本帖最後由 不肖生 於 17-4-2014 12:46 AM 編輯
回復 115# kenworld
無咩好驚訝嘅,有啲嘢順眼就係順眼架啦~
你嘅第一點嚟講,個人好同意.雖然我睇佢唔係膠皮,似係直接燙上去藍色布上面.
但無論邊種都係唔跟原作質感同做法.
我自己嚟講都好失望,最初以為套戲今次用咗類似質感嘅物料,但畀人提醒去睇預告就即刻熱情冷卻.
好顯係誠意同製作難度上係比唔上舊版嗰隻.
第二點我覺得好正路喎~首先個男演員本身無叫座力.
而且蜘蛛俠本身就好受歡迎,唔同Ironman美國隊長之類,未拍電影之前好多人根本唔理會嘅類別.
所以唔會有好烈嘅移情作用將真人同角色連繫一齊,而最緊要好多人有移情作用嗰個係舊版嘅杜比仔.
第三點嚟講我覺得唔可以咁計.當然靚頭雕難求,所以大家直覺覺得頭雕好似值錢啲.
但講真,最近好多廠自家出嘅衣服或者配件套裝都係三百蚊起跳.
HT原裝頭,好多時都係BID到三百前後.咁計的話只係算同價.
再加上個獨立賣二舊嘅蛇管地台(值唔值另計)收貴咗一舊水對大家嚟講唔算好難接受,
至少比起部份完全無多到配件/或者少咗配件,甚至大量件重用但都擺明居馬加價嘅(如:洛基)
呢隻貴咗少少真係唔多足以構成令人劣評嘅條件.
再加上呢個造型可以話係最最最接近漫畫設定嘅一次,比舊版三部曲更加漫畫風格,
係開正好多蜘蛛俠FANS嗰瓣,基本上只要無大過失,有正面回應一啲都唔奇怪.
P.S.唔係為駁咀而回,都唔係覺HT今次開個價同畀嘅配件令我好滿足.只係單純就你話[好suprised]呢樣嘢討論吓 |