不滅的英雄傳奇之He-man永恆國度 (2015年2月號)

玩具烈士-奇雲

為慶祝玩具日報美玩版正式成立~ (雖然已成立一段時間!)  但見住TD成長既我自然要係呢個區到開多幾個post~ 同大家分享一下美玩既魅力吧!!!   首先盲 由我第一隻美玩ACTION FIGURES開始分享.............HE-MAN!!!!

我玩美玩計一計算已經差不多有25個年頭~ 有幸能於80年代初，正值玩具最高峯輝煌之年代~  而在我記憶中第一隻深深吸引著我的玩具便是HE-MAN~   當年既玩具選擇同種類都多，係同一個系列既玩具角色人物豐富，玩具商對玩具發展充滿信心，相比現今新玩具，佢出得齊基本角色已偷笑,,,,,,, 但最主要喜歡HE-MAN的原因除了熱潮外，最深印象係因為當年既英雄片種來說，角色同奸角突出，配合玩具自然更勝一籌!

請骷髏頭堡賜我力量.......
我已經充滿力量喇!!!!!!!

加入HE-MAN後期基地新圖.......四國大戰!!!!!

  


(當年HE-MAN的boxart設計~~ 我就係比佢畫家筆下既風格深深吸引.....油畫技巧超靚!)

其實以前都係度POST過以HE-MAN為主題的文章~~ 但係以前主要以懷舊回憶為主!
但係至08年開始MATTEL以舊物新設計重新推出figures玩具~~ 確實令人眼前一亮!
令本人重燃對he-man的一團熱愛之火!!!!!



HE-MAN是1981年美國推出的卡通~  對「80後」的我童年成長來說及當年香港發展亦都係一個好重要的見證! 不得不題的係HE-MAN是有了玩具才有卡通的少數作品~~更係絕版的made in HK遺物~  算係香港當年生產出名玩具之一! 可見當年香港塑膠業既興盛~~~ 唔知大家仲記唔記得HE-MAN當年紅到由譚詠倫同童星小彬彬主演的「恭喜發財」戲裡HE-MAN玩具都有參演~  D玩具會跳舞果part呢........



HE-MAN話當年

HE-MAN是1980初兒童節目430穿梭機所播的卡通~~~  當時HE-MAN簡直是瘋魔萬千FANS的人物...
我身邊的朋友、同學及街上的百貨、玩具店也是售賣HE-MAN的玩具...還記得以前家住西環的我每星期都會去中環的「永安百貨」和「先施百貨」行街~~ 中環是我屋企人行街之熱點....好記得當時零售價是$28.5...(屈臣氏PETERPAN)放的是最當眼位置!!!連SUPERPOWER DC英雄系列都要放埋一邊呀~~~ 所以HE-MAN當年簡直是一時無兩呢!!!! 他簡單的橡筋腳..每個同一樣而唔同色的BODY...多款的武器.....真係好吸引!!!! 最記得以前北角有兩間地方係有超多he-man賣既...一個係「大大百貨」即係宜家既城市花園...另一個就係現在都仲有既「新都城商場」裡面真係有好多款既角色任選....就算宜家興既任何卡通都唔夠佢多! (好難形容)
而另一次難忘既係尖沙咀攪左個HE-MAN展覽~~ 成個地方都係展HE-MAN既玩具PRODUCT嫁! 我同屋企人排左成個幾鐘先入到場呀~~~
但去到1988年度..HE-MAN潮流已經大不給前~~~ 尖咀玩具反斗城岩岩開幕...HE-MAN所有FIGURE減價至$9.9一個...我見好多賓妹都掃貨~~真係非常誇張!! 我都掃左好多呀!! 之後有少少後悔點解咁平唔買多D呢~~~~~佢成功的原因更係因為HE-MAN英雄感夠強同埋角色眾多蒐集性強呢~~~!

本人最喜歡的莫過於he-man畫集的插畫，印象令人難忘!!!!

