林慧思老師

原罪

唉，都不是因為她的行業而多言，只是在那刻，警方只算較中立，法輪功不合理在行人專區放路祭，再有攪事者關 ...
上下盤 發表於 3-8-2013 12:39 PM

    警方處理方法，
你覺他們在處理，
圍觀的卻不覺得他們在處理。
這是一大分歧。

警方到場，沒有驅趕任何一方，是把雙方都圍起來。
讓關青可以不停挑釁法輪功。甚至像警方保護關青讓他們損害法輪功的言論自由。

之後有市民質問警方為何不處理，警方就說拉市民回警署，要對圍觀市民要拉要鎖。…
…那些挑起事端的關青呢？

（網上也可找回影片）

這就是被質疑執法不公的原因。

O_biscuit

又背景又陰謀, 其實會唔會複雜左D? 簡單D諗.....單就事件一個老師在公眾場合講了幾句極唔流利既WSTF，咁就可判斷人教壞細路?......就當佢唔啱.....有需要群起批鬥斷人衣食?......呢個會唔會離譜得過份?.....尋開心地批鬥真係幾冷血....:70:

包和尚

人永遠只知批評它人，永不自己檢討自己，如果警察可以有咁大警權，就晨早清場，仲被班邪教及親中團體係到玩野咩，一早清埸唔使係街企幾粒鐘，仲要比社團媽叉咩，叫親中團體收檔，又比親中團體投訴不公，掉返轉叫邪教收檔，又到邪教投訴，如果有黑字白字有法律不淮任何社團在街擺擋做成滋擾，又話冇人權，各位大大有冇良方呀？
點解我叫法輪功係邪教，係因為所有教派係宣揚自己教議，導世人向善，但近幾年邪教變質，由宣揚法輪功好處，變為血腥圖片及反中共展覽，香港從未有教派會咁做，唯獨邪教係咁做，仲有香港有幾多人會練？每區熱點地方都有邪教擺檔，仲要一大堆人派傳單，錢從何處來？個班人係義工定日工呢？
香港我只知最落力宣揚自己教義係摩們教，班鬼仔鬼妹係自己儲錢來香港幾年宣揚教議，如有大大接觸個摩們教人仕就知。佢地日日出街笑面向你宣揚摩們教，而邪教會宣揚什麼呢？

CYCLONE_JOKER

正常做法係警方將兩班人分開, 而不是次次都坐視青關愛圍困法輪功.......你自己係街畀人圍, 報咗警, 警察來到企埋一邊睇戲......有人見到大鬧警方wtf, 跟著你就只懂鬧人講粗口........呢尐叫鄉愿, 德之賊......扮晒有道德的奸賊, 小說裡叫岳不群, 現代叫道德塔利班{:1_197:}

hoho10120998

出面睇過幾個壇都係一堆對老師行為既討論,(係呢到有個topic唔係講老師既不過係我留意到之前已被鎖)
當中唔小人都話警方辦事不力無人講不重視之,只轉移視線聲討老師.
個人覺得,大家係老師既topic進行討論得出結果當然係以老師為中心啦...咁正路有咩問題?
唔知點解咁多人對警方不滿但又冇邊幾個會另起topic 討論事件中警方既處事手法?唔通頂樓唔引用報章新聞就冇討論價值?
出面好多大壇已經比一班職業打手騎劫左所以都只會看而不加入討論...希望呢到唔會

唔知城市論壇會唔會討論事件呢.:handshake:

以下係我個人感覺
法輪功安靜擺檔                                                              無問題
青關攪事                                                                         有問題
警察到場                                                                         無問題
警察拉起封鎖線                                                               無問題
警察dry企無分開兩班人                                                   有問題
四眼哥登場 整爛封鎖線 強衝入封鎖線內                          有問題
四眼哥 罵青關,同警方理論                                               無問題 我仲覺得佢鬧得精彩 鬧得妙 拍手
黑衫四眼哥 同女警理論                                                   無問題
林老師登場 罵青關罵警唔做野                                         無問題
林老師 進入封鎖線內                                                       有問題
老師 不聽指示離開封鎖線                                                有問題
老師對個別警員言語攻擊                                                 有問題
場面未受控制警察離場                                                     有問題
青關 法輪 大鬥法 警返到現場,不過立立亂都係冇做野       好有問題 眼都凸

原罪

出面睇過幾個壇都係一堆對老師行為既討論,(係呢到有個topic唔係講老師既不過係我留意到之前已被鎖)
當中唔 ...
hoho10120998 發表於 3-8-2013 09:24 PM

你漏左，當警方被市民指控無執法之後，佢地係點樣對圍觀市民。

原罪

人永遠只知批評它人，永不自己檢討自己，如果警察可以有咁大警權，就晨早清場，仲被班邪教及親中團體係到玩 ...
包和尚 發表於 3-8-2013 05:17 PM

    法輪功同電訊企街廣告一樣之嘛…

hoho10120998

你漏左，當警方被市民指控無執法之後，佢地係點樣對圍觀市民。
原罪 發表於 3-8-2013 09:42 PM

除左啞忍,我又唔見佢地對市民做過D咩喎...
,願聞:64:

原罪

除左啞忍,我又唔見佢地對市民做過D咩喎...
,願聞
hoho10120998 發表於 3-8-2013 10:14 PM

自己睇~
    http://www.youtube.com/watch?v=N1dKzHZ0FPc

原罪

呢個應該係暫時搵到，最長既事件版本14分幾鐘


http://www.youtube.com/watch?v=JIXiS2sdi4s

hoho10120998

第一條片根本係老師理虧條片....早就睇過啦...

