POSE+ STYLE series 勇者王ガオガイガー

mpp025 · 發表於 4-9-2021 11:35:07

本帖最後由 mpp025 於 4-9-2021 11:36 AM 編輯

fallout8 發表於 4-9-2021 09:24 AM
其實講來講去都係廠商係開訂時公佈既資訊不足，只放幾張高清圖上網就算數，我尋晚睇完幾段開箱片，其實件玩 ...

其實果次bandai在發售合金魂勇者王前，有比較詳細的宣傳變型片，只係因為合金魂勇者王設計做了如動畫情節的變形，這個是佢這個合金魂的其中一個吸引買家的賣點，所以佢才在發售前放出那介紹短片，完全不是出於要買家理解變形方法，這個只是合金魂勇者王產品的賣點，這個是宣傳技巧，而以往bandai發放的其他產品短片，也祇是希望表現那件產品的賣點或特色，這個是促銷的宣傳手法，扯不上為買家著想，更加也不是每件變形玩具產品在發售前，也有比較詳細的短片發佈，更明顯的是，有些情節它也是不會發佈的，它只會發佈對佢件產品有利的信息

kk31 · 發表於 4-9-2021 11:54:00

nok031059 發表於 4-9-2021 11:25 AM
呢點同意, 今次GGG我收貨後我覺得件貨本身係可以接受既
但Pose+廠既操作我就唔太受啦
合體過程保密咗, 要 ...

絕對認同，呢隻勇者王講真做型同可動真係好正，但係嗰個變形合體方式真心唔掂，架飛機要拆咁大塊件出黎先合體？本身對POSE+嘅祈望唔係咁囉

takduck · 發表於 4-9-2021 11:54:14

nok031059 發表於 4-9-2021 11:25 AM
呢點同意, 今次GGG我收貨後我覺得件貨本身係可以接受既
但Pose+廠既操作我就唔太受啦
合體過程保密咗, 要 ...

我都覺得佢一早公布呢啲要拆件換件嘅細節，好過收收埋埋，你話咗比大家聽買定唔買自己再決定！
但講真今次呢一隻ggg係值得擁有嘅！佢身上嘅細節位做得好靚，魔改完之後，佢有gggg嗰份霸氣！
三千幾蚊又可以變形合體外型細節又靚又有霸氣！我覺得抵過老千嗰隻gggg好多(我冇入手因為冇得變形合體但要3xxx）

nok031059 · 發表於 4-9-2021 12:05:43

takduck 發表於 4-9-2021 11:54 AM
我都覺得佢一早公布呢啲要拆件換件嘅細節，好過收收埋埋，你話咗比大家聽買定唔買自己再決定！
但講真今 ...

我自己唔係強迫症一定要完美還原
佢一早講既我最多一句:"噢, 都係要換件"
只係佢收收埋埋拉高個期望, 出到現貨出黎有落差咪多人反應大囉
飢餓營銷今時今日,食得___架啦
我相信P+廠人員心裡面清楚知大家都係會食埋鎚仔
不過經過今次打後, 再係咁樣收收埋埋D資訊
你D超龍神啊銀河烈風, 我邊敢落訂?

nok031059 · 發表於 4-9-2021 12:07:31

takduck 發表於 4-9-2021 11:54 AM
我都覺得佢一早公布呢啲要拆件換件嘅細節，好過收收埋埋，你話咗比大家聽買定唔買自己再決定！
但講真今 ...

補充返, 我覺得訂咗既人
就算你一早講返要換件拆件都唔多似會撻訂
只係你唔講大家咪腦補拉高咗對你既期望

takduck · 發表於 4-9-2021 12:07:56

nok031059 發表於 4-9-2021 12:05 PM
我自己唔係強迫症一定要完美還原
佢一早講既我最多一句:"噢, 都係要換件"
只係佢收收埋埋拉高個期望, 出 ...

絕對認同！其實今次呢隻我都冇訂！因為我就係覺得佢太少野公布收收埋埋，我都係睇咗日本仔啲短片介紹我先至尋日上網好彩咁買原價嘅！

mpp025 · 發表於 4-9-2021 12:12:38

本帖最後由 mpp025 於 4-9-2021 12:16 PM 編輯

nok031059 發表於 4-9-2021 11:25 AM
呢點同意, 今次GGG我收貨後我覺得件貨本身係可以接受既
但Pose+廠既操作我就唔太受啦
合體過程保密咗, 要 ...