玩具烈士-奇雲

MOTU玩具分享......5月分享

PANTHOR



開盒一影~~~  側面




今次呢隻PANTHOR係Battle Cat既對敵，因為小朋友卡通就係咁攪笑，無論transformer定係英雄都會有一個差唔多能力或樣既對頭人....如: 音波vs拍子達   呢隻PANTHOR正正就係骷髏魔既愛騎象徵了~~!!!  呢隻PANTHOR同80年代同2002年果隻分別在於body無毛質既用料~ 只係將Battle cat repaint~~  原本真係一d都唔吸引! 但好彩佢上色正同埋有追有番頭盔，感覺上差唔多大番一d~~!  上色既凶猛樣貌同遮住樣既battle cat比相映成趣，雖然一樣body~~ 但經典下點都要有番一對!!!!

  

追加頭盔後同骷髏魔即時match哂~~~  正面



側面



之後點都要同主人一齊合照下







宿敵對頭......Battle



佢地兩隻平時究竟有無計傾~?  Battle cat:平時你主人買咩比你食?



PANTHOR答: 肉類la......我地呢d老虎同豹唔食肉食咩?


Battle cat就講了:「主人當我係貓.....佢買貓糧比我咋!」


Panthor問:「你唔出聲同你主人講?」
Battle Cat:「我無膽呀麻!!!!」

haha~~~  sorry! 攪gag了~~~  謝謝觀賞!!!!!

玩具烈士-奇雲

PART 2 《舊玩具篇》

80當年玩具市場仍然未算係飽和既年代~~~ 香港當年主要係日本玩具為主!
經過70年代~~~ 合金機械人  GUNDAM 0079  RIDER......這些早就攻佔了一般孩子的心!
但是由於當時合金價錢昂貴.....高達模型難度又高.....而RIDER多以「麗的」(即亞視)台播放~~
係未有龍珠星矢既年代人物英雄確實係有好大既市場空間~~~  而且價錢及質素合理! 再加上係正兒童節目時段播放.....HE-MAN玩具因此而成為各玩具店之大熱!!!!

在當年以HE-MAN既SIZE來說~~ 可以說是雕功及造型有誠意的玩具!!!


當年購買PLAYSET或VEHICLES都會附送一張POSTER

人物角色

中期FIGUERES人物介紹      

PLAYSET及VEHICLE

PLAYSET & VEHICLE介紹


HE-MAN年代主要可分成以下系列

(1) MASTERS OF THE UNIVERSE (1982~1988)
(2) HE-MAN(太空HE-MAN) (1989~1992)
為期長達十年之久~~!

(3) MASTERS OF THE UNIVERSE 2002
之後同樣十年後即2002年HE-MAN以同名(MASTERS OF THE UNIVERSE)再次以新設計推出!
動畫中人物及角色都一樣~~ 只係時代感同機械感重左好多!!!!  但我個人仍較喜歡舊版多D~~~



MASTERS OF THE UNIVERSE (HE-MAN之經典)


ORIGINAL HE-MAN  生產年份1981 & 第2代HE-MAN(鐵甲BATTEL AMOR HE-MAN)  生產年份 1984
(經典地方為當年用劍劃中間的LOGO會變破損及嚴重破損效果!)


除左單售裝外~~~~ MATTEL當年還出了HE-MAN + BATTLE CAT 2PACK版本!  


骷髏魔同樣推出2 pack的SKELETOR & PANTHOR

MASTERS OF THE UNIVERSE中可分為4個時期~~ (PACKING有分別)

1982~1984 (HE-MAN & SKELETOR)
1985~1987 (HORDAK AGE)
1986~1988 (KING HISS AGE)
1987~1988 (NEWS混合人物)



同HE-MAN一樣以上兩個同為原裝(SKELETOR)及第2代骷髏魔~...名為鐵甲骷髏魔(Battle Amor SKELETOR)

HE-MAN後期推出之FIGURES~~~ 無論質素、包裝和玩法都進步不少!  「國王」當年和「女魔術師」都係後期才推出的FIGURES!

國王 (KING RANDOR)


女魔術師 (SORCERCESS)


新系列背卡的樣貌人物checklist~~~



另一HE-MAN的經典座駕~~~~ 麒麟戰車(DRAGON WALKER)



除了座駕外~~~ 以前的玩具會推出大型PLAYSET城堡玩具.....
呢幾座唔同堡主既基地~~~ 對我以前黎講真係神物!!! 可遠觀而不可購買之怨物!!!!!!


