千值練 RIOBOT 變形合体 天元突破 紅蓮螺巖

fallout8

之前係YT聽過某大鋪偷步派左自己代理既ccstoys貨先而俾行家XYZ，依家老千做緊同一樣野點解又無人嘈？

Hawk

千值殿係官店嚟架喎，唔係一般代理，佢一直做法都係自己派貨先，而且Flame toys鐵機巧啲特典都係得官店買或訂至有，你係出面鋪訂或買都係冇特典架

至於cctoys派貨我印象中，2間大鋪都係差唔多時間，不過就分批咁解，唔會好似千值殿同街鋪咁，有機會争成個月。不過仲有樣嘢唔同，街鋪賣千值嘢會冧價但係千值殿買就正價……

fallout8

Hawk 發表於 14-2-2023 05:45 PM
千值殿係官店嚟架喎，唔係一般代理，佢一直做法都係自己派貨先，而且Flame toys鐵機巧啲特典都係得官店買或 ...

個人認為派貨次序應該係跟落訂日期而唔係跟同邊間鋪訂，如果佢真係做到咁大細超，咁佢不如唔好做批發，以後所有佢既產品都要落兆萬訂。

Hawk

你當佢專門店咁睇就得，要行貨，要玩先，要特典，要限定版就要去佢度訂，我覺得ok既因為佢間鋪係旺區，而且你又可以上網訂，問題不大

mpp025

fallout8 發表於 14-2-2023 07:21 PM
個人認為派貨次序應該係跟落訂日期而唔係跟同邊間鋪訂，如果佢真係做到咁大細超，咁佢不如唔好做批發，以 ...

其實我覺得你講的做法不可行，因為每間店舖通常開訂，也會有一個給客人見到的截訂日期（再加上一句額滿即止），即是很理想下，就算店舖能知道自己能取得多少貨，也會視付多少人訂了，才去決定訂多少，如果不是這樣做，一，各店舖鬥快下單，做成很多人也訂不到，二，店舖每次也要預算入貨的數量浮動量很大，訂貨多風險很大，太保守，訂貨少賺不到錢，眼光要非常準確，那樣高的風險又超低的回報，那有商人會願意做，照你的做法去做生意，我相信只有結業的結果，而且還會是在非常短的時間

bigbigfriend

作為玩家，千值殿訂的一定是最早派的，我要第一時間玩到就去嗰度訂，就係咁簡單，我理得你出面幾時派、啱唔啱。

ToyKnife

bigbigfriend 發表於 15-2-2023 08:59 AM
作為玩家，千值殿訂的一定是最早派的，我要第一時間玩到就去嗰度訂，就係咁簡單，我理得你出面幾時派、啱唔 ...

同意。其實千記都咁多年，一直都係咁做。想第一時間玩到就去官方渠道訂啦。

另外一個角度，我唔係太明，千記明明係香港公司又有官方實體店和網店，點解仲會同其他店訂呢? 會平少少? 或因為有其他方便咗? 如果有任何其他原因，咁解釋咗啦，Give and Take，邊有得著數晒ga。