我對Hottoys的迷思...

fishnchips

最近2手市場出現左好大變化，好多HT單同現貨的價錢都回落左，但仍有部份熱門產品價錢堅挺，綜合幾點：
1、翻炒舊貨：
以往HT絕少重出舊的figure，就算有(例如Joker)都係有新造型或技術上有重大改良(如可動眼) 先會出，因此如閣下對某款產品或角色有大愛，只能重二手市場買，導致過往HT產品長期有價有市。但自從Bruce Banner + Hulk 套裝、Batman Armory + Bruce + Alfred套裝等的出現，導致一手市場的供應增加，Hulk同DX12價格應聲而跌。至於其他未公布會重出的產品，相信買家可以觀望下先，而炒家叫價時亦不敢過份進取。
2、供過於求
以前HT好多熱門角色的訂貨期好短，誇張的話幾日就截單。但最近這幾個月出的新產品，好多都仲有得訂，甚至有現貨賣(e.g. DX13)，這種情況過去幾年都好少發生。現在如果HT唔係玩限量或抽籤(e.g. Mark 21、Thor 輕甲版)，相信都幾難炒得起。
3、生產能力增加
以往HT出貨速度一向都被人投訴慢，通常比預計日期要遲好多，但HT似乎搵多左幾間廠生產，最近好多都提早出貨，而且公布新產品的速度越來越快。炒家無論持貨能力、空間需求和現金流有壓力，自然心急散貨。

總結：
HT這樣的改變無形是玩家的福氣。雖然我自己是玩家，但對我都有好有壞：
1、買貴了
小弟遲入坑，當年為了儲齊套Avengers四子，用了3牛去買Hulk，現在2牛左右就買到現貨。DX12就2牛3魚買，現在2牛左右就買到現貨。好彩我不是炒家，自己收藏都不致於蝕錢，最多都是買貴了。
2、Pre-order？買現貨？
有時驚HT突然截單，所以我鍾意去落左訂先。不過好似隻Tony Mechanic咁，我訂了普通版，後來發現一街都是蟹貨，連Bonus Part都比普通版平了一截。咁我以後重訂唔訂，還是等大貨出…？

以上只是小弟愚見，歡迎交流。如有得罪，請各位師兄高抬貴手，唔好插爆我。

上下盤

依家買 Ht 玩具已經只會喜歡的系列，如 Iron Man、Predator 或只出一次半次的版本(如城市獵人、哥哥)，其他都好少訂，要玩又可等二手買一個，玩完再放都抵番。{:1_205:}

天碼

依家HT既做法對真玩家係好事，只佢希望出貨快時又可以KEEP住QC質素，就大家HAPPY！
但睇得出HT既IRONMAN系列開始技窮，等睇佢出DIECAST啦！

jeffloh

其實我一向無理, 因為主要都係喜歡, 見價錢合理先去買/訂, 之後發生咩事, 升或跌都唔關我事了.
如果講第一點, 我反而覺得HT依家似"食老本", 都無點去開發其他電影系列 (當然一條ironman line都夠玩好耐) 佢出ver2, ver3我都好少入了, 而且唔想等一年先有.

HT如果將來的產品都有現貨就更好了, 因為我自己買野都係"有mood先買" (除了必須品) , 好少咁神心訂定先. 有就買, 無就大不了玩少隻. 有現貨我反而我可以見到OK就買, 唔洗等成年派貨~

fishnchips

回復 4# jeffloh


    我都好想HT有現貨買。其實HT依家咁賺錢，真係冇必要收咁多訂金。收訂只係確保無賣剩蔗唔駛discount賣貨。

jeffloh

回復  jeffloh


    我都好想HT有現貨買。其實HT依家咁賺錢，真係冇必要收咁多訂金。收訂只係確保無賣 ...
fishnchips 發表於 10-1-2014 04:06 PM

咁其實都睇有無人願意訂啦. 我自己幾喜歡EB個銷售手法, 有大貨先賣, 我唔洗訂, 見到實物先至決定都未遲 (不過我自己好少買EB, 因為我唔好bruce lee同NBA). 我自己唔太喜歡訂野, "感覺成日好似有d野未完成, #住晒", 所以都無玩好耐了~ (利申: 我唔覺唔玩HT是可惜~)

audiokids

宜家買件玩具真複雜, 又要考慮炒家多唔多, 又要考慮 Hottoys 有幾多間廠......

AYXXX

HT做法對玩家係好事,,,而對炒家係壞事,,,,,,,:67:

whitedol

回復 1# fishnchips
大致上都同意:^

dewback

其實 Tony Stark The Mechanic 事件，都係炒家搞出黎，如果只係買家去買，根本市面上唔會咁多貨，訂左嘅根本唔洗驚會訂貴左。而家 hottoys 有新招都好，等啲炒家唔會係唔係都入，咁大家訂得舒服，唔驚無得玩，唔驚買貴左。

hawker

昨日訂M39好有feel
好熱鬧有條人龍，但都係玩家style 訂
Good

JAYLAU2024

對玩家來講係好事 可以買到心頭好 就算今次買唔到仲有機會出ver 2

特級豉油

我就覺得係大家想多咗，我係HT都會維持現行銷售手法，炒家問題根本由消費者心態衍生岀來，即使bandai模型不停生產一樣有炒家，最重要咁都有人以炒價入，試問hottoys玩具點可能無炒家？而生産商又為什麼要為呢d 「炒賣行為」負責任？

其實要合理價買hottoys，在乎自己想法啫，何必一廂情願要其他人單方面配合自己所訂的價值觀？而又因其他人不合乎自己價值水平，就週圍大呼小叫？看開一點吧啦！