美系...10年前...是多麽的美好~ 10年後的今日...發生乜事?

Devil_Fudou

人工上升, 可能係導致價升既原因之一
但係星戰條 Line 都係 Made in China, 但就真係進步
日系呢? 都係 Made in China, 大多數2012年既玩具都好過2002年既玩具
但美系要2012年搵d差過2002年既玩具實在太易
movie_arms 發表於 29-5-2012 06:33 AM

日系？2012既真係正過2002既好多~ 但你有冇睇價錢？
當年裝著都係around 70蚊一隻，而家SHF要240-280一隻，升幅差高達4倍，當然正過以前好多啦~
Marvel呢？以前ML正價60-80一隻，而家都係170，升幅只係2倍多少少
咁你而家明點解質素會下降未？

Devil_Fudou

但以我個人愚見, 玩具市場一路都在轉變,
已經唔再係
小朋友=主流
收藏家=小眾

由於電子文化, 買玩具既小朋友大量減少
反而收藏家支撐左主要既消費市場


幾個case study
孩記 - 非常傳統, 堅持小朋友=主流
L-U 發表於 30-5-2012 04:38 AM

其實你所講既，只係亞洲既現象
鬼仔冇亞洲人咁醒，玩具既最大市場仲係小朋友
除咗冇亞洲人咁醒之外，鬼佬亦都冇亞洲既成年人咁有童真
鬼佬大個咗仲會玩玩具既，唔係冇，但相比起亞洲實在仲差好遠
而且好多鬼佬大咗仲有童真既，好多都會轉向玩貴價既陶瓷同電影仿製品等擺設，而唔係玩玩具

Devil_Fudou

呢個頭彫雖然神情呆左少少, 但論似樣度一d都唔失禮
睇下 08 年 Ironman 1 果個 Tony Stark 同 Ironman 2 ...
movie_arms 發表於 30-5-2012 07:37 AM

    咁你有冇睇過6"隻movie Hawkeye？頭彫似樣度可比Hottoys

movie_arms

日系？2012既真係正過2002既好多~ 但你有冇睇價錢？
當年裝著都係around 70蚊一隻，而家SHF要240-28 ...
Devil_Fudou 發表於 31-5-2012 01:40 PM

小弟搵得錢少, 當然有睇價錢~
價升 4 至 5 倍, 質素提升, 合情合理
但星戰, 到10年後都未有 double, 質素都係有明顯提升
NECA, 可以好似冇乜點通脹咁同當年 Mcfarlane 價錢相若, 但亦唔見得質素差好多
日系, 亦唔見得全都升4/5 倍先有與時併進既質素提升

但 Marvel, 要加價, 無可口非, 如大大所講, 升幅2倍多少少....
如果所謂質素可以量化既
日系價錢 x 4-5 ----> 當佢由 Level 3 既玩具變成 Level 4/5 既玩具
但美系/ Marvel 價錢 x 2, 由 Level 4 既玩具變成 Level 3.....
亦唔見得係非常合情合理既一回事~

而星戰/ NECA 既情況, 亦引申一個問題, 究竟佢 Keep 唔倒當年既質素
係 "不能" 還是 "不為"?
小弟都唔排除係有 "不能"既成份, 因為如大大下文所講
「鬼佬大個咗仲會玩玩具既，唔係冇，但相比起亞洲實在仲差好遠」
如果佢要回到當日 Level 4 既質素又或者與時並進提升為 Level 5
可能要價錢變成 x 3-4, 巿場自然轉向成人果邊
但究竟有冇咁多鬼佬成人去買, 相信有好大風險

又或者回到基本, 可能根本 Toybiz 當年抵食夾大件既玩具根本係自殺既 Marketing
條數計極都極唔掂既生意, 所以最後由孩記接手, 佢自然唔會行 Toybiz 既死路
亦唔夠膽去大加價去走成人收藏家既路

小弟唔係狼到要 60/80元買倒當年質素既玩具
但慨嘆既係十年後, 即使肯俾多少少錢
(即使真係 60/80$ x 4-5例如 Revoltech 既 Ironman / War Machine, 過2魚半小弟都有買)
都冇當日質素 x 10 年進步既 6 吋於巿場

movie_arms

咁你有冇睇過6"隻movie Hawkeye？頭彫似樣度可比Hottoys
Devil_Fudou 發表於 31-5-2012 02:14 PM

但係帶黑超既頭雕.......難度打個折.......相易似樣度提升
對眼果個位, 如果冇黑超相信會係頭雕難搞既一個重要部份, 而且對於似唔似樣會非常關鍵........唔使整眼唔會有死魚眼, 唔會呆眼, 唔會鬥雞, 唔會"射利"眼, 唔會"對眼唔似"
小弟睇落覺得 Loki 最似樣

