾自由行黎,藥房金舖冇生意執粒,係咪租金就會平返啲,弱勢係咪就會受到重視,呢個其實係冇人可以答到嘅問題。多人搶於是加價,冇人租於是減價,呢啲只係一廂情願嘅諗法。但而家相較經濟,個人覺得將所有問題加於政府身上,卑視,甚至仇視大陸人同新移民先係重點。

發表於 27-3-2014 11:03:14 | 顯示全部樓層
本帖最後由 shiufon 於 27-3-2014 02:45 PM 編輯

回復 87# 小堅

我唔係水貨佬,唔係好識法例,理解錯請輕手啲,唔好打臉。

根據我對上文嘅理解,係入境者唔可以係香港境內參與任何業務,即係話佢喺大陸攞貨過黎擺街邊賣又好,喺舖賣又好,都係犯法,咁如果佢賣俾二手店又或者有牌嘅水貨店呢?呢個我真係唔知,有待各師兄指點。

咁如果佢唔喺香港境內賣,而係帶出境賣又算唔算犯法?都係唔知。我只知道喺香港買沒有稅務管制嘅物品唔算犯法,只要佢唔係喺香港境內出售,就算見到大陸人拖住一箱箱維他奶,香港差人都應該冇權拉佢。

咁IPHONE係大陸係打稅物品,過唔到都係大陸個關,香港攞出去應該冇問題。(個人理解...個人理解...)

喺羅湖過關,有時見到其他人俾海關檢查,睇到係金莎或紙尿片都俾過,所以個人理解係合法(都話個人理解囉)。當然都要睇數量,如果海關要執正黎做,應該都可以話佢冇報關,即使該物品本身打幾多稅,甚至唔駛打稅,用作商業用途嘅理論上都要報關。

我諗小堅兄嘅意思係,貨喺邊度賣唔係重點,明明係黎旅遊,買貨呢個商業行為本身已經係犯法,明嘅明嘅。

不過講開又講,呢個其實係一個好值得認論嘅項目。根據呢條入境條例,咁如果有個泰國客黎香港玩,路經EB旗艦店遇到標爺,兩人一見如故,重俾咗個泰國總代理佢做,咁呢個泰國人算唔算犯咗法?因為原則上佢嘅簽證只容許佢黎旅遊,但結果做成單大生意。

唔知,唔識,唔敢亂講,最好問問標爺。

又如果陳妍希以私人性質黎香港玩,遇到影迷同佢合照,個粉絲貼上面書俾傳媒報導,大家對佢嘅親切態度好感大增,人氣急升,吸引到香港電影公司高價請佢拍戲,咁又算唔算係進行咗間接嘅商業活動,犯咗法?

唔知,唔識,唔敢亂講,最好問問陳妍希經理人,順便約下陳妍希有冇時間去飲杯茶。

攞個學生簽證去美國打工肯定犯法,咁如果課餘喺ebay賣下嘢呢?都係唔知。

好啦,即使你話犯法,亦無可能因為部份人犯法,就禁止疑似水貨佬(或水貨姐)出入。就好似有人亂過馬路係犯法,所以就全部人都唔准過馬路,或者只准部分睇起上黎唔會亂過馬路嘅人過馬路。就如我之前所講,「因為很多男人在大陸包二奶」,於是引伸成「大部份男人去大陸都係為咗包二奶」,所以「唔好俾所有香港男人上大陸」。

「因為很多內地人在香港買水貨」,引伸成「大部份來香港的內地人都係為咗走水貨」,所以「唔好俾所有內地人來香港」。

至於日本玩具,我可以百份百肯定唔經生產商授權入口嘅都係水貨,唔理你空運船運抑或放喺自己旅行袋,一律係水貨。唔信你攞盒日本親手帶返黎嘅高達去問瑞記,呢盒係咪水貨,少咗件有冇得換,睇佢點答你。咁你係咪攞黎賣就另一回事,就算賣都唔係犯法,除非你唔攞商業登記開間舖賣就係犯法,但都係犯無牌經營,而唔係犯走水貨。

