美系...10年前...是多麽的美好~ 10年後的今日...發生乜事?

movie_arms

小弟唔係美系專家, 但最開始係玩美系
由 Spider-man Movie 第一集開始自己既玩具路

眼見近日斗斗同大家 TD 既討論, 有感而發 (唔係反炒月經 Post)

想當年,電影/ Marvel 美系都係六吋為主
售價(正價), 如果小弟冇記錯, Spider-man Movie 第一集好似60元一隻, Twin Pack 先唔知八九十元, 仲要勁多配件

而 Star Wars Episode 1, 一隻正價係60元左右
魔戒更加係美系一代經典, Two Towers 果時更係登峰造極,
正價60元可以有咁既質素加配件

一路隨時間演變, Spider-man 第二集, 魔戒第三集, 價格加唔加太多, 質素亦唔係插晒水
抵死夾大件既魔戒可以誇張到正價百幾元一個 Box Set 唔使二百有四五隻
論質素, 魔戒既舊化, Spider-man 2 既八爪魚博士既誠意, 都係抵讚~

要想當年, 價錢之平, 質素之高既例子多不勝數, 小弟無謂班門弄斧~
中間呢幾年既變化, 玩美系既大大應該可以見倒...
其一重點係 Toybiz 收工, Hasbro 開工, 還有 Mcfarlane 條路變由 NECA 來走, etc....
當中詳情, 小弟亦不什了解, 但作為一個買家, 只見今日既情況

一隻3.75 吋既 Spider-man, 冇乜配件, 用原膠色線都唔畫加所謂超可動, 正價賣一魚, 要去斗斗搶先有?
咁既貨色,同以前果d比, 算是什麼? 咁都要搶先有? 發生乜事?

一隻無舊化無配件既6吋美國隊長, 賣一魚七, 要斗斗初售日撞手神有運有時間先有?
咁既貨色, 咁既價前, 同以前果d比, 又算是什麼, 又要搶先有? 發生乜事?

睇見咁既情況, 真係心中嘆句: WTF........

我知通脹~ 但我亦見倒 NECA 7吋上色上到鬼咁靚都只賣魚幾~
我知通脹~ 但我亦見倒 Star Wars 脹極都只係由6/7魚變到呢家9魚~

價錢, 不合理亦超越通脹咁升, 但就由 6 吋變3.75, 由舊化變原膠色~
小弟真心覺得呢家咁既美系質素, 真係同過去完全兩個世界得好緊要.....
小弟唔係開 Post 黎插孩記~

只不過睇見美系由平靚正又多配件, 變成呢家又貴又冇舊化冇線冇配件都要搶(不論3.75或6吋)覺得無奈....

唔知各路美系大大有冇同感..............

justin_chu

同意牙！雖然我未買過以前既toys, 但宜家孩記d質素真係唔係好得，又貴...

movie_arms

同意牙！雖然我未買過以前既toys, 但宜家孩記d質素真係唔係好得，又貴...
justin_chu 發表於 29-5-2012 06:20 PM

雖然都有聽過有大大講話冇孩記出手打救既話呢家可能連 Marvel 玩具都冇
但作為買家, 簡單既事實係, 價升, 但質素下降~
講真, 有唔少美系, 你攞2000-2002年果隻出黎對比番 2010-2012年果隻
實在想不到10年後既仲可以出得差過以前......
玩具唔係應該質素上升既咩?
錢唔介意俾, 就好似日系10年前既聖衣神話都今日既 EX,
龍珠扭旦都 HG 變 DG (雖然斷左 Line)
美系就完全價就係咁加, 但質素就可以仲差~

韋小寶

不過Star Wars同你所講嘅相反，最初(15年前)只係四草一隻，造形及可動一般，到現在Vintage Collection，高可動，多配件，造形貼近電影設定，一舊水一隻算ok，不過想要正價入手，就要鬥快搶，唔單止係玩家/collector，炒家甚至開鋪嘅都有，真係玩星戰都玩得辛苦過人:53:

movie_arms

不過Star Wars同你所講嘅相反，最初(15年前)只係四草一隻，造形及可動一般，到現在Vintage Collectio ...
韋小寶 發表於 29-5-2012 06:49 PM