其實如早發佈變形設計，可能發生設計或生產時遇上問題，需要改動產品細節的情況，到買家手上時，產品也改動了，也可能出現智識版權產品，最不想遇到的嚴重問題，便是會引來一些沒有購入版權的抄襲，這公司是一個剛起步的小公司，正常也沒有太多資源或能力在法律上去做什麼事，而且也涉及不同地方，法律制度也不同⋯⋯，現實的是，與其發生事後困難地去補救，到不如事前保密作為防守⋯⋯

nok031059 · 發表於 4-9-2021 12:27:29

其實如早發佈變形設計，可能發生設計或生產時遇上問題，需要改動產品細節的情況，到買家手上時，產品也改動了-----------------B記SHF 1型塗裝變成形色同樣出現要改, 咪一樣係網頁度講, 當然佢發售前一個月先講都係俾人罵, 同埋樣辦圖一向都會話同最終成品有出入保底架啦

也可能出現智識版權產品，最不想遇到的嚴重問題，便是會引來一些沒有購入版權的抄襲，這公司是一個剛起步的小公司，正常也沒有太多資源或能力在法律上去做什麼事，而且也涉及不同地方，法律制度也不同⋯⋯，現實的是，與其發生事後困難地去補救，到不如事前保密作為防守⋯⋯-------------------呢個係你設計面對既問題, 你會俾人告既係咪保密都會俾人告架啦, 難道保密咗就唔會出現?

廠商可以繼續選擇保密玩法既, 不過下一隻再咁玩就真係你出咗成品先講了

mpp025 · 發表於 4-9-2021 12:46:02

本帖最後由 mpp025 於 4-9-2021 12:49 PM 編輯

今次產品這麼大回響，看留言後，相信主要也是定價與買家期望有落差所致

不過相信廠方在各種問題，加上嚴峻的知識版權產品防守的問題上，日後也不會因為此事，而做法上有重大改變

而作為買家，如真的接受不到，唯有再有新產品公開訂購時，不要落訂等現貨了，或繼續期待廠方發布更多的產品訊息，才考慮是否再去訂購，至於出貨時是否有現貨，會否是炒價，相信這些也變得是次要了

nok031059 · 發表於 4-9-2021 13:03:06

期望落差還期望落差
廠商資訊不足係廠商自己問題
樓上所講既"嚴峻的知識版權產品防守的問題"我自己係完全唔認同, 因為討論緊既係早公佈你件產品既內容同遲公佈既分別
佢變唔變係廠商自己既事, 玩家自己會用銀包投票

mpp025 · 發表於 4-9-2021 13:03:27

本帖最後由 mpp025 於 4-9-2021 01:09 PM 編輯

nok031059 發表於 4-9-2021 12:27 PM
其實如早發佈變形設計，可能發生設計或生產時遇上問題，需要改動產品細節的情況，到買家手上時，產品也改動 ...

其實遇上的智識版權風險問題，是俾人抄，之後要控告侵犯廠方智識版權的人或公司，而不是俾別人告，但這些涉及法律問題前，在搜查資料證據等，已經又再次遇上困難了，而且到時時間也已經是成本之一了，這些成本，這剛剛起步的公司，應該也負擔不了或承受不起了，與bandai這些國際性大型公司已經沒有得比較了

nok031059 · 發表於 4-9-2021 13:08:28

mpp025 發表於 4-9-2021 01:03 PM
其實遇上的智識版權風險問題，是俾人抄，之後要控告侵犯廠方智識版權的人或公司，而不是俾別人告，但這些 ...

咁出依家出咗後, KO廠可以成隻攞去翻模添
大陸代工廠又可能賣圖紙俾人喎
早幾個月公怖真係咁大影響?

fallout8 · 發表於 4-9-2021 13:14:59

mpp025 發表於 4-9-2021 11:35 AM
其實果次bandai在發售合金魂勇者王前，有比較詳細的宣傳變型片，只係因為合金魂勇者王設計做了如動畫情節 ...

我明白唔係件件玩具都會出片介紹，笨大亦都唔會笨到為左件幾十蚊既扭蛋玩具拍段變型片，問題係依件勇者王係定價六萬円既高價貨品，係唔係就甘放幾張相就叫d買家可以放心去訂？
又例如有發展商連示範單位都唔攪個出來，叫d買家自己去睇官圖買就買唔買就過主，又睇下個發展商會唔會俾人小到九彩？

其實依d野既係宣傳同時亦係保障返自己同買家。

nok031059 · 發表於 4-9-2021 13:17:37

mpp025既意思係我呢D頭水玩家既作用就係用黎俾POSE+廠揾笨啊?
千值廠都成日俾大陸抄出KO啦
人地鐵機巧都出到第6開始先俾人抄第2隻塔恩

kk31 · 發表於 4-9-2021 13:26:29

以P+今次嘅營銷手法而言，我個人就真係非常失望。對照返之前幾隻出品，你真係點都唔會諗到架機要拆咁大塊件先可以合體嘛！之前諗住點都會入埋隻金鎚，支持下本地公司，依家都已經係90%放棄狀態咯。

POSE+ STYLE series 勇者王ガオガイガー [分享討論]

點評

點評