美系...10年前...是多麽的美好~ 10年後的今日...發生乜事?

無明:

習慣買玩具會見獵心喜是常情
但並非獵物有多好
要忍住不買以反映市場
勿讓劣貨驅良貨
0944 發表於 30-5-2012 03:22 PM

劣貨驅良貨？現在  根本冇良貨，有，也是有過去十年前，現在根本冇得揀。

L-U

呢個話題好好
我又加把口先~

樓主提既傾向係好明顯的, 不過原因唔完全係成本
成本反映左起價格上, 但質素同搶貨係另有原因,
我覺得係因為市場取向既問題

toybiz年代, 基本上係以漫畫fans為主要客戶
當然會令大家玩得開心舒服, 反正產量有限, 各方面都比較好控制


但自從電影化之後, 孩記接手, 完全轉向主流巿場, 即係小朋友, 家庭或者一般人
需要量大, 容易生產, 安全, 而唔講究設計
結果起產品上經常忽略我地fans既需要
換個角度講, 近年既產品的確越來越唔適合我地...

至於assortment,  其實都係同一件事
assortment既由來, 係因為主流市場永遠需要大量主角款擺上架
呢個又係對想儲齊款既fans好大打擊既做法


主流/fans係兩個唔同方向, 無論係設計, 又或係賣貨
都係兩極化


但以我個人愚見, 玩具市場一路都在轉變,
已經唔再係
小朋友=主流
收藏家=小眾

由於電子文化, 買玩具既小朋友大量減少
反而收藏家支撐左主要既消費市場


幾個case study
孩記 - 非常傳統, 堅持小朋友=主流
結果你可以見到貨架永遠係死貨, 收藏家搶到喊
連一個似樣既web catalog都無, wave assortment又要靠小道消息
更加唔好提web order...

LEGO - 十幾年前好唔掂, 開始轉打收藏家路線,
由產品設計, LICENSE(STARWAR,MARVEL,HARRY,ETC)
到賣貨方法(WEB ORDER, EXCLUSIVE ITEMS)
慢慢平衡到大眾同收藏家需要
而家越做越有力!

BANDAI - 一直兩線發展, 近年都開始縮大貨, 改為專攻收藏家
你見SHF魂限款差唔多追過通販款就知了

以上係我作為乜都玩下既玩家既分析
我覺得孩記依然仲停留起十年前甚至二十年前既市場觀念
設計上偶爾都有好多新意念, 但偏偏賣貨同策略上落伍得好緊要

希望有一日佢會肯改革一下
我唔敢講佢做得唔好, 畢竟佢都係WORLD #1既玩具公司(希望已經唔係啦)
但我敢講, 佢本來係可以做得更更更更加好的

哥基

我又加把嘴先,我剛剛入左這toybiz 嘅冇面具板CA.....連我女朋友唔識玩具嘅都話真係靚過孩記隻Avengers CA好多喎(個人觀感,不喜勿插):50::50:
抽水一問依家toybiz係咪已經唔再出任何玩具架啦??:79:

movie_arms

打開utube看許多日系玩評也不乏歐美人在做
玩具無國界
價格也逐漸打貴了
6"尺寸介於bandai可動人偶shf與 ...
0944 發表於 30-5-2012 03:42 PM

都可能係, 但作為玩家, 我情願情況係過去十年美系 6 吋質素俾番十年應有既進步我
而價格你標二百幾我都仲 OK.......
價格其次, 但冇一隻我覺得係符合十年光景帶來應有水準既6吋俾我買係另一不快~
就好似 Bandai 咁, 或者佢係量產計過條數賺唔盡既, 搞限定
當然有人插, 有人買, 有人唔買
但倒番轉諗某個角度係好事, 最少佢肯出, 至於貴唔貴肯唔肯買就個人決定
但呢家係你肯俾錢都好難有隻如當年咁正既 6 吋.............  
好似講得有少少亂, 唔知大大明唔明..............

movie_arms

雖然我兩年前先開始買6吋FIGURE,但我都有相同感覺

初初因為IM2抽起條筋開始玩DC UNIVERSE,MARVEL LEGEND ...
leawong 發表於 30-5-2012 03:59 PM

大大最尾果句.......都係重點, 不過怕有少少冒犯近年入坑沉醉於孩記產品既買家......
小弟都真係好 R 頭明明 3.75 細 6吋咁多, 上色又明明係又出界又一達達......
又明明講緊 Ironman 1 既 6 吋係同 Ironman 2 既 3.75 幾乎同價
但大家好似一下子由 Ironman 2 果排開始成個慨念變成 3.75 先係主流, 6 吋係特別版咁
價錢好似無視幾年間三級跳.........通脹都冇脹咁多...................
講緊 08 年1舊水買 6 吋, 10 年1舊水買3.75吋.........但反應熱烈................
孩記以後仲唔知點做咩......先出3.75, 實有人忍唔倒手, 抵抗唔住"要擁有角色既感覺"而買
到3.75去得7788, 再出 "限定" 6 吋........又搶一輪, 食兩回水~

movie_arms

我都只係得番呢隻,綠魔同其他配件唔見曬...
玩具王者 發表於 30-5-2012 04:27 PM

呢個頭彫雖然神情呆左少少, 但論似樣度一d都唔失禮
睇下 08 年 Ironman 1 果個 Tony Stark 同 Ironman 2 果隻 Mark 4.....
我覺得係好過呢兩個頭好多 lor..........