你話如果走水貨係犯法,瑞記晨早拉人封艇,重有咁多亞版日版同佢鬥價?啲乜記物記亦唔會成箱成箱外國版瑞士三角朱古力放喺門口咁張揚。

大陸有好多零售商賣行貨我當然知道,做生意各施各法。水貨某程度上係發揮咗抗衡行貨嘅作用,唔俾代理獨大。大陸人鍾意黎香港買日用品,係因為大陸假嘢多,佢地覺得香港賣嘅質素靚啲,信心大啲,情況就如部份師兄覺得日版QC好啲,水口都剪得靚啲一樣。

咁你話強國人連自己國家賣嘅嘢都信唔過,係咪好悲哀?係,係好悲哀。

我去日本見到啲紫菜新鮮啲靚啲,買多幾盒送禮自用。堂堂高尚香港人喺香港居然只可以食到劣質紫菜,係咪好悲哀?係,係好悲哀。

細個買唔起popy超合金,買盒台灣翻版頂住先,日本小朋友笑我地玩假嘢,係咪好悲哀?係,真係好悲哀。

價錢一樣,港版印得衰過日版九倍都算喇,部機明明龍珠卡面,入一蚊居然出張yes卡,重要係黎明(周慧敏都好唷...),簡直係悲哀中嘅悲哀。
發表於 27-3-2014 11:17:33 | 顯示全部樓層
回復 80# hk小文

講開王生單嘢,因為個人較少睇電視,所以唔係好留意成個過程,有錯請盡情丙。(利申:係,因為我少睇電視,所以可以講風涼話,抵丙)

件事而家講到好複雜,好多陰謀論,但如果簡單啲睇,其實只係一個商業機構申請牌照失敗,理由係政府認為太多競爭者,會影響市場。咁如果唔係王先生喺取得牌照前已經偷步做咁多嘢;如果佢唔係比市民咁大期望,認為佢一定攞到;如果傳媒唔係將不獲發牌原因理解為政治打壓,大家係咪會咁反感?

相反黎講,係咪正因為佢做咗咁多嘢,政府就有義務要一定要發牌俾佢?係咪因為其他兩個競爭者冇做咁多事前工夫,所以發牌俾佢地就係唔公平,是明玩王先生?

冇錯佢係為市民提供免費節目,但講到尾其實係商業行為,有廣告,有錢收。政府按照一貫做法有牌先可以播,係咪真係唔啱?佢認為佢可以將電視台搞得有聲有色,改變舊有模式;政府認為會破壞業界生態,邊個可以講邊邊一定啱,一定錯?佢話政府邀請佢搞佢先搞,億億聲生意,係咪一紙證明都冇,靠一個信字?係咪一個電郵都冇,全部面對面口頭協議?

記得前幾年某大牌子一隻MM個頭雕廣告同大貨唔同樣,官方解釋係版權唔批,咁你認為係某大牌子未審批完就出廣告收單唔啱,定係版權明明有個更靚靚頭雕卻唔益粉絲衰啲?
發表於 27-3-2014 11:38:21 | 顯示全部樓層
我自己没有走水货, 但有些朋友以这个为生, 我知他们阻碍着你们香港人的生活, 我也有些不好意思.....至于那施君龙, 杀了人都可去香港落户, 又真系天无眼.....
發表於 27-3-2014 11:42:28 | 顯示全部樓層
回復 88# MR_OOO

對,我是五毛,不止五毛,發一個回覆有五塊錢,所以一晚發幾個,足夠生兒育女,供書教學,還得到中央讚賞。請多提意見,讓小弟多回幾個,今天晚飯還未有著落。
發表於 27-3-2014 11:44:04 | 顯示全部樓層
回復  小堅

我唔係水貨佬,唔係好識法例,理解錯請輕手的,唔好打臉。

根據我對上文既理 ...
shiufon 發表於 27-3-2014 11:03 AM


我未已經紅字左畀你睇...
訪客未得入境事務處處長許可,「不得接受有薪及無薪的僱傭工作」,亦不可以開辦或者參與任何業務

1. 走水貨係唔係僱傭工作呀???唔通為左興趣咩...

