Carbotix 合金 Voltron / 金剛戰神 / 百獸王

lucy0000

apezipup 發表於 15-2-2022 02:48 PM
有些玩家說這隻出得咁大隻百獸王唔夠精細和拿不到個駕駛員出嚟，老實說我又不見得Bandai 出DX合金有幾咁精 ...

係呀,大隻就話人唔夠精細,出得細隻,又小人出咁細隻但又賣咁貴,
見到呢D專家都覺得佢陰公~~

lucy0000

根本英俊 發表於 15-2-2022 03:21 PM
妳睇某位師兄都唔似有買, 一直只係識講咩放大咩加粗, 我又見唔到5PRO只係將隻百獸放大同加粗, 某位既講野 ...

嗱~我冇買就係精明,
你班友買左就係笨實

最叻就用"呢度係論壇,我講乜都得,言論自由"後兜

總之呢D專家,就係her nose is too big D朋友啦

lucy0000

bigbigfriend 發表於 15-2-2022 02:30 PM
理解閣下感受，真係見唔小這些專業玩家，隻嘢未出就對住隻 3D print sample都可批評一大餐，你話佢身型顏 ...

我唔係話買左隻野就會叻D,但我就最憎呢類幻想CHEAP精冤婦,
掂都未掂過件野,就死出黎扮專家,X媽拆蟹,懶係高高在上咁指點江山

fTmxM

其實好佩服你地，唔知係咪閱讀理解能力低定點，往往都系以偏概全。

fTmxM

o拿，我最後同統一回复你地，玩玩具，唔係比玩具玩，唔好o甘小朋友接受唔到人講你買左的玩具缺點。討論要有point, 有人爛左綠獅子系事實，唔見你地討論呢d？只係無的放矢。我買好多玩具，都會中sad瀬野，我系同情的。Anyway,  唔同你班友仔嗮時間啦，bye!

lucy0000

fTmxM 發表於 15-2-2022 05:59 PM
o拿，我最後同統一回复你地，玩玩具，唔係比玩具玩，唔好o甘小朋友接受唔到人講你買左的玩具缺點。討論要有 ...

閱讀理解能力低，以偏概全..竟然由你呢條冤婦小朋友把口講出黎,我其實仲佩服你,我地係玩玩具呀，只係你幻想完就當玩左咋~做乜咁快就嬲豬走人,唔係掛~安心上路嘞喂~~

manwest

根本英俊 發表於 9-2-2022 10:34 AM
我有入 合體後無甩出黎, 不過隻野真係太重, 佢下肢唔算太夠力, 妳話佢5000係唔係貴, 咁5000入B記果隻都大 ...

英俊ching ，我果隻藍獅子前左腳開合都鬆，代理應該點做？因為我上網收返嚟，無單！唔知點做好

根本英俊

manwest 發表於 15-2-2022 07:18 PM
英俊ching ，我果隻藍獅子前左腳開合都鬆，代理應該點做？因為我上網收返嚟，無單！唔知點做好 ...

師兄. 我將我所知既同妳分享左先

1) 呢間代理會叫番賣既店去同佢聯絡, 妳可以先去5PRO個FACEBOOK果度留言, 佢會有人覆妳, 妳試下將妳既情況話佢知, 不過我當時係, 佢叫我聯絡番賣既鋪頭, 由鋪頭出面去同佢傾, 所以如果妳係網上收番黎, 可能妳要聯絡番個賣家, 叫佢俾番資料妳啦!

2) 我2月3日聯絡精品, 琴日我問過佢, 佢話已經將D資料同片SEND晒去代理, 代理再SEND番上內地, 而家等內地覆, 不過唔知係唔係春假未開工, 所以而家都係等果邊指示

3) 我所知既資料, 有熟既店話我知, 就算換都可能6至7月!

4) 暫時我所見既問題都唔係好多師兄SAD, 不過佢自己都唔夠貨出, 又春假咁, 所以無野做到!

不過我自己就覺得, 第一, 呢間代理好有問題, 有咩理由我E-MAIL唔覆, 要我響FACEBOOK MESSAGE佢, 佢先覆我要去同店聯, 咁店聯完, 佢又揸唔到主意, 竟然要問番內地, 間鋪唔係韓仔既咩, 點解出事反而要問廠?

我都係衰響籃獅左腳, 當然合體無咩問題, 不過我本身就係想虎年放5隻虎出黎, 而唔係想放人型, 而家無了期咁等, 灰左!

重有, 個人覺得佢個盒真係裝空氣, 根本就唔洗攪到咁大盒囉!

根本英俊

fTmxM 發表於 15-2-2022 05:59 PM
o拿，我最後同統一回复你地，玩玩具，唔係比玩具玩，唔好o甘小朋友接受唔到人講你買左的玩具缺點。討論要有 ...

