Pose+ Metal 系列新品 集中區

肉餅

當時開訂，我睇視頻後，訂咗普通set
1、當時LU大有講過，其實縱觀歷史上哩睇翻GGG，都係錘仔+飛機2總價係會貴過勇者王本體噶。所以當時我係buy噶，確實如此何必強求；
2、當時也都有講，如果分開出，會造成更大噶開發負擔，可能最後個價仲貴過pack埋一起，我聽完也都buy，雖然好多師兄都話其實只要錘仔唔要飛機2，但我覺得無所謂，支持下；
3、發光組件同新組件可以分開賣，我都覺得幾人性化，唔係個個玩家都中意屋企擺個大陣，仲要著埋燈。所以我自己本人睇住左個荷包就無買。但的確我覺得設計得係唔錯噶。雖然好似安裝複雜咗D，但我見啊Fred對住鏡頭裝都好順，咁其實我地實際玩家會更順手。
BUT！！！裡度要講男人最唔中意噶一個詞，BUT！！！
1、如果我無記錯，P+是歷史上首個比唔齊件噶廠，縮骨如萬代都唔夠膽扣起飛機2噶零件，但P+卻夠膽且做到了；
2、果一句日文笨唔係無敵光線，寫一句上面就可以完美推曬D責任，首先，我地玩家“從來”無見過有一個廠係扣起飛機2組件，裡句話自然就會覺得：要變SGGG，自然要穩翻舊GGG的獅子-鑽頭-新幹線，最後加上今次噶SET，進行最終融合。我覺得裡個諗法，係只要有了解過哩個brand噶師兄都會第一時間諗到噶結果。而唔係而家咁樣噶情況咯。
     其次，我都覺得，大多師兄都會展示1個SGGG噶者，其實部飛機1確實就算比齊，最後又唔係個廢件。但有無比齊同玩文字遊戲係好大分別，遲到唔緊要，千值練早令我習慣失戀，唔係，習慣delay。但前前後後成年了，到最後一個moment先講原來只有0.8，邊個都唔順啦。點解你唔一早講？（如果文字遊戲噶話，就會答翻：咁你又無問，點解要我講？）
3、就算白獅子比翻，又如何？即係老屈玩家再買多只白獅？問題我自己本人根本就唔中意白獅。
4、最後睇翻轉頭，本來只飛機2就已經有玩家唔想買，當時已經有人話點解唔單出，而家仲要少件，甚至乎要人買白獅先得。裡個商法就有點過分了。結合翻上面LU的開發思路，就會覺得非常諷刺，既然你都少件了，咁你早講呀，絕對100%全部玩家會傾向你單買！
講完。玩具我會照買，但唔滿就梗噶啦。

hinaoi

我真係好怕嗰d為撐而撐嘅ching，永遠到最尾都係放一句好似懶有道理嘅"xxx都係為開心姐，xxx得唔開心有乜謂？"
喂大佬呀，而家唔係hater為鬧而鬧喎，間公司或者件貨冇做好，有怨言都好合理謝下話？唔通你去間餐廳食飯，佢比碟熟都未煮熟嘅嘢你，你都可以話"出嚟食飯都係為咗飽肚姐，唔緊要啦"，咁樣呀？

我自己係P+ fans黎，雖然未到死忠級咁一定要買齊，只會買中意嘅角色，好似隻天威我而家都仲好嬲自己當年唔識貨錯過咗. 而呢set我係訂最貴嗰個版本嘅甚至好似上次ko事件咁，我一定係支持P+ 反對ko嘅，有fd講過句撐嗰隻ko嘅說話，我真係鬧個fd嘅。
但我都覺得P+今次真係爭唔落，
第一delay同時又唔update日期，哪怕只係大概都好吖，冇嘅，亦唔覆fans留言
第二件作品唔完全唔一早講明，有誤導之嫌
呢壇嘢點都兜唔到嫁喎

有d ching可能好大方嘅，世間萬事萬物你都唔介意嘅，ok冇問題，但我哋大部分人都只係凡夫俗子黎嫁姐，大師你嗰套留番比你自己，我哋未有能力做到

tsang_20190721

平心而論, DELAY 我都可以忍, 但唔跟原著去俾齊配件, 呢樣我真係接受唔到, 下下都要拆舊件, 咪玩喇!

PS : 白獅係我最後一次買 POSE+ 的產品, 以後再有心議產品, 我都唔一定會追!

kennethli

跌錢事少, 陰影事大, 你叫咁多位玩家fans 以後仲邊夠脆一公佈就訂, 點估到你會玩抽件咁刁鑽啫...

係呀, 我係唔識日文亦都無睇到佢行細字, 但係有一樣野叫Command sense , 大家都知SGGG合體一定要有GGG, 呢個係定律, 同大家預左Stealth GAO 有頭有獅毛有手, Stealth Gao II應該有埋, 佢咁出法, 不如佢只係出左右二個engine, 玩家自己換啦, 仲平D, 仲為玩家著想, 又唔會浪廢左隻Stealth Gao.

為玩家著想唔係應該企係玩家角度諗咩? 例子: 我而家想玩玩下由GGG 變就SGGG, 點知拎部stealth gao ii出來就少左parts , 咁真係會覺得好玩咩??

tsang_20190721

又睇下佢今次會否無視買家意願?


我個人覺得佢會無視

nok031059

tsang_20190721 發表於 7-9-2023 04:42 PM
又睇下佢今次會否無視買家意願?

無視.....都好明顯啦(歡迎廠家出黎打我臉)
仲講超龍神喎....到時會唔會冰龍炎龍變形零件要另外買?
見過鬼怕黑

tsang_20190721

今晚返去幫隻勇者王拍寫真, 之後連埋 DX PACK 攞去放, 放唔到就自己收藏算喇

fallout8

老老豆豆，就算佢地肯補鑊補返d件俾買家都幾難攪，上次MB紅龍錯件係魂限賣，有曬地址可寄返補件俾買家，依家派曬d貨俾舖頭或海外，唔知佢哋點收科...

nok031059

fallout8 發表於 7-9-2023 05:58 PM
老老豆豆，就算佢地肯補鑊補返d件俾買家都幾難攪，上次MB紅龍錯件係魂限賣，有曬地址可寄返補件俾買家，依 ...

上次奸笑就話你影低個盒本身會寄補件俾你
依家P+喎, 我都幾無信心佢地會跟進

mpp025

我諗P+今次又龜縮啦，delay事情，基本上唔使錢佢都唔理，唔回應，有人留言都一直唔回應，當睇唔到，幾冇責任心，今次要錢解決再跟進，佢更加冇動力回應跟進啦，本來我一直支持佢，見佢香港本地人設計，自己人，佢全部產品我都有買，佢當年新出品牌，我特登去會場支持佢，撐一下人氣，也打算俾佢賺多啲，就算明知定價佢公司會場同會場外其他店舖一樣，而且記得當時是要full pay，我都到會場買，盡量出一分力，等佢可以賺多啲，日後公司較容易運行，而家！？佢開始有啲名氣，就高傲到咁，做事差到咁，冇責任心，佢咁做，做好香港品牌就冇，做衰就有佢份
以前，佢在舊公司時都會到依度，發表佢新產品發貨前嘅介紹，大家都可以同佢溝通到，而家，已經好耐都冇，簡直閉門造車
而家真係有種，芳心錯付嘅感覺

mpp025

話說回來，我都希望依個post能分開番，銀河烈風，就銀河烈風，戰國魔神，就戰國魔神

Vince

之後如果 POSE＋ 再有新品消息會同時係 d 到 post 及 開一個新 post。

NelCHK

勇者王我都只係派貨時先留電話等第二、三批
好彩今次都係。。。

hinaoi

鬧完間公司嘅公關同處事手法啦，講番件玩具
靚，真心靚同有型，我未出去買電池 (其實我好怕而家d玩具成日用埋d古怪型號嘅電池) ，未試燈効住，但已經好霸氣
不過都係有d問題可以提出比未入手嘅師兄參考下先

可能我隻GGG已經有d時日掛？Gaigar下身齒輪關節嘅隠定性唔算太穩陣，同埋本身就有虛位，配舊Stealth Gao冇問題嘅，但新Stealth Gao比舊嘅大隻咗，導致會有少少搖晃嘅感覺
如果會裝埋黃金槌display，建議一定要用埋地台

另外講起黃金槌，唔知係唔係我中獎，我隻Goldy嘅前後踢關節都幾鬆下

fallout8

hinaoi 發表於 8-9-2023 07:47 AM
鬧完間公司嘅公關同處事手法啦，講番件玩具
靚，真心靚同有型，我未出去買電池 (其實我好怕而家d玩具成日用 ...

賣三千幾連電池都唔跟係唔係另一樣要鬧既地方？