Toysdaily 玩具日報

 找回密碼
 註冊
樓主: 七國咁亂

[其他] 請……離開吧……

   關閉 [複製鏈接]
發表於 21-3-2014 18:08:06 | 顯示全部樓層
每個人、每個地方、每個社區、每個国家、都有一個容忍度、等如去高級餐吾可以农衫不整!吾會比你入!有錢吾係大曬!
發表於 21-3-2014 18:39:38 | 顯示全部樓層
回復 46# 冬暖夏涼小恐龍

呢個當然明白,但係咪應該「因為有部份人不能容忍」,於是就全部標籤為野蠻人,一個都唔好黎?咁同「因為很多男人在大陸包二奶」,於是引伸成「所有去大陸的男人都係為咗包二奶」,所以「唔好俾所有香港男人上大陸」有乜分別?

同埋點先算係不能容忍呢?炒貴價係市場供求問題,行街阻街都唔可以算係啩?除非佢地黎做小販,喺街邊擺賣,否則同一般行街嘅市民有乜分別?你去外國旅遊,會比人話你阻住佢行街?
發表於 22-3-2014 13:51:45 | 顯示全部樓層
回復  七國咁亂

反而想問,其實香港人而家不滿什麼?

自由行?有人正當途徑黎旅遊購物都反對?全世界 ...
shiufon 發表於 21-3-2014 10:35 AM

算啦!你想問的根本不可能有答案,自回歸以來,反對政府聲音根本只有反對無提出,即使有提岀都是天馬行空不設實際,最近兩大問題:「普選」己經到了無可挽回局面,雙方各不相讓;免費電視牌照,竟然發展到政府按下多年訂下制度辦事都是錯,若然今天給王維基先生成功開台,即是代表需領牌照行業,只要向市民申請就可以了,無需理會什麼政制了,個人覺得是極度危險的事;而目前假如做個問卷調查,「想做特首還是議員」,相信99.9%都會是議員,餘下可能只是沒意見,今天的「亂局」個人認為只是香港人自己做成,我更相信無論全球國家,不論資本或社會主義,甚至第三世界國家政府,也會擔心地區政府跟國家政府作對吧?

我意見就只有香港人恢復真正理性,「幹你媽我那裡不理性」絕不可能對任何事有幫助,回歸十七年,本來有大好機會給中央政府了解民主政制的好處,但今日要中央對民主有信心已近乎不可能了,可惜我想法也變得天馬行空了.......
發表於 22-3-2014 19:45:52 | 顯示全部樓層
官逼民反,你明唔明,反既唔只憤青,好多之前寧願息事寧人既市民都開始頂唔順,
你覺得可怕因為你唔明,唔面對,隔岸觀火既風涼話。 !!
發表於 22-3-2014 21:25:37 | 顯示全部樓層
算啦!你想問的根本不可能有答案,自回歸以來,反對政府聲音根本只有反對無提出,即使有提岀都是天 ...
特級豉油 發表於 22-3-2014 01:51 PM



1自己僭建, 仲大大聲質問其他人僭建. 之後又冇咗件事, 當冇嘢發生?
2 劏房波, 圍地波, 太太既家人波. 又冇咗件事?  
3 打壓傳媒. 明係針對WIKI, 視法律如無物, 一單插又一單,但民意又無聽喎?
4 打壓獨立顧問, 厚顏無恥老屈顧問報告內容. 伍珮瑩出黎澄清, 轉頭工都無得做.
5 百鴿黨班人幫新移民來港即刻就可以申請綜援. 嚴重加劇全港財政負擔.
6 增加輸入外勞, 又延長強國學生留港年數. 明明青年就業情況慘淡, 仲要雪上加霜.
7 冇口齒. 競選時話會取消強積金對沖長期服務金同遣散費. 競選後唔做, 竟然一句競選政綱不代表施政政綱就算.
8 港大民調, 競選時有利你既數據, 你就引用, 而家民望愈來愈差, 你又搬龍門話港大民調不可信.

