Pose+ Metal 系列新品 集中區

laiken

ToyKnife 發表於 18-2-2019 12:09 PM
我不敢苟同。

我原文重點係前段，貼地價係實際一點價，而唔係一個要人人(甚至低收入甚至小孩)都買得起嘅 ...

呢個都係睇佢自己想點定位，正如有啲ching所講，HT同千值嗰d高價玩具，靠一批多多錢都肯科水嘅玩家已經夠賺，所以賣剩都唔洗減價清貨（例如mop做100隻，已定價賣出50隻已經回晒本兼有賺，所以唔會減價去清另外嗰50隻...有好多奢侈品都係行呢種策略）
所以都係睇佢自己選擇，簡單講，係$1000賣出10隻，定係$500賣出20隻，都係賺$10,000

Vince

POSE+ 會有新 系列 發布 ?? :36:

ToyKnife

laiken 發表於 18-2-2019 12:46 PM
呢個都係睇佢自己想點定位，正如有啲ching所講，HT同千值嗰d高價玩具，靠一批多多錢都肯科水嘅玩家已經夠 ...

師兄呀........你條數"$1000賣出10隻，定係$500賣出20隻，都係賺$10,000" 呢D叫Turnover，唔係Profit呀..........................................

複雜唔講我舉個最簡單嘅例，假設每隻成本係$700，
第一條數net 300 X10 = 3000(profit)
第二條數net -200 X 20 = -4000(loss)

點一樣呀........對唔住如果我反應大。小弟係做咗差不多20年wealth management，對數好敏感。

不過你有樣嘢啱，就係最basic最basic嘅demand and supply theory。如果件玩具定價太高自然少人買，如果佢定價正確而你都覺得要賤賣先入到，咁你其實唔係間廠嘅target customers。

laiken

如果要講detail就直頭要有個表有排講添
咁你話成本700又大得濟，傻嘅先會成本$700但賣$500，賣幾多都係蝕，咁冇得計
就當成本$300因mop做咗30，所以個成本係$9000，咁佢$1000賣出10隻就純賺$1000（之後每原價買出1隻就可以算純賺$1000，賣得曬嗰20隻咪總共30隻賺$21000）。而賣$500賣出20隻，都係賺到$1000（之後原價賣出1隻純賺$500，賣曬10隻就總共30隻賺$6000）
而究竟有幾多個10人肯俾$1000幾多個10人只會俾$500，咁又係另一個marketing topic
咁樣講係咪仲好d

GRAW

laiken 發表於 18-2-2019 05:20 PM
如果要講detail就直頭要有個表有排講添
咁你話成本700又大得濟，傻嘅先會成本$700但賣$500，賣幾多都係蝕， ...

"$1000賣出10隻，定係$500賣出20隻，都係賺$10,000" 呢D叫Turnover，唔係Profit“
其實，之前你用這個賺字才是引發問題的原點。 因為跟躆你的說法，那位師兄的例子並沒有錯。

ToyKnife

算啦....我唔回無根據假設啦....會沒完沒了....{:1_229:}

我只想說原本的重點係:
1. 所謂「貼地價」係一個現實點的價不是賤賣，我不會講一個number e.g.「一千以下」等於貼地。你開呢口價，已經好離地，因為你未知對方賣咩俾你。

2. 所謂「支持」係假口號，前設係滿足到特定條件，而且係一個無準則底下設的條件。

係咁多，法官大人我無補充啦:67:

CPY_2001

當1隻大黃蜂2.0都賣7百既時候，要1隻合體玩具賣1千真係刻薄到一個點.所謂合理價只係你自己冇留意過市場變化咋，而唔係真實情況

laiken

只能夠講，有一班肯洗錢嘅客去成全廠方將玩具包裝成奢侈品出售
單係做呢班人生意已經夠做，咁其他冇咁肯花錢或者付唔起嘅就真係睇下就算或者等啲qc差d嘅山寨貨，就好似lego咁，有人肯俾高價廠商，有人等二手或跌價，甚至有人買第三方/山寨，各取所需，冇得話啱定錯

laiken

CPY_2001 發表於 18-2-2019 06:42 PM
當1隻大黃蜂2.0都賣7百既時候，要1隻合體玩具賣1千真係刻薄到一個點.所謂合理價只係你自己冇留意過市場變化 ...

嚟緊隻超合金魂雷龍王冇乜變形冇乜可動得個大字都分分鐘上2千添
所謂市場變化，有人逆來順受乖乖科水就叫忠實夠支持，有人出下聲希望有d廠去做返低d個價就話刻薄...

CPY_2001

如果唔係賺到錢你而家會見到百花齊放既光景呀？繼續玩大廠啲再販再販，一成不變既產品啦

leawong

ToyKnife 發表於 18-2-2019 06:42 PM
算啦....我唔回無根據假設啦....會沒完沒了....

我只想說原本的重點係:

算吧啦,你同玩具師奶講,佢永遠都係岩果個,正所謂公佢羸,字你輸.
永遠要將所有POST變成價格討論.
又要諗人地有冇搵你著數,而唔記得玩具只係一D非必需品.

我淨係知你比呢個錢我買材料,我唔會整到隻黃金俠或者係銀河烈風出黎.

ANYWAY,我無講係邊個架,唔好搞罵戰 XDDDDDDD

玩具Joe

leawong 發表於 19-2-2019 12:09 PM
算吧啦,你同玩具師奶講,佢永遠都係岩果個,正所謂公佢羸,字你輸.
永遠要將所有POST變成價格討論.又要不停 ...

不能認同更多！

bigbigfriend

呢類客好難做，真係做小個免受氣算，做過生意的就明白......

edwardfocal

其實依家年代千九一隻銀河列風，千二一隻大隻黃金俠，價格好合理喎，我好簡單中意角色出得靚咪買。D人買隻玩具都分析一大埋假設數字，又話等再版R版。玩隻玩具都婆婆媽媽，真係辛苦。

leawong

edwardfocal 發表於 20-2-2019 09:53 AM
其實依家年代千九一隻銀河列風，千二一隻大隻黃金俠，價格好合理喎，我好簡單中意角色出得靚咪買。D人買隻 ...

果D人可能都係人有我有心態,根本未睇過部作品,為買而買之流...
分析咁多野可能想人覺得佢係最精明既高手,威威豬無比人搵笨.