太耐無買玩具，想問下而家係咪唔比開盒check貨換貨？？？

ssricky82

做左cd rom咁多年，一直都無出post，真係sorry。
但真係無試過買玩具會咁唔開心既經歷，今次真心想update下自己，係咪而家買野唔可以開盒check貨，有花就唔會換貨。

早兩日，去皆旺買 sr巨靈神，因為盒面睇唔到裡面，咪要求開盒check貨，阿姐話要收左錢先，我都覺得合理咪比錢先囉，阿姐仲比埋交剪我但我無用，用自己cutter開膠紙。
第一箱，大脾位銀色油有2cm長既花痕，我要求換，阿姐比第二盒我。
第二盒，腰位銀色油有凹痕，如圖，圖係最尾。
我再要求換，阿姐就開始發難，佢唔肯換，我咪要求攞返錢走人，佢唔肯回水，聲稱賣幾十盒都無試過有花要換，聲稱錢就收左，叫我是但揀一盒走。
嘈多兩句，佢先話自己話唔到事，要等阿仔返黎，我問等幾耐，阿姐話"唔知，你等得就等"。佢打比阿仔，我同阿仔係電話傾左幾句，聲稱因為我開左盒就變二手貨，唔會換比我，叫我唔鐘意咪報警。收線後，我再問一次阿姐肯唔肯回水，唔肯我就報警，阿姐唔肯，於是我報警。差人黎到，阿仔亦返到黎就已經起勢鬧我，佢既論點係全行都係咁做架啦，唔會舖頭換貨，要換就要我自己換bandai，開左盒就變二手，佢會蝕左好多錢。差人話佢都無權叫阿仔回水比我，我只可以民事索償或者消委會告佢。差人話玩具實有瑕疵，叫我唔好做驗屍官，我咪話我唔係驗屍官，我開盒比差人睇，差人無言。阿仔唔肯換貨唔肯回水，差人亦無野做到，大家進入膠著狀態。
最後，我攞有腰位花左個盒走人。

我唔係想大家評論誰對誰錯，只係想問下大家買玩具是否已經要靠運氣？貨都未出門口都無得換？遇到咁既情況可以點？

***注意，圖係經過光暗調較***

***注意，圖係經過光暗調較***

***注意，圖係經過光暗調較***

yugi

少少花都肯比你開第二盒已很好:67:盒盒開過晒揾鬼買

改咩名好?

花件.....本身就係好少會換......肯開到第2盒 已經算幾好...

Mcgarden

你問問題前. 先問下自己會唔會俾錢買盒開過晒既貨??

ZeroCool

缺件錯件壞件先可以換, 甩油花件無得換, 好多鋪都係咁

iannt2011

少少花大鋪都冇得换，現在玩具D QC無花才怪。呢二年，我買bandai 末试過冇中sad, 差在多定少，圖中的sad 位不算嚴重了。

ssricky82

兩盒都係花痕好明顯，我唔係驗屍官。

半田健人_555

其實學其他大大話齋, 不如比咗錢求其攞盒走算啦, 仲有, 下次唔好去"雞旺"喇!

ssricky82

其實學其他大大話齋, 不如比咗錢求其攞盒走算啦, 仲有, 下次唔好去"雞旺"喇!
半田健人_555 發表於 4-8-2013 08:21 PM

唔去雞旺？咁可以去邊 XD

ssricky82

謝謝各位回覆，同埋我想講 sr巨靈神真係好正，我玩得好開心 XDDD

其實....我唔知換張膠紙難唔難？

mcwong44

樓主∼好明顯係你問題∼小事化大！

如果每個客人都好似你咁∼一箱玩具∼都唔知賣唔賣到一半∼其他都要當二手賣？

那還有人賣玩具？蝕錢也要為玩家服務？

iamsamuel28

缺件錯件壞件先可以換, 甩油花件無得換, 好多鋪都係咁
if you want a perfect one, you may like some ching in here who buy few boxes for selection

宇宙之王者

兩樣野,我個盒OK,一盒過攪掂,但我無CHECK,回家先開,我好少CHECK件,除非盒野真係好貴,但我亦唔係次次咁好彩,有時比大大你個盒更誇張都有,但亦好少換...除非塊面出事或直頭欠件或爛件.第二,得罪講,我覺得鋪頭無題問,佢都比你睇多盒...玩具少少花真係實有,如果佢再開多兩盒比你,咁個三盒咁你係下一手當係二手定全新又賣比你好? 驗屍官每個人準則唔同,我試過放二手合金出去,個買家係電話同我講叫我放心,佢唔係驗屍官,結果出到黎每個PARTS都拎出黎CHECK.....我等左佢十分鐘!

luciferdark

自己帶CUTTER
要求開盒CHECK
CHECK兩盒
重點講完:38:

simpson8860

你呢種強國人作風既惡行,以為洗小小錢就大Q晒果隻,仲要浪費警力而滿足個人私欲,定你刻意去玩野?建議你不如去返毆城買或改玩HT,任Check,而家有細舗可做到咁算係咁啦