請問你既理性做過啲咩?提出過啲咩?
請問你既理性點樣幫過香港?
我認同某類奮青的確係過激,但佢地有時又真是做到野喎
Eg佢地搞大件事圍班水貨佬,政府先做下野
我認同中國的確一路係比最好既香港,但問題係過盛則溢
的確自由行同新移民更甚領匯都係香港人要求既,
亦的確人多,金舖多,藥房多我可以理解,
但合法唔等同合理,而家最大問題係政府班廢人唔識管理,
如果你肯監管自由行數目,你肯認真處理當中既問題 eg水貨客,
香港人重邊有咁大怨氣?
所以我前面都話最怕真是你呢類企到高高既離地派,
雖然我無法完全認同激進,但佢地係都有供獻,
但你呢類企係遠處既人我真是唔知你做過咩
發表於 23-3-2014 12:30:16 | 顯示全部樓層
1)先不說十間豪宅十間都僭建;只係佢個人誠信及處理問題
2)不明你所指
3)只不過非官方一廂情願無証據斷估,首先發牌制度回歸前後都一樣,審批權一向都是政府,其次無人要他未有牌就搞上市、建電視台,假如從來無偷步,今日也不會那麼大迴響,更不會令他今日"死雞撐飯蓋",不發免費電視牌照如何演變「打壓」?為何是幫tvb atv?得益是有線及Now吧?
4)伍小姐好明顯是犯了行規被公司解僱,香港政府為什麼要保住私營公司被炒僱員?
5)根本不關政府事,司法獨立本該自豪但帶來這點遺憾......
6)增加外勞都是香港人不願做的工種,請不到香港人可以怎解決?香港青年就業情況慘淡?每天招聘廣告多的是,同樣大學程度的人一樣多的是,有無反問他們想幹什麼工作?况且近年質素大幅下降,被內地生趕過了頭,你是老闆都不會那麼傻,高薪聘請一個可能物非所值,不願由低做起大學生,倒不如內部晉升更化算吧?再者政府可以做什麼?開多幾個政府部門招香港年青人龫管理層還請他食長俸?競爭力去了那裡?
7)梁特首還在位,放長雙眼,况且也是牽一髮動全身的問題.......其實我也不明白當日他為何那麼大口氣
8)這點老實點說,那個人不會是這樣?同樣有人說王維基不要開台,他又聽不聽?每個人總會喜歡及接受好聽聲音,我、甚致我遇過的人,尤其是上司及老闆也一樣何必在意?况且龫領導層就必然要耍技倆(不只是政府,公司也一樣),我就不當一回事

我也明白反對派必須存在,過激市民也必會銜生,但也必須取得平衡同理智,看看討論區多數留言,大都是用較空範(好像寫錯??)言詞反對政府,當中有清楚理解的人,但也不少一知半解的人吧?那些一知半解的會知自己一知半解嗎?所以作為第四者的我,就會去看較專業人所寫所講來得實際,政府不一定對,也不一定錯吧?民主就有這個好處,換轉拉登阿蓋達那類領導人?早就吃子彈了,香港始終不同台灣,自己已沒多少生產力,你還可以不找家人去找朋友幫忙,政府可以不背靠祖國?除非自己能解決自己問題

自由行問題,我想廣州不會限制上海人來訪數目,大坂也不會不歡迎東京人吧?任何角度看政府除了取消一簽多行也沒多辦法,建新免稅購物天堂?打造中英街?算吧啦,况且限制多了,內地人分分鐘更仇視港人,反效果可能更多,最重要根本只是內地人素質問題,再者內地有旅行箱,港人也有大背囊,以在下來說後者擊中比率更多.......