(1) 骷髏頭堡 (CASTLE GRAYSKULL)

生產年份: 1982年



唔知各位有無留意BOXART有D問題出現了~~~  點解骷髏頭堡明明係HE-MAN既....點解反而骷髏魔會係裡面
而HE-MAN一眾返而要攻打番轉頭呢? 唔通開始設計時「骷髏頭堡」係「骷髏魔」既基地?
唯一解說可能係骷髏頭堡比敵人攻佔了吧!!!  但係.......點解「獸人」都係對住「骷髏魔」既?   真係費解.......


(2) 蛇山 (SNAKE MOUNTAIN)

生產年份: 1984年



另一個經典「蛇山」~~~ 呢個係我當年第一個PLAY SETS~ 係灣仔口電車路間「萬寧」做超特價......一個$49.9!!!
唔係講笑~~~ 佢既跌價比例比2002果個骷髏頭堡更犀利!!!!!!   萬寧以前都有好多好野.........(我有D鍾意左佢!)


(3) 邪魔地帶 (FRIGHT ZONE)

生產年份: 1986年



呢一個大邪魔堡同樣係我既怨物~~~ 我細個叫我阿嫲買......佢原本想買~~ 可惜驚比我阿爸鬧結果絕緣!!!!!


(4) SLIME PIT  

生產年份: 1986年



另一個當年我未曾見過的PLAY SETS~~~  屬於另一部份的大邪魔地帶!!!  見到當年開始喜歡玩「鬼口水」.....
大家想知咩叫「O」哂咀? 你望下加邊果個小朋友個樣就完全明白~~~!!!!   :wink:



(5) ETERNIAL

生產年份: 1986年



最後一個亦係MASTERS OF THE UNIVERSE最後一個PLAYSETS~~~ 呢個我真係未見過!!!
見到佢既BOXART可見係連貫4個城堡的中間~~~ 係HE-MAN後期毒蛇黨後的基地! SIZE之大可見~~~~
係咁多個之中最多部份同最大既一個PLAY SETS~~~ 價錢同樣好「金」...... E-BAY貴到無朋友!!!!!




玩具吸引之處除左質素同配件高之外~~~ 而且還隨FIGURES送一本數頁的漫畫!!! 內容主要同系列玩具有關~
全套共有十幾本....你又有過幾多本呢?


1982~1983初期系列附送的漫畫




HODAK系列


1987~1988後期跟的漫畫

嘩!嘩!!嘩!!!!  大家有無覺得SORCERCESS個姿勢同X-MEN既PHOENIX咁似樣既!!!????  :shock:



2002 MASTER OF THE UNIVERSE

到了2002年，HE-MAN 20周年記念，推出全新版本HE-MAN。造型明顯便得摩登線條精細~
但最大敗北是關節太少~ 係2000年代欠缺關節，相對同期的MARVEL LEGENDS採用多活動FIGURES設計，
大大降低人們購買意欲的一大原因。當年有些款式係百佳都有得買，價錢同樣跳樓插水.....$10~$15有交易
到了後期NECA取了版權，產品延續角色推出，但罕有及流通力減少，令到價格炒至高位~ 例如SHE-RA亦是SDCC限量版本!



紅色版為初期版本，後期的毒蛇新系列KING HSSSS推出，把一些原先角色repaint及更改packing重出

玩具烈士-奇雲

PART 3  MOTU CLASSIC SERIES
顧名思義~~~ 呢PART就係前幾年MATTEL係網上訂購的MOTU系列(MASTER OF THE UNIVERSE)
基本呢個系列既FIGURES係依照80年代既HE-MAN  SPACE & SHE-RA模式推出~~ 只係在於造型及關節精細度上提升!
可說是HE-MAN 30年間的大成!!!! 價錢雖然貴.....但係我都講過好多次~ HE-MAN係我懂事黎最影響得我深既一套卡通人物~
所以呢個系列貴我都走唔甩......不過當我諗起宜家只係出到2/5到~~ 我真係覺得HE-MAN之路幾難行.......
首先一POST之前的收藏~  好耐無UPDATED新既都無影到! 後加LA~















2012 - 2013












首先要分享既更係大佬級人馬~

第一個更係主角HE-MAN啦!









