本帖最後由 天威勇士 於 29-1-2011 03:49 AM 編輯
我都覺而家玩玩具同細個時既方式同心態唔同左:
1)唔知係咪因為而家D玩具太貴(第一次聽到有玩具要賣成4個位真係打左個凸),所以比以前更愛惜,不過係愛惜到連開都唔捨得開(可能裡面係白粉我都唔知.........=.=)玩完會好完整PACK返入箱;唔同以前成堆扔落個膠箱刮到花晒都唔心痛
2)以前可能因為冇得上網,唔知有咩玩具會出,所以唔會有咩期待有咩將會出,只係有乜出就食乜;而且都唔會專登去D玩具集中地格價;唔似得而家咁,大家都知道幾時出,都爭相搶購,又要格價又要驚俾人買晒,遲黎O個D就捱炒價
3)不過更吹脹係,真係唔知幾時發生-----有D商品以為佢好受歡迎,驚到時可能好少街貨,所以就訂左;但街貨一出你就DUM心.......(會話早知就唔XXXXXX啦);有D你以為佢好多貨,又唔訂又要慢慢格價,點知街貨少到冇得再平,竟然反彈變炒價,到時又會話早知就XXXXXX啦.....
4)不過有一樣野"好"既係,而家D玩具比較有多D途徑放返出去,好彩既可以原價/比原價低少少賣返出,網拍/商店收購/寄賣都有,唔似得以前咁,玩厭左既玩具除左俾親戚之外就係扔..... |