重點我其實想說很久,就是「民意」,市民總是聽見反對聲音,網上如是,現實更是,其實好多人好像不理解,不是所有人都「不平立即鳴」,反高鐵60萬人到立法會,夠多了吧?其他沒岀聲到底是支持?中立?無意見?無聊?反對?支持hktv十二萬人到場聲援,壹傳媒全力支持,那真的是全港市民一致民意?當年反高鐵同時,同樣有支持高鐵的人到場聲援,算不算民意?為什麼自回歸後「反」才是民意?再者今日反對聲音增加只是一班年青人,要信他們有足夠人生經驗閲歷夠廣、有足夠認知能力、認識真正民主自由,了解經濟政治我真的有保留。

今天的怨氣,市民也有好大責任,不能種種事也依賴政府、怨這怨那,好多事也不能以個人利益著想,政府始終要為公眾利益著想,「公眾」是不論窮富的;有人說官逼民反,前兩屇還可以理解,但梁振英上場不久,施政往往又受到制肘,政府又可以有什麼建樹?

今日集中注意力到普選吧!
發表於 23-3-2014 13:14:41 | 顯示全部樓層
本帖最後由 hk小文 於 23-3-2014 09:00 PM 編輯

1) 一個城市的領導人,個人誠信有問題,都不算有問題?有沒有想過今天所有施政艱難,就是和一個沒誠信、沒認受性的政府有關?仍是那句,不要問為甚麼每次出現也有噓聲,先問問自己究竟幹了什麼,令人"真心"歡迎你,不是用一車一車呢旅遊車,運一班老人家去歡迎你。
3) 我個人相信,當初沒一個"話得事"的人對王先生承諾,沒人會貿然擺咁多錢落去!而政府的解釋根本難以服眾,才有咁大反彈!

自由行問題,我想廣州不會限制上海人來訪數目,因上海人不會湧到廣州買當地的日用品,而影響到他們的生活,因廣州的日用品都是國產的..........
而自由行最大影響還不止推高日用品價格,連房地產也推到和香港人的人均收入脫晒節!一個沒有租金管制既"自由經濟"地區, 所有物價必然會隨住房價地價大升而暴升!
本來, 如果果個地區既企業主有良心良知既話,係突然多賺錢既同時,將員工既人工都調升,調升得高過通漲,咁就問題不大,所謂"無競爭力"OR所謂"不思進取"既人依然可以保障原有生活,
但中國人,台灣人,香港人,大部份華人普遍心態都係越富越孤寒,越賺得多越刻薄,心態係"我賺多左錢 做咩要分比你?"
而我相信大部份有資產既人好開心
係香港有樓既人吾開心咩? 突然你間屋本來當年一百萬買番黎,而家無啦啦幾年值四、五百萬。
慘就慘在所謂"無競爭力"既所謂"不思進取"既人
當年諗住打份萬幾蚊工,租下幾千蚊樓過世,
因為以上情況, 人工無點加到, 租金又狂加成倍,有咩理由會無怨氣呢? 退一步說,係呢班人不思進取,不繼續增值0者,但其實,人係咪真係要不斷增值,才可以生活呢?選擇寫意一點的人生不是罪吧?
講一個現成例子,五年前,新填地街一間靠近朗豪坊的地舖,賣了 1200 萬,近排,一間同一 size 的地舖,但近豉油街那邊,成交價 3000 萬!你認為這間舖將來一個月應收少租呢?這仍能說是"正常"嗎?

今天台灣人有這麼大反應,是真的看清看楚,一國兩制,高度自治,有商有量,倒底是怎麼一回事。
發表於 23-3-2014 16:57:08 | 顯示全部樓層
春秋五霸之首齊桓公,有一天對管仲說:

「魯梁這塊地方,對齊國來說,是重要的糧倉,
就像是蜂的螫針,是唇亡齒寒的緊密關係,
我想要打下魯梁,有什麼好辦法?」

管仲回答說:

「魯梁的老百姓擅長紡織厚絲織服飾,您就專門穿厚絲織衣,
叫你的臣子部下也通通都穿,老百姓就會學你們穿,
您再命令齊國禁止紡織厚絲織衣,一定要從魯梁進
口,這樣魯梁就沒人種田,而全民都去紡織厚絲織衣了。」

齊桓公雖然不明所以,還是說:「好。」
齊桓公馬上到泰山南邊訂做了一套厚絲織衣,十天就做好,穿上。

接著,管仲告訴魯梁的商人說:

「你幫我買一千匹厚絲織布來,我給你三百斤的黃金,
你要是賣十次,就賺了三千斤的黃金啦!
這樣你們魯梁可以財政富裕到完全免稅都還預算花不完。」

魯梁的國君聽到管仲這樣說,真是黃金從天上掉下來,
眼睛都發直了,叫所有魯梁國民全部都去紡織,十三個月後,
管仲派人到魯梁,魯梁城裡的老百姓簡直把他當成財神降臨,
全城都眼巴巴的去歡迎他,馬路上人潮洶湧到起了沙塵暴,
伸手不見五指,只好彼此牽著褲帶,跟著前面的人的腳步前進,
車子的輪軸都擠得上下交錯,成了一大片車陣。

管仲見到這個情況,就說:「魯梁已經是我們的了。」

齊桓公大惑不解:「怎麼說?」

管仲賣個關子,只吩咐齊桓公:

「您請穿上帛衣,叫老百姓都禁止穿厚絲織衣,
然後關閉邊界,與魯梁斷絕往來。」

齊桓公雖然完全搞不懂管仲葫蘆裡賣什麼藥,還是說了聲:「好。」

又過了十個月,管仲又派人到魯梁,發現魯梁的老百姓哀鴻遍野,
陷入嚴重飢荒,連緊急加稅,都收不到可以供應國君所需的糧食。

魯梁的國君這時候才命令人民快點不要紡織,快去種田,
但是種田沒辦法三個月就收成,哪來得及,
於是魯梁老百姓的米價高到一千塊,
同時齊國的米價才十塊錢。

二十四個月後,魯梁的人民有六成都歸降齊國,三年後魯梁的國君也投降了。

-----------------------------------------------------
原文:《管子•輕重戊第八十四》
發表於 23-3-2014 17:08:40 | 顯示全部樓層
本帖最後由 冬暖夏涼小恐龍 於 23-3-2014 07:22 PM 編輯

hk小文    完全明白
like

like 原全明白!!


發表於 23-3-2014 19:49:27 | 顯示全部樓層
發表於 23-3-2014 20:55:40 | 顯示全部樓層
如果香港政府是有人話得事說了什麼話,請王生投資,那不正是中共一向做法?原來認同中共靠關係做生意?何況今時今日王生也説不岀是誰,司法覆核未計劃,就忽然收購中移動子公司,本高高興興大眾認為中央「開綠燈」,究竟是響往中央還是抗拒?不會對自己有利就接受吧?

HKTV 不獲發免費電視牌照,也相當理解大眾心情,美麗的憧憬特然爆破,但王生當日堅持司法覆核的話,爭取免費電視牌照,我還敬重他不屈不撓,但今日竟然於高清廣播近十年後忽然質疑TvbAtv 經營流動電視,說成通訊辦給予酌情權,再說竟不是追究,而是希望他也享受說人違規的酌情權,不用受廣播條例監管,利用科技令家中不可能流動的電視可收看其高清節目,那麼對四十多年來其他電視媒體又公平嗎?

說到底他也是生意人,今日不這樣走他公司已沒多岀路,為何不一開始就計劃收購TVB進入董事局,而選擇到ATV、成立HKTV去「改變世界」?說到底也只不過是生意人的好勝心,沒對手很沒趣吧?今日公眾希望有高官甚致中央打開側門給他入閘,那麼跟中央可不依法辦事又有什麼分別?
自由行有無想到有什麼公平政策,可協調中港兩地?更跟其他國家來港訪客對等?自己家也可以隨隨便便關上門不招待,但旅遊開放可以這樣嗎?一天美國人也這樣來港又如何呢?日本人又如何?彈性處理?即是喜歡誰來就可以來?那麼手執此權的人.........又想到中共了

香港就是什麼都自由,同樣平台人人平等,有人萬五薪水可以買不起物業,同樣薪水一樣有人不少於一個物業,這視乎個人問題,沒現由前者就是可憐需要幫忙,若是這樣後者到底為了什麼而努力?當前者等人幫不就可以嗎?即做又三十六,不做又三十六,一般人會怎選?當然政府也不能坐視,自住物業方面必須處理,但不是一時三刻就可以有過萬單位滿足現况,但商舖只是不必要私人投資買賣,引用罐裝可樂,一般$4-5就可買到,但便利店賣$8.5是否不合理,應該限制他嗎?不應給數字大影響,那麼大投資,全現金交易不用理,經擔保借貸有人會比你更緊張,可能沒留意財經吧,全球尺價第一銅鑼灣現商舖回報率仍然合理。

