[首次開POST]尋日攞完DX12,真係非常激氣...(有圖)

joshuakit

以前我第一隻入既係 iron man mark ii ver.1 年代，QC係令人好有信心，亦令我不斷幫襯，依家實在同當年差太 ...
@rtoo 發表於 26-10-2012 05:32 PM

    一大量生產QC差其實好正常,我諗都係過渡期

chiman0123

中呀...............態度極差，做左年幾以為自己係大家姐，真係救命。
Jimy 發表於 26-10-2012 05:47 PM

佢真係態度差爆~~另外仲有個長髮嘅女仔態度就ok~~
所有男識員基本上都ok,係高高廋廋帶眼鏡個個差少少,不過都無爛面暗瘡女咁衰~~:blame:

弄內洋太

:(我去拿兩隻DX12,頭一隻一睇條腰帶好似有D瑕疵,咁佢都好有禮貌咁拿第二隻比我睇,不過呢盒就係師兄你所講既“輪姦貨”,果然不出所料仲“大獲”，於是我都係要返第一盒新開哥隻，幸好另一隻開盒一睇超靚仔，OK走人~~~SALES哥仲提我有問題拿返黎~~~加句多謝添，不過講真佢地都真係一時一陣，上次攞BATMOBLE佢地仲好負責任跟埋我出門口上埋架車仔先散水，總知“人心難測”~~~~

zombie

回復 22# KidultSkywalker



再唔係可以試下send email 去HT問問有冇得換件
順便講你個經歷俾HT知

fruitswai9

其實我都覺得佢ht D員工一批比一批黑人憎同串嘴,我玩ht時仲係大肥同許志安時期,果時間唔時會見到TD這裡有CHING抱怨佢地既態度,但我就唔覺得佢地有咩野,係COOL D姐,依家呢班就真係極品,我拿局長時都被不禮貌對待過,不過我沒嘈,因為我自問我唔夠佢地咁多個人嘈~好佬怕爛佬(婆):66:反而好奇佢地老闆請人既準則係咪以"黑面"同"串嘴"為標準~不過點都好,佢HT出既FIGURE真的很好,呢個係事情,我會繼續玩的~反正我去兆萬為拿貨而已,果D黑面我當佢死既就得,佢D員工同請呢D員工既唔當我地顧客係人唔通我使當佢係人咩:38:

neo.L

師兄可以用光D既環境影個"大細眼"嗎?另外有冇"冇大細眼"相對比吓?THANK!
我11號單未拎,而家驚緊....

king's

我未儸貨，睇完都好嬲丫，當客係狗丫，比乜要乜？狗都有得選擇丫

KidultSkywalker

其實我都覺得佢ht D員工一批比一批黑人憎同串嘴,我玩ht時仲係大肥同許志安時期,果時間唔時會見到TD這裡有CH ...
fruitswai9 發表於 26-10-2012 06:04 PM

我攞MARK6時都遇過許志安..仍都係黑下面冇咩出聲...其實只係黑面我可以當冇野...

chankb

回復 1# KidultSkywalker

我都試過有同樣經驗, 步出Toy Hunter時比Sales大聲單打...:67:

為自己同其他ching福旨,  樓主不如把故事連同有關Sales名字直接send去 cs@hottoys.com.hk.  因為如果公司管理層唔知, 都未必可以作出改善。

加上佢地有錄影, 應該可以follow番, 也對其他沒有參與"單打"的sales公平些。

其實所謂既"輪姦貨", 只要check清楚便可以, 因為上次別人開盒更換的, 乜未必個個parts有事,其實所有量產的公仔都係由不同parts從不同的生產線上組合而成, 基本上都係百鳥歸巢。對開過同未開過的, 我只關注要換的件是否有事, 因為那些開過換件的, 總也不會掉吧, 回廠補件後相信也會從新出發。

Jimy

老老實實，我經歷過全部任何一代HT sales，佢地都會認得我....
再差再好都見過晒，呢個女仔未必係態度最差果個，
不過佢對玩具既粗暴行為，真係第一，搵佢換野，本來無事都比佢到有事。
如果以盡快調走佢，絕對係HT及玩家之福。

freelander77777

如果佢哋要咁概㦝度我，首先我會同排緊隊慨ching講聲對唔住，跟住我會同DHT staff講，我會至少開十盒嚟睇，直至佢哋D好返!

奇異光芒

而家上去拎，希望冇事發生:55:

firefire

今次係小弟首次係TD 12" 開POST,之前幾年一直做CD ROM,由第一隻DX01開此中毒,玩左幾年,自問入得好少,唔係最 ...
KidultSkywalker 發表於 26/10/2012 16:47

"係咪爛面暗瘡女!?個個7+1婆d態度好差~~我都中過幾次蕉~~ "

哦..........5呎2果個爛面售貨員使鬼理佢咩！ 如果係叻就唔使係度做個售貨員啦。

唔係，應該係倉務員而唔係售貨員，因為佢地根本無咁嘅技能去售貨。只係收吓錢、對吓單、執吓貨、搬搬抬抬，根本同倉務員無分別！做呢D咁嘅無技術性嘅工作，根本唔需要任何技能，全部都係D手板眼見功夫！

以前我都好客氣，甚至比佢HUP返我轉頭，但係我而家唔會再咁好相遇！你客氣我咪客氣囉！你黑我面、寸我；我一定還以顏色！講真應該係我地黑佢面、比氣佢受，唔係掉返轉！而家我係消費者，我係買玩具，唔係嚟受D服務員氣！ 你根本唔使同佢客氣！

good886

點解到今日為止, ht都係咁....?
成間舖好似一班小學雞, 您唔肯換比客就算, 但吋d客去錯其他舖, 真係好撩交打.........

ht, 您的產品進步了, 但門市幾時可以成熟一點..............:?