|
|
|
本帖最後由 JohnnyM 於 18-2-2014 03:36 PM 編輯
三隻我都有買，今次呢隻最失望。
頭雕刻意大細眼+望側面，本身呢個唔係問題，但神情唔夠突出變左到喉唔到肺就好大問題。
著晒成套西裝再加呢個表情，Display出唻個Feel唔知點解似劍齒虎多過狼人，
頭雕神似度唻講亦非常一般，要就晒角度+配合打燈先叫似，咁即係唔似啦。
近來Hottoys figure有個好大問題，就係眼珠上色，以前只係瞳孔上光油，一打燈好有神，
家陣經常成隻眼珠上晒，個個都金晴火眼古怪到爆炸，點解會咁？
配件唻講，把劍好靚，上面有字（見下面iPhone HEA拍圖），
骨爪、鋼爪冇咩特別想講，一貫水準，老西唔特別靚，但係正常，
因為電影裡面果套都唔特別靚，呢套只係出席喪禮著既西裝，唔係去Ball。
反而要鬧爆係個Body，頭身完全唔o岩比例，個對比度就好似將狼人個頭插落李小龍body咁，
完完全全徹底唔夠大隻！
見唔少師兄話大隻body著老西會變肥豬，係有道理，但佢連兩條腿都幼到癡線又點解釋？
仲要著鞋唔著襪（HT最近好多Figure都慳左對襪），有時轉一轉pose唔覺意扯起少少褲腳，
香雞咁幼既小腿 + 足踝位即刻表露無遺，真係豈有此理。
如果有心遷就西裝look，不如索性唔跟背心算啦！呢個body著背心我真係睇到扯晒火呀！
唔display背心look就冇事？喂！咁對骨爪點算先？骨爪夾西裝look？你自己話掂唔掂啦。
成日聽到玩家要求一雞幾味，最好隻隻有衫換，我覺得呢D真係要case by case，
好似狼人咁，西裝look同背心look既body要求完全不同，我寧願分兩個version出，
好過家陣咁出到兩邊不討好。不過，當然啦，分開出又有玩家話掠水搶錢架啦，世界真難撈。
呢隻我建議等超級VIP價出現先入啦，如果已經有舊狼人，散bid頭、骨爪、劍，夠晒。
 |
|
[複製鏈接]
發表於 12-2-2014 10:53:23
樓主