僭建那點我意思是沒問題嗎?我想有點誤會了。

其實不希望赤化,但也不應該香港用赤化手段處理政制事務,那麼人性化處理公眾利益,只會增加更多不公平,更多貪腐機會,今日王生假若獲準開台,那麼「申請待批」還有什麼用,跟相關高官摸酒杯底,不成就揭開肚皮不就成嗎?如果同時多人跟這高官摸酒杯底,即使他真的公平處理,公眾相信嗎?
發表於 23-3-2014 21:06:49 | 顯示全部樓層
本帖最後由 shiufon 於 24-3-2014 12:12 AM 編輯

大家嘅回應都好理性,真好,上得黎都係玩具好友,希望可以平心討論。

之前講過,我自己亦有好多不滿政府嘅地方,強積金等明明送錢給基金佬,法治不公等問題亦好氣憤,但係咪咁,就要將政府妖魔化,做嘅每件事都係錯,所謂的逢中必反?而內地人亦被過份醜化,連真金白銀黎消費都要俾人鬧?

你話香港嘢有保障,佢地先黎買,正常黎講呢啲係咪應該值得香港人自豪?應該歡迎外國包括內地人黎分享同見識,點解要矮化遊客,話佢地黎搶?話佢地擾民?旅遊業乜唔係香港經濟一個好重要嘅支撐,幾多行業靠旅客搵食,因為阻住你行街,所以要鬧人,所以要趕佢地返去?

講到尾,咪又係睇唔起呢班過去經濟遠不及自己嘅暴發戶。直到而家,都重有好多香港人歧視大陸人,自以為高人一等,我返大陸消費大爺咁款冇問題,人地黎買野就要笑人強國人,鬧人素質低,甚至作人身攻擊。的確好多大陸人無禮貌,但亦有好多好親切,係咪咁就要將全部定性為低一級?

成日話蝗蟲,其實好多落到黎定居的內地人都好勤力,好多都冇攞綜援,佢地知識冇你咁多,做洗碗等厭惡性工作又比你話大陸人低等,但高尚香港人又唔肯做喎,轉頭鬧人同你搶嘢做,根本好多香港人一早已經抱住睇唔起人嘅心態。

物價高,乜大家真心覺得係自由行帶黎?內地物價一樣標升,十年前民工兩蚊一個鐘,而家升咗五倍都唔止,加上人民幣升值,有乜辦法唔貴?

租金貴,真係因為全部變晒做金舖同藥房?大家忘記咗董伯伯年代點解有八萬五?當時有自由行咩?

近排好多人說香港淪陷,被大陸侵佔,先唔好講香港本身就係中國一部份,有乜係實質佔領咗嘅?真係佔領,乜乜報紙重可以日日鬧政府,乜乜輪功仲可以當街掛天滅中共?你屋企樓下有解放軍駐守,出入要批准?定係好似內地有網絡遮蔽?

如果你話內地人黎買嘢同定居係佔領,咁冇嘢好講啦,有小香港之稱嘅樟木頭一早被港人侵佔咗,番禺果啲乜乜新村更早早淪陷,成為一眾香港老人家嘅基地,嚴重老化當地生態環境。

以上都係香港人做咗幾十年嘅嘢,點解以前冇人講過係問題?因為我地有文化,有素質,唔會隨地吐啖,隨地拉屎,所以冇問題?

係人都知道隨住資訊發達,香港作為中間人同轉口嘅優勢係大不如前,香港人重唔面對現實,乜嘢責任都推喺政府同其他人身上,全部都係人地唔啱,所有問題都係內地帶黎,唔肯面對社會嘅轉變,咁有乜辦法唔倒退?