ChrisLamXYZ

回復 82# movie_arms

Loki真係油得好係好似，至多係咀畫番個笑容已經好掂！

遺憾在無送多支長身的權杖！

pierreinhk

小弟搵得錢少, 當然有睇價錢~
價升 4 至 5 倍, 質素提升, 合情合理
但星戰, 到10年後都未有 double, 質 ...
movie_arms 發表於 31-5-2012 05:28 PM

認同!!!
非不能也不為也.
最可恨!!!

movie_arms

回復  movie_arms

Loki真係油得好係好似，至多係咀畫番個笑容已經好掂！

遺憾在無送多支長身的權杖！ ...
ChrisLamXYZ 發表於 31-5-2012 05:55 PM

有一支送俾你都偷笑了~
我都想美國隊長送把鎗仔都好過冇.....(不過小弟都唔記得佢戲入面有冇用鎗了....)

justin_chu

有一支送俾你都偷笑了~
我都想美國隊長送把鎗仔都好過冇.....(不過小弟都唔記得佢戲入面有冇用鎗了.... ...
movie_arms 發表於 31-5-2012 07:49 PM

CA係戲入面有用槍ar, 敵人ge槍囉..
LOKI, 我寧願比多DD錢買HT果隻好過:)

movie_arms

認同!!!
非不能也不為也.
最可恨!!!
pierreinhk 發表於 31-5-2012 06:57 PM

或者星戰呢d角色出完又出出完又出, 佢唔升呢就冇人買, 所以焗住都要升
但新戲呢d, 只要平平穩穩出 Prototype, 唔太樣衰, 正正常常都唔驚冇人入~
至於上色/舊化/地台/配件呢d, 佢計落都唔會幾多 % 因為呢d而決定買定唔買
所以 Ironman 大可以冇手換, Hawkeye 大可以冇箭, Hulk 大可以全身原膠色唔使陰影唔使漸變~

L-U

回復 78# Devil_Fudou

可以再討論一下
的確我指出既係亞洲區既現狀
但美國既情況, 不見得唔係行緊同一條路
有好幾個觀察令我有咁既推論

背景因素, 小朋友早左接觸電玩, 提早對玩具需求下降
呢個唔係地區因素, 所以我覺得美國一樣APPLY
另外KITDULT文化, 都係世界性的,
事實上近幾年美國HOBBY MARKET升幅都好可觀

又可以睇下近十年賺錢既產品, 主要都係10-20年前既版權
美國既老變, GIJOE, MARVEL, BATMAN
日本既高達, 拉打
新既版權反而比下去, 美國HIT得起既我只係諗到BEN TEN
(或者我見識不足吧?)
日本反而都仲有決鬥玩具賣得好好

二十年前, 百花齊放, 每年至少有四個唔同既新系列玩具可以玩
而家真係少左, 仲要主要係靠老版權,
另外市場推廣亦由電視卡通, 移到電影層面, 我看來其實都可以視為消貴年齡層上移既跡像

死守小朋友玩具市場而下場慘淡既公司都有唔少,
呢幾年都聽唔少吧?
孩記呢幾年如果無咁多電影週邊, 係咪真係可以繼續賺大錢?
我覺得值得相確

可惜係無正式統計過任何數據可以支持以上論點(來來去去都係得個PROFIT既大數)
而我亦唔見孩記有做相關研究
所以只能當係推論

當然我唔係話小朋友市場會完全消失
亦唔覺得收藏家會變成大多數
但睇發展傾向, 孩記絕對應該計劃一下點應付轉變
唔應該固步自封

韋小寶

可能星戰在世界市場有一定佔有比率，所以肯駛多D錢及心機在造形設計上、在QC方面上及專心在3吋半上三方面，之前有12吋呢條line都決定放棄唔玩，又試過6吋但失敗，所以逐步多發展在小孩市場，好彩星戰3吋半不單止係皇牌，仲有排出:45:

pingpung

我停玩左美玩都差不多十年，早前去睇下斗斗城D美玩，發現無乜進步不特止，仲好似有倒退既感覺，間唔中可能有一隻半隻好小小，但係經過咁多年既經驗同其他玩具廠商既洗禮，點解無明顯既進步呢？

無可否認，呢類美玩係有一大班死士永不離棄地支持，一出實買，但係永遠食老本，不思進取就係生意之道？個樣雕得似D上色用多D心機成本會增加到無人買得起嗎？穿梭機都玩到退役既年代，唔好再俾藉口話難生產品質控制有困難了，唯一可解釋既原因係養住一大班不想進步，做開舊路唔想"冒險"既老鬼阻住發展吧？作為曾經儲開美玩既我黎講，呢排再留意返美玩真係只可講句：慘不忍睹。

以上只係個人感想，如果有人食飽飯無事做想撩交嗌既話，真係唔好意思，我無心情同你玩，亦會自動跳過癲狗們既回覆，你食自已慢慢吠個夠吧。hahaha~~~~~~~~（因為試過俾癲狗咬，所以先表明立場，免得癲狗煩擾）