本帖最後由 不肖生 於 18-3-2013 08:04 PM 編輯
HT Ironman條底根本就好小事,任何家有噴筆嘅師兄都輕鬆修復
以下係畀唔識上色嘅人睇,高手唔好揪秤我教得唔夠正宗,或者呢種方法唔完美
咩噴銀底先,又或者洗底色呢啲嘢我唔講,
淨教最簡單最基本最唔駛買太多嘢,最易完成方法
當然我自己係用最複雜嘅方法啦(噓~~)
而最重要係:
你洗驚衰得過你家下咩?!
咪試下佢囉~又唔會上癮嘅~
透明色系因為可疊加效果,即係噴多兩層會係視覺上唔同色(修訂:Mr.Hobby不同,因為新裝已經轉咗做顏料系唔再係染料系.聽唔明就算,唔太大影響)
加上視覺效果極受環境光影響,其實隻色就算有色差
就咁用肉眼睇而唔係專登影佢相,根本唔易察覺
所以無需深究咩隻色係咪同HT用嗰隻一樣架?呢啲咁嘅嘢
是旦係市面買隻透明紅就得,我自己就用gaia 041.
我建議GAIA,因為Mr Hobby新版係唔會越油越深,而係越油越飽和,而雙星濃度唔好的話會痴手
用筆油,出界咪又係油到係透明紅色位上面~根本就唔覺,唔駛驚~
總之覺得隻色淺咗啲就油多層,覺得差不多就收手
(記住!手油樽裝油係要稀釋~邊隻開油水同開幾多直接問鋪頭,80%以上會答你,唔答你就走!去第二間買)
要噴的話(gaia無噴罐,買郡氏或雙星啦~)註:樓下有師兄話雙星會粘,所以都係買郡氏啦
拆條底呢單嘢,用暴力就得.
兩隻腳只係球形關節,好易拆~
條底同body構做如下:
(註:我隻係成隻重新噴過,所以啲色係唔同的)
用兩條粗筍隊入body度,當然落左AA膠啦~
大家都睇到,我自己就已經斷左一條筍,因為嗰邊出廠時太多膠水,所以扯爛咗
但我可以講,斷晒兩條筍都唔驚,反正大家都知條底同大脾有幾貼
插返兩隻腳落去自然會頂返正個位,所以大家唔駛諗咁多,用你雄性本能搞掂佢
(唔夠力?!你扯~我唔想同女人型講嘢)
條底拆到落嚟就簡單,成條底一隻色,唔洗諗一襟就噴落去囉~
總之,我知大家唔敢郁手兩個原因
1.驚整爛--係多如~因為爛都唔怕
2.驚色差--唔怕,因為肉眼唔會好覺,就算覺都唔會衰得過隻粉紅色 |