討論要有POINT, 好啱喎, 不過前題係妳有玩過先會有POINT, 妳而家果D唔係叫討論, 係叫吹水! 知唔知咩叫吹水, 即係得個吹字, 見到網上有人放張相出黎, 就好似全批貨都係一樣咁, 執到寶喎! 呢次仲唔係有晒證據? 妳睇野咁有個人之長, 我呢D普通人講到咁真係怕妳唔明, 只好舉個例....

就即係有D男人溝唔到女, 就響度周圍同人講溝女一定有問題, 靚既一定係貪錢, 性格好既一定樣有問題, 人品好可能有病, 人地問佢妳溝過女未?如果未既不如妳試過先講啦! 佢就同妳講而家唔講得呀, 我都有幻想個同D女一齊, 而家呢度係論壇, 係唔係唔俾人分享點溝女呀, 唔俾人講得妳條女有問題呀？ 我就閱女無數(可能睇AV), 不過都試過中SAD(可能封面同內容不符)...總之我就統一回覆, 妳地溝親女既一定係俾女玩! 呢D先叫PＯＩＮＴ！

而家我同妳講, 隻百獸我都買左, 都中左SAD, 個PＯＳＴ我之前都有PＯＳＴ過出黎， 而家跟進緊, 我唔敢話佢十全十美, 我都覺得佢有問題, 例如黑獅坐唔到自然, 機械人型態跪唔到好似官圖咁, 紅綠獅點解唔可以用開關去控制個燈, 呢D野我都響我個PＯＳＴ講過！ 呢D叫PＯＩＮＴ！

妳話五千幾唔值, 咁我又想問妳, 有師兄五千幾高追B記百獸叫咩? 各人有各人使錢既能力同用法, 唔好將五千蚊放到無限大! 妳問我值幾多, 我夠想500蚊入到佢, 但現實唔係妳想/妳希望就得, 妳可以去99蚊不是夢! 但我入佢係因為對佢有愛! 我唔入B記係因為我受唔到佢合左體之後個身型, 同我想入佢果陣炒到上天, 妳要我幾千蚊高追唔係唔得, 但妳要我幾千蚊高追一隻響我心裡面只值1600既我就係唔得! 但我無響Ｂ記百獸PＯＳＴ講過一句我自己幻想出黎既問題！

講多句！ 我都有入大空魔龍, 5610入, 妳話抵? 訂果日已經知唔抵! 但佢係我童年第一隻差D可以擁有既玩具, 而同時地我唔知道將來仲會唔會有廠出隻咁大既"超合膠"出黎! 所以雖然明知佢會跌我都訂左先, 就係因為怕我之後入唔到, 呢D心情妳未必會明, 因為妳買過好多玩具! 仲要係唔係俾玩具玩! 幾叻仔呀!

lucy0000

根本英俊 發表於 15-2-2022 08:56 PM
師兄. 我將我所知既同妳分享左先

1) 呢間代理會叫番賣既店去同佢聯絡, 妳可以先去5PRO個FACEBOOK果度留 ...

佢呢D叫太監教_ _ ,不過佢人都走左,唔好再O徒氣
認真,我就對百獸王冇愛,可以話唔識添,只係買返黎陪下兩隻DX 電磁俠咁咋

manwest

根本英俊 發表於 15-2-2022 08:56 PM
師兄. 我將我所知既同妳分享左先

1) 呢間代理會叫番賣既店去同佢聯絡, 妳可以先去5PRO個FACEBOOK果度留 ...

唔該晒！英俊ching！
賣家話無單！我响5pro FB 問下先！

manwest

其實隻5pro 百獸王，係我買咁多百獸王入面最靚！

manwest

5千幾係好貴，但上手係一隻會令你讚嘆嘅一個玩具！

根本英俊

manwest 發表於 15-2-2022 10:03 PM
唔該晒！英俊ching！
賣家話無單！我响5pro FB 問下先！

記得拍片, 我果隻係鬆到自己會跌番落黎既, 上網睇好似話有大貨返左, 妳問下個賣家響邊間買, 走去同佢間鋪講左先, 因為如果佢一定要經鋪而唔係玩家自己攪會麻煩D, 另外呢隻野一定係訂貨, 以師兄妳係早期第一批, 唔會有現貨買既可能, 故賣家一定會有訂貨既資料, 所以妳真係要同佢講幫幫手取到張單保障自己, 如果我多事請見諒! ^^

根本英俊

manwest 發表於 15-2-2022 10:12 PM
其實隻5pro 百獸王，係我買咁多百獸王入面最靚！

佢係靚既, 不過真心可以再好D, 佢收得5000, 就緊係要求多一點, 我只係希望佢既獅子形態可以自然坐, 同機械人形態可以好似官圖咁跪得咁輕鬆, 最好就係綠紅獅子都可以有開關燈既開關, 咁我就無野好要求了!

佢合左體, 果個重量咁真係好有手感, 身形我覺得好靚, 可惜我中左SAD, 所以我等佢換好左先再攞番出黎再好好玩一次, 果次一打開真係傻左眼.....心諗唔係下, 玩都未玩隻腳妳識到自己可以響度飄.....