2. 你指「金莎或紙尿片」,係合理既數量未可以過,你有冇見過有人車幾箱「金莎或紙尿片」而可以過到關???

3. 其實你愈扯愈遠做乜,「由始至終我都冇話唔畀自由行落黎」,如果有既話麻煩請指出,不嬲都講緊單程證問題,不過係你話蝗蟲問題,我就順帶提下水貨客...
    唔畀走水貨同唔畀自由行落黎係兩樣野黎,水貨客就係水貨客,我冇話水貨客全等於自由行,只係部分自由行用佢呢個身份黎走水貨,所以你要搞清楚...

4. 除非你唔羅商業登記開間舖賣就係犯法,但都係犯無牌經營,而唔係犯走水貨。
    咁我係日本買件玩具返黎香港,我上YAHOO賣,咁算唔算無牌經營呀???

   「再講,係日本買玩具件野已經打左稅啦,所以你就算係日本買幾多都好,都已經畀左所謂既稅,而唔係非法走水貨」...
    同埋玩具鋪如果經飛機或者船運過黎既野,唔係都要畀關稅???呢方便我唔清楚,有錯請指出...
    你拎日版去代理到換一定唔會換啦,你當代理傻,但你寄返去日本笨大個到,佢好樂意換返畀你...

其實你覺得依家香港冇問題既話,我祝福你,可能你睇到比其他人通透,但麻煩你唔好再將有問題既野去合理化...
發表於 27-3-2014 11:56:20 | 顯示全部樓層
回復  hk小文

講開王生單嘢,因為個人較少睇電視,所以唔係好留意成個過程,有錯請盡情丙。(利申 ...
shiufon 發表於 27-3-2014 11:17 AM


比起香港人, 我感觉你的想法更像我们大陆人, 是好同胞来
發表於 27-3-2014 12:06:41 | 顯示全部樓層
本帖最後由 shiufon 於 27-3-2014 12:20 PM 編輯

回復 97# MR_OOO

謝謝!我是土生土長的香港人啦︿︿

我的想法其實很簡單,大陸人跟香港人理應平等(即使沒可能百份百,亦盡量做到),既然香港人可以自由進出國內購物,在法律許可的大前提下,大陸人亦應該擁有權利。除了街上多了說普通話的旅客擠逼一點外,我暫時看不到有什麼對香港重大傷害的事,就是這樣簡單。
如果你說因為旅客太多擾亂市民生活要限數,就應該全世界的旅客一起限,即旅客到了某個數量就不理歐美法日一律不准來港,像當年迪士尼樂園人太多停止入場一樣,而非只限制某個地區的人。

試問連香港人都帶頭歧視同胞,又有誰會看得起中國人?
發表於 27-3-2014 12:54:29 | 顯示全部樓層
回復 98# shiufon

共产党要排洪, 将来起码会有近亿人同时待在香港, 只要香港能承受就好, 相反香港七百万人全来大陆我们也却没问题, 大陆地方够大.....有些大陆人在香港尖队, 在街拉屎, 甚至发生暴力行为等也希望你们包容包容, 毕竟这是大陆文化.....现在中国有点钱, 又不怕给看不起
發表於 27-3-2014 12:56:36 | 顯示全部樓層
開始覺得個 POST... 留個名啦
我睇緊架
嘻嘻嘻嘻嘻~
發表於 27-3-2014 13:23:21 | 顯示全部樓層
回復 99# MR_OOO

我只能說,每個地方都有好人和壞人,不能因為他們是屬於什麼民族就標籤他們是什麼人。我知道有大陸人在街拉屎,但亦知道更多大陸人不會在街拉屎,是否因為有部份人做,就代表其他的都是同一類人?現時傳媒給我的印象是他們會故意捕捉大陸旅客旳醜態,報紙上你會看到記者拍大陸人拉屎的照片,但不會拍他們旅港時的燦爛笑容。