第二條片其實都睇過,係多左D野睇不過都係D一直都只係要求入左封鎖線既人離開封鎖線..有衝突既都係封鎖線內既事,個D人已經唔可以叫圍觀市民

封鎖線外既人都只係解釋上頭冇指示做唔都D咩   對待市民方面冇特別好同唔好既地方 我覺得無問題

原罪

第一條片根本係老師理虧條片....早就睇過啦...

第二條片其實都睇過,係多左D野睇不過都係D一直都只係要求 ...
hoho10120998 發表於 3-8-2013 11:04 PM

之前林老師未發癲，佢入封鎖線，佢既理由係，點解青關可以，佢唔可以。
（過左火）
但當時片段你都睇到，三四個警員立即衝上前要拉要鎖…

咁…青關D人呢？
點解D市民咁燥，就係點解青關D人可以圍法輪功，而市民再圍青關會被阻止…
留意，整件事警方無解決，由得情況殭持就收隊。

唔清場係好奇怪既行為…
咁亂既情況，應該清哂佢啦。

好似後來佢地都帶狗落黎，但結果係拉左講野既市民…
起哂腳，被人拍哂片既青關呢？
放左…

而且我唔認為過兩年會檢控…

冬暖夏涼小恐龍

一針見血
今日同個妹妹仔講解Ms Lam事件，妹妹仔並非盲塞之人，只係平時少留意時事，故不明所以。

「即係你同幾個女仔朋友喺街，有幾條麻甩佬走過嚟圍住你哋，唔俾你哋走。好嘞，警察嚟到，不但只無分開兩班人，仲特別劃一個封鎖區，任由嗰班麻甩佬繼續圍住你哋，又唔俾其他市民入去封鎖區幫你哋。

卒之，有個街坊睇唔過眼，講咗句『WTF、八公、八婆』，質問警察點解可以任由班麻甩佬咁做？警察無解釋，只係同個街坊講『再嘈就拉你』。

後來，youtube有條片，剪走晒你哋被人圍，同埋警察點處事嘅片段。只剩返嗰位街坊鬧警察嗰段，而且個街坊『被發現』原來係一位教師，於是公眾避開不談嗰班麻甩佬如何包圍你哋，同警察如何處事，只係集中批鬥呢位街坊嗰句『WTF、八公、八婆』。」

妹妹仔非常醒目，一講就明：「唓，咁個街坊應該攞好市民獎先啱喎......」（以下呢句先精警）「除非，警察同嗰班麻甩佬打籠通啦！」

冬暖夏涼小恐龍

◎ 白蓮達

在香港，逢星期日旺角西洋菜街行人專用區都會有各種各樣的小型展覽或表演。本年七月十四日，那裡如常有法輪功組織的展覽，展覽期間卻被一個懷疑是土共策劃、名為「青年關愛協會」的組織阻攔及騷擾。及後，林慧思老師仗義執言，聲討青關協的可恥行為。後來法輪功與青關協發生衝突，林老師亦被警察警告，並威嚇要拘捕她。

上星期，懷疑是青關協的會員在網上發放一條經刪剪過的片段，片段中只有林老師與警方交涉的情況，當時林老師曾有較粗俗言語，於是該片段標題被冠以「老師粗言罵警」等字眼抹黑她。片段流出後，林老師任教的學校向她施壓，著她「收聲」。雖然林老師已發聲明向家長及學生道歉，但仍有人繼續攻擊她，令她不好過。後來，有香港市民把完整片段放上網絡，香港市民才有機會窺見全貌，不致被蒙蔽。

如果大家從頭至尾把片段看畢，不難發現：整個劇本都是香港警方悉心策劃，完全偏袒青關協，無視他們對法輪功組織的騷擾。林老師原本已氣上心頭，忍不住走去所謂封鎖範圍了解情況；在場的男警員在無預先警告的情況下說要拘捕林老師，幸好因為她立場堅決，明知警方分明故意刁難，故不願就範。及後，在場一名女督察更嚇唬她，她才忍不住以粗口回敬。至於在場一位年紀稍大的男督察，表面好言相勸，實際想林老師別生事。
https://fbcdn-sphotos-e-a.akamaihd.net/hphotos-ak-ash3/944610_547949245252996_906518996_n.jpg


不知道若此事件發生在台灣，台灣民眾會否有相同回應？先不說警權是否過大，單是警方以政治立場拘捕一般市民，已經與中國公安無異。此事件對林老師影響甚大，或許這正是中共先給香港市民一個下馬威︰別支援法輪功，否則大家的命運也相同。

仗義執言卻因言詞激進，被污衊為教壞下一代。如果身為教師，遇到不公義的事也不出言，我們又如何告訴下一代何為是非曲直？（作者為香港自由撰稿人）

hk小文

冰封三尺，市民不相信警方，真的是突然爆出來的嗎？由早幾年習近平訪港開始，警方一直做一些偏袒的事情，而事後，就往往用一些當你白痴的答案回應(低調通緝夠白痴了吧？)，一副我大權在握，講咩你都要聽的咀臉！試問如何相信你警方會公正？