movie_arms

劣貨驅良貨？現在  根本冇良貨，有，也是有過去十年前，現在根本冇得揀。
無明: 發表於 30-5-2012 04:28 PM

好好好間中先彈一隻半隻..........
Ironman 2 既 War Machine, 係近年小弟覺得拍得住當年既難得良貨

movie_arms

呢個話題好好
我又加把口先~

樓主提既傾向係好明顯的, 不過原因唔完全係成本
成本反映左起價格上, 但質 ...
L-U 發表於 30-5-2012 05:38 PM

多謝大大詳盡既分享

巿場取向方面, 我相信孩記都未完全放棄收藏家呢個巿場
但3.75, 如大大所講, 都好大程度上傾向左小朋友巿場,
睇下美國隊長出左批咩貨品出黎, 將 CA 改到好似化妝舞會咁便可見一斑

至於 assortment 問題, 其實從來都有, 要隻隻一樣數量咁出
我諗最後死貨會多過乜, 呢家就人人搶 Hulk/ Hawkeye/ 又或者之後既 Black Widow
但如果佢一箱隻隻齊, 恐怕埋單成為死貨既會係佢地都有可能........
所以要從賣得晒既角度黎睇, 搞數量分配係無可厚非~

如果孩記真係走 Bandai 果條路既話, 對收藏家黎講會係一件好事
但要孩記咁行又未必可行, 始終日本既動漫產品文化同美玩都幾唔同......
要一下子變到 Bandai 咁, 真係機會好細, 但我都期待佢會好似 Bandai 咁
由十年前既神話到今日既 EX, 由十年前既新超戰士大全/ 裝著變身 到 SHF
要數 Bandai 呢10年有明顯進步既 Line 好多, 但美玩最激氣既就係冇呢回事

我用美玩, 其實真係唔係淨係講孩記....
Batman/ Superman Returns, Star Trek 呢幾年既 Figures, 又或者 Thundercats 呢d
同樣都一樣睇唔出00/02 - 10-12 既時代轉變, 但 Bandai 就有好多........

不過小弟對孩記會大躍進冇乜厚望
因為呢家我諗佢睇見咁都可以去倒貨, 又點會同你改.........

stussyseller

其實孩記有某些產品都有好大進步例如GI Joe就算某些電影玩具關節等亦是從來未試過咁好

原罪

:78:所以小弟節省左唔少金錢…
玩過那個年代又平又低…
今時今日，已經入少好多野，亦令自己冷靜咁入。

之前小弟執野，影左少少舊物…更加覺得唔止美玩，好多玩具都比唔上那個年代。
題外話少少，那年那套海洋堂出品既北斗之拳，外型，上色，價錢！

今時今日，真係唔知要咁樣出要賣幾錢？

可惜那個年代既玩具，小弟主攻恐怖系列，漫畫人物好少玩…
現在又唔想高追…
唯有期望將來…
有一日可以到返那個水準…
當然最好價錢都合理啦:DD

唔係咪玩少d羅，真係覺得玩具唔應該咁貴。

movieken

現在只有NECA會顧及玩家及收藏家既需要, Terminator, Robocop等都是價廉物美

movie_arms

其實孩記有某些產品都有好大進步例如GI Joe就算某些電影玩具關節等亦是從來未試過咁好
stussyseller 發表於 31-5-2012 12:46 AM

其實 Star Wars 都有明顯進步, 不論面相同可動都同十年前好大改良~
價格亦唔見得坐火箭咁升, 公價講緊13年黎先加左幾十
但 Ironman 可以 由08年既一魚唔使變 10 年一魚幾, 到呢家12 年 Avengers 一魚七......

movie_arms

所以小弟節省左唔少金錢…
玩過那個年代又平又低…
今時今日，已經入少好多野，亦令自己冷靜咁入。
...
原罪 發表於 31-5-2012 01:57 AM

我對美系將來都冇乜期望, 始終那年代的門檻或者太高,
我實在睇唔倒咩情況下會出番當年咁既質素加咁既配件既 figure.....
如果要出 "那些年" 既質素.....賣幾錢.....
真係好難講, 玩下手要正價二魚五以上
不過如果真係有咁既質素 (當打個和, 唔好話要求追番呢十年應有既進步)
我都肯俾2魚5至3魚買~
講真, 呢家山口既 Ironman / War Machine 起步正價都2魚5, 咪又大把人買........
只要有質素, 錢, 玩家係唔介意俾~

movie_arms

現在只有NECA會顧及玩家及收藏家既需要, Terminator, Robocop等都是價廉物美
movieken 發表於 31-5-2012 09:05 AM

NECA 起碼可以話俾玩家知6/7吋頭雕係可以點造~ 下面呢個.......叫頭雕?????



咁下面呢個係咪叫真人?

Odysseus

http://toysdaily.com/discuz/thread-156970-1-1.html

再看我以上post二十年前的3.75", 真是十年進步，十年倒退。