|
|
|
似乎因為星戰唔是大路嘢,上一post反響嘛嘛(考慮放棄中....)不過喺尚未退熱,就打鐵襯熱,寫多篇啦....
Plo koon,12絕地長老之一,由EP1一直到EP3都有佢既戲份,而且從官方實力排行黎講,佢既實力在Anakin之前添.Plo(以下簡稱)是多林星(Dorin)的科爾多(Kel Dor)人,原力喺其家族一直都強大咁延續住,而佢喺出世之時就已經被確認為家族中絕地既傳人.因為其生理問題所以需要是氧氣既環境中戴住護鏡已經抗氧既面具.作為一個多林人,Plo擁有住高度髮達既超感覺力器官,能夠幫助其絕地特質錦上添花.同佢亦擁有異于一般外星人既體質,可以於真空環境中短暫暴露,呢個喺目前播放中既the clone wars動畫第2集中有具體表現.....佢和绝地大师Qui-Gon Jinn(Obi-wan既師傅)共事多年，两人有過並肩战斗既經歷.Plo希望睇到好友进入绝地議會，但Qui-Gon標新立異既观点阻碍左其躍昇.
同其他大多数绝地相比，Plo更加勇敢好戰。科爾多人以在道德問题上非黑即白、明辨是非而享有盛誉.作为其中一员，Plo經常在沉思片刻後就做出決斷.这种主动在斯塔克超空間大戰（the Stark Hyperspace Wars）期间使其獲益良多.果陣佢喺一位伟大既绝地大师阵亡後肩負起共和国既大旗.Plo令士气低落低落既部隊重振旗鼓，取得左奇迹般既勝利.
另外 最新動畫中既主角之一既Ahsoka Tano就是Plo於其嬰兒時帶囬絕地學院收養,并將其當成绝地幼徒開始訓練.两人維持左多年既亲密友情，佢地經常互致“koh-to-ya”——科爾多人热情的問候語. 而動畫第2集中,亦有兩人既關繫更多刻畫......
clone war期間,佢晉昇為絕地將軍,並統領clone大軍經歷一個又一個戰場與戰役,其待自己部下既clone軍就好似自己兄弟咁,就算犧牲自我都要令處于危險中既部下逃離.但諷刺既是,就是呢班其象兄弟般對待既部下,最後成為殺佢既人.Plo死於黑帝頒佈既66號指令,被身後既僚機擊落於內莫伊迪亞城市中 (Neimoidian city)......
最後不妨講講佢個名既由來.喺EP1果陣,電影既實景生物傚果總監Nick Dudman講到其团隊建立既绝地長老會角色時講到：“我决定其中一个長老叫Plonkoon，因為我们在我個仔1岁前是咁叫佢。于是我寫下Plonkoon呢個名.導演Lucas睇後刪左個‘n’，于是Plo Koon这个名字就咁誕生喇！”
介紹完呢位大師後,再睇返佢既3.75(12吋照貫例本人無視).佢既3.75出得唔多,因為本身唔是搞人氣要角,版本亦少,以下具體講講幾個版本,當然唔會全部都有,不過萬變不離其中就是喇.....
下邊是EP1版,基本可以定義為不可動....但相對完成度較高.註意佢把劍既光刃是黃色既,因為EP1佢根本就沒亮過佢把劍,所以呢個我個人定義為應該是根據之後既漫畫中既設計做.
EP2版,相對號左d既可動性,但都是屬于定型款式.不過我一直都覺得EP2繫列是3.75史上無論做工定造型都是最好既一個繫列,之後雖然可動關鍵改進,但做工面相,膠質都不同程度地下降.
EP3版,關節基本全可動,面相因為是異星人,一般都有保證就是喇.另外Ep3版大部分大師把劍都可以跟返原作掛喺腰間(玩具是插....).呢個版是沒袍既,件袍是自己整既,當然唔是女人,手藝過得去就算喇.同埋後期孩記翻炒冷飯,呢個版本都佩左件袍,但同電影既設計是唔同既,Plo既絕地袍是別樹一格既設計,于是自己根據返設定搵佈自己手縫左件(就是因為咁先同阿媽學針綫......)
今年動畫版,雖然膝關節沒左,但完成度好高,今個月新入既3.75入邊既最愛.
頂帽可以通過換件穿戴.(至于光劍傚果...趕工之作,沒以前整得咁好就是喇:73: )
雙臂既關節反而一d都唔差.....
今次有4把劍,除左兩把專用劍外(好似佢沒咁多把劍...)仲有當年EP3棄用既原稿設計裝喺手臂上既雙劍頭裝置.(講真,都唔知點稱呼好)
下圖為EP3既原畫設定集中既設定稿....估唔到呢個設計會喺動畫版中重生(話說呢種書真是好貴下....不過資料真是一流)
呢種武器暫時未見於動畫中出現,不過有成100集,實有機會既.....呢個版亦是目前個人最中意既3.75Plo Koon.
後記:本來都幾有興趣繼續寫類似既人物玩具介紹....可惜星戰玩具始終唔是主流玩具,反響真是好一般,所以真是唔多有動力繼續落去.....希望今次出post後,反響好dd啦...否則真是有排都唔多會繼續喇......:55:
另外最後延伸閱讀下佢死之前一直使用既飛船....當時漏左,大家可以睇返我既舊post:http://hk.myblog.yahoo.com/busbook99/article?mid=366 :77: |
|
發表於 27-11-2008 01:13:30
樓主
發表於 27-11-2008 03:33:50