配番隻舊BATTLE CAT又有另一番味道~!






有HE-MAN就自然不能缺少宿敵骷髏魔~






更唔少得既更係宿敵對決~




而第3個大佬級就係我最奸角之一    大邪魔/辣魔將軍





基本上HE-MAN卡通內主要係講骷髏魔與HE-MAN既鬥爭~  而大邪魔係HE-MAN果妹SHE-RA既對手~  
雖然係同一世界觀~ 但我至小係卡通既感覺，就係HE-MAN好少同過大邪魔打過~  反而係DVD劇場版HE-MAN去幫SHE-RA先有機會會到!

所以我個人係喜歡HE-MAN既漫畫書仔既內容多D，始終漫畫係創作先，世界觀可任由轉變~

玩具烈士-奇雲

King Hissss & Battle Armor Skeletor



HE-MAN系列最吸引既地方就係好有中古歐洲神話味道~~ 包含左正義的十字架(HE-MAN心口)，奸角3巨頭中的骷髏魔(骷髏)、大邪魔(蝙蝠)及蛇王(妖蛇)，神話象徵正邪味道甚突出!!!! 黎到今個月，最後一隻奸角首領終於出場~~~ 就係KING HISSSS  終於齊集童年夢想!!!!

King Hissss



King Hisss 當年屬於後期奸角(毒蛇黨)....最吸引之處莫過於人樣隱藏妖蛇真身樣貌的玩法!
而且有蛇權杖同盾牌~~ 可玩性甚高!!!!





面露奸笑既陰森表現得很好~~~


新既蛇王同以前既武器數量一樣~~~



因上身為真身蛇妖，手用了自由屈曲軟膠，相比同類膠既屈曲效果超好超易擺pose!!!!









而下圖為舊版樣貌，可見85年既水準雖然明顯有分別~~ 但係已經好有誠意!!! 感覺真係一件玩具feel~~



除左雙手同身既外殼就呈現真身在內~




新版同舊版相比真係高好多，正好多!!!  無論樣既仔細度同關節都係完美~ 但可惜既係新版由於顧及外觀，佢要換上身先可以變成蛇王.....叫做唔係完全變形美中不足既地方LA!!!!







另外武器既比較~~~ 新既好明顯仔細同size大了~~ 基本設定一樣!!!!





三巨頭一影~!!!!


HE-MAN故事中四大主角合照~~~

nesidoh

多謝奇雲兄支持 :79:

我都追左你呢個topic 名好耐啦, 嘻嘻

icyhugs

:D

Assassin

神級collection, 神級post, support !! :52:

mr0088

好正！我當年都有買來玩。

自由之翼

睇完你個post攪到我都想買隻heman懷舊下:34:
我細個都有，骷髗魔隻豹仲係絨面質地

36韜

"請骷髏頭堡賜我力量"
成套 he-man 最有印象係呢句...
仲有點解唔見 she-ra??

玩具烈士-奇雲

多謝奇雲兄支持

我都追左你呢個topic 名好耐啦, 嘻嘻
nesidoh 發表於 20-10-2011 06:00 PM

nesidoh~ 我慚愧la~! 無咩時間去updated，想出多個post都無咩時間~
我多謝你先岩! 有個咁好既地方可以分享~ 難得有咁多He-man同好一齊分享美玩!
遲d多d時間等我出多幾個post la! ^^

玩具烈士-奇雲

"請骷髏頭堡賜我力量"
成套 he-man 最有印象係呢句...
仲有點解唔見 she-ra??
36韜 發表於 20-10-2011 10:46 PM

有架~  比多少少時間影下相先!!  多謝支持多D分享下LA~ ^^

S.White

怎么觉得左边的角色有OP的影子...?  :34:

玩具烈士-奇雲

怎么觉得左边的角色有OP的影子...?
S.White 發表於 21-10-2011 11:28 AM

haha~~~ 唔講唔覺! 尤其colour!  
不過應該係he-man先d唔會抄佢~