Pose+ Metal 系列新品 集中區

bigbigfriend

見有些師兄說Pose+縮骨、賺到盡，但我不認為是這樣，如果是賺到盡，Dividing driver個橙色柄都唔會比多個你，今次事件感覺是廠方和玩家所追求的有落差，廠方的目標只為了要完成SGGG，完成後GGG的背翼是沒必要的，但廠方未預計到玩家所追求的是完整性，一部機還一部機，要人家share部件不能同時擁有兩部飛機是很大缺失，此點是廠方未有考慮或未想到玩家反應會這麼大……

根本英俊

ToyKnife 發表於 7-9-2023 08:59 AM
師兄，「洗白」意思係事後為自己或為其他人想像、創作藉口。把本來不好，不道德的事件或人物，經過某些扭 ...

我唔識日文, 我睇得明係中文, POST+係香港公司! 講完! 妳要洗白洗夠佢!

nimiao

獅毛手臂從古到今都係包埋喺 本體 入邊嘅  pose+咁勁抽自己從新定義？

猴樂團

fallout8 發表於 8-9-2023 08:06 AM
賣三千幾連電池都唔跟係唔係另一樣要鬧既地方？

電可以自己買，對手同毛有冇人殺肉賣？

gamelife

其實唔洗訂得都, 而家好多玩具都跌價, 等現貨先買最穩陣.

有人話只要個鎚仔, 有人又話好多配件垃圾, 有人又話應該跟埋獅毛手臂, 百貨應百客, 不如出晒現貨睇埋開箱視頻覺得滿意先買

花錢花得實在, 唔好成日諗住省戈少少訂價錢, 睇見都肉酸

ToyKnife

根本英俊 發表於 8-9-2023 10:19 AM
我唔識日文, 我睇得明係中文, POST+係香港公司! 講完! 妳要洗白洗夠佢!

洗咩白，呢個時代一堆人云亦云的。我係既得利益者先需要幫佢洗白。咁我成日讚CCS同千記，我係唔係又係同佢哋有關？

講多次，純粹係事實同理據，做玩家，做成年人，有自己嘅責任。我只見到一堆孩子討糖，所謂理據淨係得「我覺得，應該，Bandai都包」呢啲yelling, just yell。洗白？你要討糖成功，我教埋你點樣處理：如果你覺得要包含雙手、鬃毛和新頭係好合理，你用「商品說明條例」，報海關，引述推出和招訂時的「商品內容」，已清晰提及的「stealth GAO II 本體」，而「本體」係應該包括雙手、鬃毛和新頭，加返「大眾」對stealth GAO II 嘅理解sample and reference，用呢個point去打。我可以話你知， 咁樣多數work，告唔入佢都有排煩。真係咁上心，就Take action，唔好淨係圍爐，不停「我覺得，應該，Bandai都包」。祝你成功。
After that, just skip and don't pre-order or buy this Fxxking Pose+ again, cool?

nok031059

明明人地講緊間廠，自己又要衝入黎話係玩家問題，俾其他人駁兩句就話人地孩子討糖，咁你自己唔好覆POST囉

MMB

事實就係明明佢有大把機會同時間去講清楚拆件呢個問題，佢片都拍過幾次，但就係冇清楚咁話要用舊件，前面已經有師兄提過common sense入面stealth gao II係應該有齊毛、頭同手臂，設定亦都係咁，甚至佢有啲官圖根本帶有明顯誤導性，我認為呢啲唔係一句唔清唔楚嘅日文就可以將責任推卸落玩家度，然後blame the victim話人哋冇睇清楚

MMB

我同意佢嘅design係好好，個槌淨係睇片都覺得正，但一件事歸一件事，design再好都唔能夠無視佢呢種誤導性嘅銷售手法，如果佢喺開訂前已經講清楚明買明賣，我相信大家都唔會反應咁大，至多話佢孤寒。佢呢家咁搞，原本架Stealth Gao II我打算配白獅合體display（我就係因為咁先訂白獅），Gaogaigar 就淨係配個槌，佢呢家搞到部飛機變剩件，我相信唔少玩家都感覺好差。最後就係，討論區本身就係俾大家抒發己見，唔去報海關都係因為唔少人其實係恨鐵不成鋼，我哋嘈只係希望廠商可以知道佢哋嘅做法唔好，想佢改善，唔代表我哋想整死佢

ToyKnife

nok031059 發表於 8-9-2023 02:12 PM
明明人地講緊間廠，自己又要衝入黎話係玩家問題，俾其他人駁兩句就話人地孩子討糖，咁你自己唔好覆POST囉 ...

Logic：其實師兄你唔係都俾我駁兩句就話我洗白咩？不過除咗「我覺得、應該要」，你有咩建樹。

唔係討糖？咁你提議咗咩？無？fine，我企埋你哋嗰邊諗，方法都俾埋你，take咗action未？唔報海關都可以報消委會，Simply tell me what have you done and what are you planning to do now

ToyKnife

MMB 發表於 8-9-2023 04:32 PM
我同意佢嘅design係好好，個槌淨係睇片都覺得正，但一件事歸一件事，design再好都唔能夠無視佢呢種誤導性嘅 ...

師兄你呢種的確係恨鐵不成鋼嘅留言，如「原本架Stealth Gao II我打算配白獅合體display（我就係因為咁先訂白獅），Gaogaigar 就淨係配個槌，佢呢家搞到部飛機變剩件，我相信唔少玩家都感覺好差。」，very make sense。而上面都有師兄提出， 呢種就係因為POSE+同玩家Planning同預期嘅落差造成。

不過你睇返唔係每一個人都係理性，好多都係潑婦罵街，唔係分析件事，企圖將玩具商立刻定位為「奸商、垃圾、冇良心企業、刻意隱瞞」等等，同想整死佢冇分別，而目的無他，只係想攞自己「認為」應得嘅嘢。

我覺得比較理性嘅人，會明白個分別。

gamelife

ToyKnife 發表於 8-9-2023 06:12 PM
師兄你呢種的確係恨鐵不成鋼嘅留言，如「原本架Stealth Gao II我打算配白獅合體display（我就係因為咁先訂 ...

買玩具求開心, 我建議大家都唔好再訂玩具, 等現貨開箱片好過, 而家訂玩具已經沒咩優勢, 叫做保下原廠訂價而已. 但好似戈D人要求同期望咁, 買返來都一肚氣, 我覺得佢地都辛苦.

呢隻3G展現什麼魅力相信不用多說, 來緊pose+所有產品都可以買現貨, 免得一肚氣, 什麼超龍神阿, 三一萬能俠呢D......

hinaoi

gamelife 發表於 8-9-2023 11:20 PM
買玩具求開心, 我建議大家都唔好再訂玩具, 等現貨開箱片好過, 而家訂玩具已經沒咩優勢, 叫做保下原廠訂價 ...

講得啱，即係呢一隻係睇到佢設計上嘅心思，當時之所以會訂都係想支持下本地品牌，不過今次一來唔齊零件，二來唔講得清清楚楚嘅做法，加上延期冇極限又唔交待，種種加埋真係對佢開始產生咗d失望感，而且我仲遇到goldy前後抬腿偏鬆嘅問題
當然唔會因此blacklist佢，出得好嘅都會買，但就未必會再第一時間諗都唔諗就衝去訂，應該會等現貨
其實我有訂佢隻宇宙戰士，而家唔求d乜，就只求呢隻冇晒聲氣嘅可以快快脆脆出埋佢，唔好變咗有生之年系列，同埋唔該出嚟交待一下進度，唔好再扮睇唔到fans留言唔回覆

gamelife

hinaoi 發表於 9-9-2023 01:02 AM
講得啱，即係呢一隻係睇到佢設計上嘅心思，當時之所以會訂都係想支持下本地品牌，不過今次一來唔齊零件， ...

其實是現在所有玩具都可以不用訂的, 對比省戈少少錢, 不如真金白銀買一隻自己覺得值的

訂價3千5左右配件包, 等現貨就算升到4千~4千5不等, 但人人開箱都話讚, 咁就買LO.

但自己睇晒人地開箱片, 覺得唔值, 就可以唔洗買.

講到尾就係又要驚玩具貴, 自己買貴左好唔抵, 但買玩具本身呢個行為就是買奢侈品. 呢個狀況是適用所有玩具品牌, 一般買開玩具班人沒10年都8載啦, 洗驚沒得玩咩

呢2~3年都有不少品牌玩具出狀況啦, 斷頭斷臂爆膠白化樣樣齊.

難聽D講鐘意炒下炒下班友先最驚青慢人地半拍入手姐

最後想講官網最後3張圖展示有什麼內容物, 人地真係沒顯示有獅毛和手臂, 唔知大家嘈D咩. 可能大家認為最新戈張合照有就以為有LO. 但講真訂貨時期已經過左, 大家訂戈刻都係望住戈3張圖睇訂邊一種姐. 唔係仲有得嘈阿?

https://poseplus.net/blogs/produ ... 3%83%83%E3%83%88-br

hinaoi

gamelife 發表於 9-9-2023 01:35 AM
其實是現在所有玩具都可以不用訂的, 對比省戈少少錢, 不如真金白銀買一隻自己覺得值的

訂價3千5左右配件 ...

真呀，垃圾threezero斷空我就係一個例子

不過話晒係奢侈品，收到貨有落差我覺得鬧下又冇乜問題嘅，真正覺得會因爲有人鬧幾句就被影響到嘅只有死忠嘅信仰心姐

而且近年好多玩評都唔係中肯地寫，尤其可以收到試模有得優先試玩嘅youtuber

最後啱啱醒起，就講一個最近發生嘅事件例子:
變形金剛第三方有一間名爲newage嘅品牌，佢哋啱啱出嘅其中一隻異色版本作品本來係唔包原色支鎗，但拍其中一樣宣傳圖時搞錯咗放埋入去影，到出貨後先發現呢個問題，雖然最後都冇補比買咗呢隻異色版嘅買家們，但起碼有出番po解釋番同道歉，所以最後大家都冇爲難佢哋，有交帶其實真係好重要