食 水 太 深 ! !

jaja.henry

回復 27# 小堅


    咁又岩。我之前係佢度訂，攞貨都係現貨價。{:1_197:}

遊俠

回復 75# mcdulldull2
'入世未深'唔敢當
好多與論者都有此'資格'包括'閣下', 一笑~
我做廠時閣下可能仲返緊小中學...

成本控制自有老闆操心
正係消費群一員
亦了解生產計價事宜先有哩個題目
每個人有不同個人想法
無謂輸打赢要

TD就係一個平台給予不同意見人士參與討論

歡迎更多不同意見
討論總有正負面
老闆睇到好, 回應好
消費者睇到好, 回應好
大家貫通想法
互相融和討論

紅魚兄帶比大家好多行內批價資訊
實屬難得:handshake:

Usteakum

回復  mcdulldull2
'入世未深'唔敢當
好多與論者都有此'資格'包括'閣下', 一笑~
我做廠時閣下可能仲返緊 ...
遊俠 發表於 5-2-2014 11:55 PM

    其實有幾多人真正了解所謂的成本呢？

不管是生產成本及營運成本等，如果不是真正實實在在當過，市場上的消息往往會令人有所誤解，所以出現一知半解的情況吧。產品的價格是一層一層從一方到另一方而改變，產品類型的不同由原料的價值跟實際賣價差別可以由幾倍到一千。

另一方面，香港是自由市場，價格太高自然沒人買甚至買不起，如果真的只有一家玩具店故意提高價錢去圖利，那我想現今的購買者也不會笨到繼續幫親吧，不用其他人擔心，那家玩具店應該做不長呢，對不。反之，如果各店都按批發商或代理或甚至從廠的來貨價錢（不管是月結形式或現金支付）去標價，那就應該出現各店的售價差距不多的情況。如果有一家，她的所有玩具價錢都是比其他競爭者特別平宜的話，我想她應該找到了一個更平宜的經營方式，那就是她有她的可勝之處（不管是拿貨形式，運貨方式，付款方式，貨品種類等等）

有一點想糾正的是，原材料包括膠料，五金，甚至包裝料以及人工，運輸等，這兩年的成本上升加上人民幣匯率的改變，如單以日元下降能作為抵消，我想這想法未免太簡單了。

AK30

買件玩具你認為合理又負擔到咪買，唔得咪唔買law, 要講到成本幾錢？返貨幾錢？要知人賺你幾錢？喺資訊愈發達嘅年代，人嘅行為就愈本末倒置！:67:

老文

去到6版..吸引左我入來....我只是路過的....{:1_203:}

tvg

只見人地其中一樣貨品有得賺20%巳經嘩嘩聲,
怪唔得成日上黎見有人話渣住十個八個就想開鋪做老闆!

redfish

都係個句, 人地開鋪唔係開善堂, 做生意當然要有得賺, 定得個價固然有佢的理由, 如果是高過一般市價, 自然冇人同佢買.

如果接行貨訂, 接到和行貨批價差不多, 件貨又唔似是一出即劈的死貨, 間鋪又唔似勁到做左瑞記D大戶, 畀我都唔敢同佢訂, 到時一句冇貨就真的算罷啦.

roystoy

回復 82# redfish


  睇此帖 最大得著是 紅魚兄 的 行情資訊， thx 4 sharing!  :77:

而回應主題方面，只想講，無言 ……………… :34:

mcdulldull2

回復  mcdulldull2
'入世未深'唔敢當
好多與論者都有此'資格'包括'閣下', 一笑~
我做廠時閣下可能仲返緊 ...
遊俠 發表於 5-2-2014 11:55 PM

閣下做廠好，做乜好，八九十歲都好，都唔代表閣下已成熟，呢度係網上世界，你話自已做國家主席又好、畢飛特都好，我覺得無所謂，但係單從閣下出po果段食水太深中，我都係果句評語---閣下對從事零售業真係入世未深。

gunbaron

完全同意,仲有升得最誇既租金,樓主話日元下降能作為抵消,十年前Yen十算,而家當佢7算都係跌3成,你睇D租金何只相爭3成,3倍都未止,我有老友係某商場賣賣衫,佢話十年前交萬零蚊租,尼十年己加到3萬尾四萬,你吾租,大把死士租,所以樓主好似阿矯甘,太天真太傻
回復 78# Usteakum

yazoo1667

做生意得一招賺要賺盡蝕要最少同人計成本身家冇意思

冬暖夏涼小恐龍

昨日電視都有講!!!一碗$30元雲吞麵!!  $20是租金  ($10人工.水.電.煤.食材)
做廠吾係大曬!!!不要做宇宙大王!!!
其實太貴唔玩咪得!!儲起來做D更有用的事!!{:1_199:}

good886

以而家既租金, 最低工資, 咩都貴晒, 爛鬼雪藏雞翼都19蚊磅..................

唔買係最好的行動, 您有貨, 我有錢, 莊閒好明顯

當然討論區, 攞出黎講下好平常, 免傷和氣就好

good886

以前港仔對人仔, 仲可以100對125, 果時工人一般7xx一個月, 加班後一千鬆d, 大家港燦北上做大爺 :shy:  而家................

而家工人都二千幾, 加班後過3k, 冇加班唔做, 加班太多又唔做.............

成本上漲是事實, 不只玩具, 整體基本上咩都貴晒, 加上港仔跌到暈, 再加上香港租金失衡, 已經好難返去以前果種光境

慶幸既係, 自己對玩具的需求冇以前咁大, 好多野都冇買了, 好似以前神話出一隻, 買一隻, 而家對住幅神話牆, 得啖笑 :(

老文

回復 88# good886


    講得好...:71: