現今玩具店售賣服務

Qogo

話說我早前係XX1扭訂咗隻金毛獅王, 攞貨時(收到電話2日後拎貨)個店員(得3盒)比我揀, 比到錢時, 居然入埋袋唔比CHECK貨,一再要求下都唔比,話有問題番黎換,咁唯有拎貨就走。番到屋一拆開雪梨紙, X街! 一邊盒角鄒到就快爛, 番去同1扭店員講換貨, 條粉人話盒有事唔換, 一時又話無貨, 一時又話問老細,個店員態度簡直西到無人有, 我就知呢千幾蚊已買咗教訓跌咗了。

計埋呢單野, 我己經唔只一次比XX1扭比有問題貨我, 呢間野舊果班店員走晒,新請果班個個都好求其同西口西面, 問野發老皮, 又成日放流料, 簡直影衰玩具零售業。

各位CHING訂貨千祈唔好貪平幾十又或貪近去幫襯呢間黑店, 去LV買條千幾蚊皮帶都有得CHECK啦, 打呢篇野時, 我留咗電話比呢間西野近3個星期都無回音,我呢世都唔會再幫襯呢間黑店, 而今日主角係我, 他日會唔會係你不得而知, 希望各位玩具收藏者都可以正視呢個問題, 唔好再幫襯呢間黑店

Panzer

打手味非常濃......

yugi

又一個玩盒:38:.............

SimonC

又一個見習生既打手:38:

brian_ctw

講真你比千幾蚊，佢唔比CHECK貨我真係唔係好信！
佢唔比CHECK貨，你都比左錢你咪即時開來睇羅，有乜都可即時換！
如果你唔係打手，就真係一個字“蠢”

taifat1975

比完錢在門囗拿出來看都可以, 有問題在門囗大大聲向店員說出問題, 是否比起在這裡死無對証好?

小櫻

小櫻响果樹買嘢... 雖然未必次次都可以開盒Check... 但撕走將雪梨紙Check盒有無崩同爛係可以過喎...

既然樓主咁都話黑店... 建議閣下以後幫襯玩具反斗城買啦...

小櫻上

takeshi

打手味非常濃......
Panzer 發表於 17-6-2014 06:44 AM

打手味非常濃X2...

takeshi

話說我早前係XX1扭訂咗隻金毛獅王, 攞貨時(收到電話2日後拎貨)個店員(得3盒)比我揀, 比到錢時, ...
Qogo 發表於 17-6-2014 03:16 AM

我係1扭買甘耐野你要check盒一定比你check~~你甘緊張個盒...入左袋你吾識即刻拎返出來check咩.....你文章內容邏輯不通，返去重作!!

FANGJOKER

一扭開業日子不短, 是否值得幫襯各人心中早有定論, 這編文章無論真假也不會改變什麼:38:

bbq1120

原文:
話說我早前係XX1扭訂咗隻金毛獅王, 攞貨時(收到電話2日後拎貨)個店員(得3盒)比我揀, 比到錢時, 居然入埋袋唔比CHECK貨,一再要求下都唔比,話有問題番黎換,咁唯有拎貨就走。番到屋一拆開雪梨紙, X街! 一邊盒角鄒到就快爛, 番去同1扭店員講換貨, 條粉人話盒有事唔換, 一時又話無貨, 一時又話問老細,個店員態度簡直西到無人有, 我就知呢千幾蚊已買咗教訓跌咗了。

計埋呢單野, 我己經唔只一次比XX1扭比有問題貨我, 呢間野舊果班店員走晒,新請果班個個都好求其同西口西面, 問野發老皮, 又成日放流料, 簡直影衰玩具零售業。

各位CHING訂貨千祈唔好貪平幾十又或貪近去幫襯呢間黑店, 去LV買條千幾蚊皮帶都有得CHECK啦, 打呢篇野時, 我留咗電話比呢間西野近3個星期都無回音,我呢世都唔會再幫襯呢間黑店, 而今日主角係我, 他日會唔會係你不得而知, 希望各位玩具收藏者都可以正視呢個問題, 唔好再幫襯呢間黑店

[攞貨時(收到電話2日後拎貨)個店員(得3盒)比我揀]
樓主響收到電話兩日後去攞,都重有3盒揀,其實算唔錯了,正常做生意,有50個人落訂加門口賣我諗都係入60-70隻吧?你知金毛有幾大盒架啦...

[比到錢時, 居然入埋袋唔比CHECK貨]
字面睇,你未比錢,如果你開左又揀過,果盒邊個要?
比左錢,你慢慢CHECK都得啦...

[番到屋一拆開雪梨紙, X街! 一邊盒角鄒到就快爛]
先講1.(拆開雪梨紙),雪梨紙都未拆,佢都唔會知盒角有事架?
再講2.[個店員(得3盒)比我揀],係你自己揀的...


[條粉人話盒有事唔換]
你伴侶話你件衫鄒左要同你分手,你又有乜感受?

PS:我間間玩具店都會去買野,唔會去死一間,不是打手,只係想樓主將心比己,有乜得罪,多多包函:64:

ben167

買開姑仔從未中過招⋯而且只係盒有問題就話人黑店，玩玩具定玩盒呀∼

Qogo

其實我知道孤仔有一班打手長期喺呢度打野, 我亦唔知點解出POST講現實情況會比人話打手, Whatever, 人各有志, 我亦唔會介意你哋部分人點諗, 但記住睇清楚至好回覆。 首先, 我唔會傻到喺個商場地下開盒表演真人SHOW, 而我講緊既係新果班店員, 無論邊間孤仔要開盒一定叫番屋企CHECK, 細盒既你企喺度驗1日屍都無人會嘈, 但大盒既而定佢實叫你番屋企CHECK, 我舊時長期幫襯就無呢個問題, 比咗錢實開埋盒睇,盒15機部分件我換咗3至4次添。
而我亦相信好多人諗法神奇, 鐘意幸災樂禍, 我只係將我既經過打出黎, 無心想同呢啲人嘈, 而我諗無人會想用一個正價去訂一盒爛盒既玩具叫正常, Takeshi 咁你下次好心幫吓啲玩具舖要晒啲爛盒貨啦

djdavid

真估唔到咁一面倒!  都有可能係孤仔有心人裝冇心人呢!

kyostanley

原本平時都唔會回應呢d 店舖的post, 但真係忍唔住...
呀樓主大爺, 你話人之前諗清楚少少先好唔好?! 你一開波已經話人地得返3盒都俾左你揀, 你自己3盒揀一盒都睇唔清楚, 揀左一盒個盒角凹左拎去俾錢仲可以怪得咩人?! 裡面d件check唔到都話吖, 個盒都睇唔到就一定唔係店員問題lor,
仲要話千幾蚊已買左教訓?! 即係話原來你係諗住拎千幾蚊去買個靚盒?! 咁唔該裡面d野唔好浪費, 送左出黎, 一定有人搵個靚盒俾你同你換裡面件貨..