還有我在前文說過,我並非在替政府辯護,事實上也許明天就有令人痛恨的政策。我只是按照現有段階段自己的想法來說話,就像當年追看幪面超人kabuto,首些集數很精彩,我周圍跟朋友說是史上最好看的幪面超人,後來卻變成史上最爛的幪面超人。
發表於 27-3-2014 13:54:28 | 顯示全部樓層
回復 101# shiufon
如果所有香港人都能和你一样深明大义就好了, 我认为中国人的素质不会比日本韩国的差, 只是多几个尖队的, 有些没运的次次刚拉肚子都找不着洗手间, 表示一下武术技艺就被拍下了...... 你们的689也肯定没错是党的, 共产党是铁打反不了, 倒不如臣服更化算, 能做个吃得饱穿得暖的太监是种大智慧, 这个讨论区虽人多, 但能沟通的就只兄台你一个
發表於 27-3-2014 14:00:19 | 顯示全部樓層
本帖最後由 shiufon 於 27-3-2014 02:19 PM 編輯

回復 96# 小堅

水貨其實真係離咗題,不過講開就提埋。

平行入口唔算違法,車幾箱「金莎或紙尿片」過唔到關係因為冇報關,而唔係因為走水貨。要明白一點係即使有報關同有納稅,都唔代表果件嘢變咗行貨,極其量只算係完咗稅嘅水貨。

咁簡單講,帶水貨而又唔報關又唔納稅嘅人係犯法,但佢地係觸犯大陸嘅法例,因為香港出口自由,除煙酒等限制品外係唔限出口,所以唔可以話佢地喺香港犯法。用合法嘅嘢做違法嘅事日日都有,我地唔可以因為有可能犯法而禁絕本來合法嘅嘢。即係菜刀可以殺人,但唔可以用有機會殺人嘅理由禁絕菜刀。

不過以我所知,有一個情況係水貨都唔入得口,就係持牌人喺當地申請咗專利,以保障果個地區嘅市場。例如你要走大量米奇老鼠毛公仔去美國,即使果啲係香港嘅正版,海關都應該唔俾你過。但要清楚只係唔俾你過,本身唔算係犯法。

係日本買件玩具返黎香港上YAHOO賣,算唔算無牌經營,其實同我講攞個學生簽證去美國讀書,課餘喺ebay賣下嘢一樣,個人認為係有灰色地帶。即係你賣十件八件唔當你違法,但如果日日賣,將賺到嘅錢存入銀行,稅務局係咪就冇權查你?果啲錢係咪就唔駛俾利得稅?我都唔係好知,希望有網拍嘅師兄指點一下。

》》玩具鋪如果經飛機或者船運過黎既野,唔係都要畀關稅?

玩具等產品香港係免稅品,唔駛俾關稅,入口要報關,但唔駛比稅。
發表於 27-3-2014 14:12:04 | 顯示全部樓層
本帖最後由 shiufon 於 27-3-2014 02:14 PM 編輯

回復 102# MR_OOO

黨的「人治」大家都十分清楚,最近東莞一帶掃黃,連正規的沐足都不能營業,你說他們犯了什麼法不能開?不用理由,說你不能開,你就不能開。
發表於 27-3-2014 14:28:33 | 顯示全部樓層
本帖最後由 小堅 於 27-3-2014 02:49 PM 編輯
回復  小堅
水貨其實真係離咗題,不過講開就提埋。
平行入口唔算違法,車幾箱「金莎或紙尿片」 ...
shiufon 發表於 27-3-2014 02:00 PM


1. 其實走水貨都算係逃稅既一種,唔理你係金莎又好、紙尿片又好、定係益力多都好...

2. 咁係日本運過黎,日本個邊駛唔駛仲收稅???

3. 其實係香港做生意一定要拎商業登記,係YAHOO既賣家,除非佢本身有鋪,如果唔係佢點知佢有冇拎到商業登記...

其實已經愈講愈遠...
見你咁多回覆都覺得個政府冇問題...
咁我又想問政府唔係應該公平、公正、公開???
佢又唔公平、又唔公正、又唔公開、一男子因素既情況下,你都覺得冇問題???
高官係有問責制,點解D高官畀人踢爆左做衰野仲可以繼續留任???
咁你都覺得冇問題咩???
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 28-3-2024 05:33 PM , Processed in 0.028217 second(s), 13 queries .

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表