我都覺星戰係真係會進步既美系 Line
不論面相同可動性, 都係今日既 products 比過去既好
而且價錢都唔係好似 Marvel/ Marvel 電影 果 d 咁坐火箭咁升~

justin_chu

雖然都有聽過有大大講話冇孩記出手打救既話呢家可能連 Marvel 玩具都冇
但作為買家, 簡單既事實係, 價升 ...
movie_arms 發表於 29-5-2012 06:29 PM

宜家個問題係價錢同質素唔成正比，你話一魚內有咁既質素我覺得合理！
所以我宜家買野好少睇係咪多人買多人搶，而係買有質素的！
我係MS迷！哈哈！

benson137

十幾年前大陸工人一個月先幾舊水 ,
而家人工上漲哂 , 如果生產商唔搬去d落後國家 .
都幾難再有平玩具咯!

Assassin

一個字: assortment !
一箱呢隻多呢隻少就會有人搶, 加上個個搶某幾款令問題更嚴重 :80:

movie_arms

宜家個問題係價錢同質素唔成正比，你話一魚內有咁既質素我覺得合理！
所以我宜家買野好少睇係咪多人 ...
justin_chu 發表於 29-5-2012 07:12 PM

玩開過往 6 吋 Toybiz 珠玉在前......我真係搶唔落呢家既 The Amazing Spider-man 3.75
唔係 prototype 就大晒.......講真, Spider-man Movie 第一集果隻 Super Poseable
到10年後既今日, 質素仍然可以打低大量呢幾年出既 Spider-man....
10年光景.....點解冇進步..........

justin_chu

一個字: assortment !
一箱呢隻多呢隻少就會有人搶, 加上個個搶某幾款令問題更嚴重
Assassin 發表於 29-5-2012 07:25 PM

    得罪講句，新出果set 6吋真係唔係好得，
但見咁多位師兄post，真係有d心動去買！
又係人有我有既心態，忍！

movie_arms

十幾年前大陸工人一個月先幾舊水 ,
而家人工上漲哂 , 如果生產商唔搬去d落後國家 .
都幾難再有平玩具咯!
benson137 發表於 29-5-2012 07:21 PM

人工上升, 可能係導致價升既原因之一
但係星戰條 Line 都係 Made in China, 但就真係進步
日系呢? 都係 Made in China, 大多數2012年既玩具都好過2002年既玩具
但美系要2012年搵d差過2002年既玩具實在太易

Assassin

回復 10# justin_chu

avengers 6" 出得唔錯架 :76:

movie_arms

一個字: assortment !
一箱呢隻多呢隻少就會有人搶, 加上個個搶某幾款令問題更嚴重
Assassin 發表於 29-5-2012 07:25 PM

或者孩記看穿了就是只要有電影, 只要有 Prototype, 只要普普通通唔太差
就可以標咩價都有人掃................
睇見新果隻 Amazing Spider-man 冇陰影冇線冇舊化原膠色冇配件都賣一魚
仲要好好賣......
真係諗緊呢家美系玩具係咩世界............

justin_chu

回復  justin_chu

avengers 6" 出得唔錯架
Assassin 發表於 29-5-2012 07:38 PM

    玩完MS，對6"無左興趣。。。

movie_arms

得罪講句，新出果set 6吋真係唔係好得，
但見咁多位師兄post，真係有d心動去買！
又係人有我有 ...
justin_chu 發表於 29-5-2012 07:31 PM

你指既係 Avengers 新一 set 6 吋?
小弟只係入左美國隊長......望住佢, 又望住2000年既 Spider-man
質素當係打個和.....但價錢升左三倍, 冇配件.........
當人人讚好既時候.......
諗番當年魔戒, 當年 Spider-man, 當年 X-men Nightcrawler 果 d, 要讚幾多百個好呢?