我對Hottoys的迷思...

sunnyfatb

回復 13# iwillneverlose
我初初玩時都係落一魚訂！依家最小都五魚啦！

蒙眼佬

個人感受~ 係排幾粒鐘訂要比五舊，等一等之後座喺屋企去Y拍唔使排就三舊，咁以後都去Y拍仲好啦。策略係好似新嗰隻白色，我冇訂，半年後可能平兩舊，如果貴兩舊就慳番唔買。

Afigureman

HT玩死自己, 佢想做到自己好似蘋果個D大公司的產品咁, 出同未出都炒一炒先.....
到左今日的局面, 佢宜家返唔到轉頭lu

蒙眼佬

HT玩死自己, 佢想做到自己好似蘋果個D大公司的產品咁, 出同未出都炒一炒先.....
到左今日的局面, 佢宜家返 ...
Afigureman 發表於 10-1-2014 11:17 PM

我估白色 iron 炒唔起+ 冇乜人訂，因 Hottoys 不再保值 。(玩具都要保值？) 係！保值嘅野先多人買。

GUNGUN

咁講啦, 有玩開日本玩具的話, 千幾蚊野跌一兩百蚊, 完全不叫跌, 仲可以叫已經好好野, FIX 隻報喪女妖, 兩星期就比由訂價$13XX插左到$9XX,  又要同官圖差一條街 , PVC 女FIGURE插 30% 簡直等閒事, 所以賣玩具的人, 炒HOTTOYS 暫時仍然是最低風險, 除非突然HK 賣玩具要領牌, 否則呢個情況會一直落去,

受開日本玩具氣的人, 轉玩HT簡直覺得是貴賓級招待, 兩K買盒合金魂番去, 成隻花左你唔好彩, 錯件比代理 ,換你半年有得拎番是你執到, 隻野KEEP 到官圖8成似, 簡直是行運,

轉色+ PARTS 出改版, 日本簡直是先蜂, 而且一出舊版肯定變垃圾, HT D 野, 出左新版, 舊版雖不再值錢, 但你會覺得仍有一定價值 , MEDICOM 以前 D 1.0 RIDER12吋, 舊版3-400蚊都冇人愛 , 留比自己拆件粗玩就可以

只怪自己偏愛日本玩具, HT一年只買8盒左右, 但好少買左後悔,但玩日本野, 自求多福冇計

irontuba

回復 17# iwillneverlose

絕對同意！
收高訂又有乜所謂，反正都要比！
重點係杜絕炒風！
同時又可以比自己嚴選
學某師兄話齋，HT係成人玩具
成年人應該有能力判斷自己玩唔玩得起！
唔會因為高訂早派瓜瓜嘈！

E神

回復 20# 蒙眼佬


    呢樣就真,
如果明知HT 一出貨,就平訂價幾舊,
仲洗咩去訂...

ironman3

玩家角度想要就訂, 唔訂就預左等大貨追, 追高比例多, 少數係低價!
炒家角度有得時, 會有失, 預左有貨炒起, 有貨炒唔起!

特級豉油

咁講啦, 有玩開日本玩具的話, 千幾蚊野跌一兩百蚊, 完全不叫跌, 仲可以叫已經好好野, FIX 隻報喪女妖, 兩星 ...
GUNGUN 發表於 11-1-2014 12:28 AM

睇完大大所寫，真係心中一酸.......

小弟算好彩了，只有兩單悲哀事，hottoys 反而未衰過

改咩名好?

最大問題係....佢截訂時間唔定.....

你估人人真係可以 隨時ON CALL出去訂咩......設個期限都冇....

IM3個時 版都未有 就截哂......連諗清楚訂唔訂既時間都冇.....一星期都唔洗就可以截訂

GUNGUN

回復 27# 改咩名好?


HT 最HIT 果D, 都有一個星期左右比你訂, BANDAI 十二宮神話EX, MACROSS合金,  即日開訂去都CUT哂, 肯收訂已經隨時要比炒價, 仲要未必一定有, 出果日即CALL你去拎? 即是代表8成插水, 唔緊要!! 自用由佢插, 最緊要唔好開盒中SAD 貨, 唔係就分分鐘12個月換件, (朋友親身親歷, 當年合金魂大贊卡錯件, 比左衰華行一年終於換左番來........)

現在我都快四張, 玩左廿幾年模型玩具, 心態有時已不是玩玩具, 是儲玩具多, 別忘記HK D階磚, 貴過件玩具多多聲, 真係鐘意佢插到0蚊我冇所謂, 唔鐘意佢值幾千蚊都冇用, 唔好放我家阻住哂D位

darknight

回復 18# 蒙眼佬


    味必咁好彩呢.... .雖然依家訂貴過後追....................... :*

darknight

回復 19# Afigureman


    佢當做宣傳之嘛. 為翻廣告費囉. 佢無虧嘅.