冇一個老闆嘅決定係完全正確,亦無一個政府嘅政策係完全無問題,有反對派係好,但而家已經有種是非不分,係咪都反嘅情況。總之反政府就係爭取自由民主,為正義而戰;認同政府就係收咗錢嘅五毛,抑或係既有得益者,甚至係赤化共狗。

都係果句,俾你做政府,香港而家冇工業冇農業,科技唔夠人強,創意產業唔知出過啲乜,旅遊又彈丸咁細,地產被稱為霸權,連買野都鬧,不如大家比比意見,重有乜野可以發圍?
發表於 23-3-2014 21:16:39 | 顯示全部樓層
本帖最後由 hk小文 於 24-3-2014 11:56 AM 編輯

招商向來不是政府工作範疇之一嗎?為什麼又扯到人事後門上呢?上屆政府繳請王先生投資,到現屆突然拒絕發牌,還用一些似是而非的理由,這樣可以服眾嗎?而且王先生仍有司法覆核,但這是公平嗎?一邊是用自己錢,一邊是用香港人的錢,還要拖個三五年;另一重點問題是政府的解釋根本不能服眾!
自由行為什麼不可以有公平政策?減少開放城市到香港、消費稅....當一件事情會影響到生活在這個城市的人,這個城市的政府便一定要做事,不然要個政府幹什麼?
有人萬五薪水可以買不起物業,同樣薪水一樣有人不少於一個物業,這視乎個人問題,我相信這絕不只個人問題,還包括家庭背景問題,還有是什麼時侯買的呢。現實一點吧,今天萬五薪水,可以買到什麼物業呢?銅鑼灣間舖可以收支平衡,不就是不斷加價下造成的“收支平衡”0羅!
發表於 24-3-2014 00:18:29 | 顯示全部樓層
簡單回應翻一點
輸入外勞正正就係政府唔識管理既例子,
當見到年青一輩唔願做某類工種,
政府唔係去鼓勵年青一輩加入或張那些工種既好處加大,
反而係引入外勞去解決?使原先已經超大競爭既社會更
趨惡劣,結果係競爭加劇,而年青人失業率亦上升,
然後加大內地生學額,變相製造內地生競爭力比本地學生高呢個假象,
但明明係你政策上出錯,最後歸因年青一輩?點都說不過吧
又,其實為數不少用外勞替代工種所需學歷其實不高,中7,ive asso HD
等學生亦係一個可供發掘既一群,但顯然我地政府選擇了斬腳趾既方法


我引申上述事實無非想令你明白或許旁觀者清,但並不表示當局者迷
如果你問我劉生,伍小姐事件係咪一定同政府無關?
老實講,證據上係,但我良心話我知無可能無關囉,
就等同數年前田生收樓,路宿者被燒死一樣,
證據上同田生一定無關,但真是問心囉

至於自由行,其實政府一樣可以做野,
例如管理好旅客數目(不是說笑),已非公開說香港可以有多大容量,
因為香港地少,人多,同時貨物種類亦多,所以無可能用上海,日本比,
又,我都有提及自由行係香港人自己要求的,原意也是好的,
但過多就出現了問題,影響本地人

不過我是認同你所說理解那部分,
另外wiki那部分另一位師兄已經解答我就不多回應了
發表於 24-3-2014 07:56:39 | 顯示全部樓層
見到年青一輩唔願做某類工種, 其實見到政府已開始做嘢,港台開始制作一些節目,美化一些技術工種,但我相信做一萬集這些節目,也不及一次碼頭工潮,一次工潮便令到年青人看清楚,香港人是如何冷待這些技術工人,是有支持者,但更有一大班"看透世情"的,叫他們別擾亂香港!香港人根本不尊重這些技術工人,我係後生仔會入行至奇!另一例子,飛機維修亦話請不到年青人,"飛機維修技術員"個朵夠勁了吧,那為甚麼仍請不到人呢?問下 HAECO "飛機維修技術員"的收入,和個朵是否成正比呢?
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 28-3-2024 10:20 PM , Processed in 0.023149 second(s), 13 queries .

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表