|
|
|
本帖最後由 boyosc 於 19-7-2013 10:47 AM 編輯
奇蹟合金機甲艦隊十五機合體的里程碑
第一當然係香港本土取正版權出重新設計超合金
(嚴格黎講第一隻應該係鴻興的黃金俠,不過佢出個隻似舊版放大多過重新設計,辜且不計)
第二係合體超合金竟然可以可動得咁勁! 以可動幅度, 實在超過哂大形合體的合金魂了
宇宙大帝同大王者下半身加上用左齒輪關節,好多位只得一格,兩格郁動,唔用齒輪關節的位又未必夠實
但機甲艦隊做到唔用齒輪關節都可以好實的示範, 表示笨大無可能做唔到,
只係設計者可能覺得大形合體, 郁到呢個地步已經夠而無做盡佢
想擺同樣有型pose? 大帝做盡都係咁
可能宇宙大帝同大王者遷就合體而真係有好多位不能太大幅度,但獅王機械人呢?
小腿係架超大的飛機分兩半而成,裝上獅王的腳黎合體
呢隻應該可以做到膝可動至90度, 但笨大以保持外形為上, 令膝關節只餘一格齒輪關節的屈曲,
腳腕關節的可動幅度亦不算大, 睇黎真係想大家擺到個有形企下的pose就算
隻獅子短到無倫,重要無腰; 其實做長D就夠位加番腰關節, 腳就更加令人火大, 腳踝可動比大帝更不濟
一隻香港的本土合金敢把可動做到呢個地步又賣得好(算係?), 證明左合金玩家對可動係有要求,
只係之前笨大一家獨大(cm個D,算把啦), 佢咁做玩家係無奈接受;
以後笨大出合金, 大家自然會拿可動與機甲艦隊比一比, 到時笨大會依然故我,
定係要令合金一哥之名實至名歸而在可動加添心思? 真係要睇過至知
第三係做左一個示範, 顯示左以目前市場可接受的價格及數量, 本土買版權出超合金係可行的
(起碼唔係蝕硬,只要安排得宜--搵老細,搞預訂,及一堆由miracle production解決左的兼顧合體及郁動關節的技術問題,
應該可達成夢想而又可以賺個錢繼續下一個夢)
香港有錢人唔係無, 睇日本卡通大亦大把, miracle production做左先峰, 相信必定再有其他廠躍躍欲試
(其實toynami隻百獸王合金都係香港公司設計同生產, 只不過係OEM形式, 唔出自己名, 同埋唔駛揹任何風險)
所以我覺得一定陸繼有黎, 版權落左入日本以外國家的卡通都唔少(或者雙方都有版權,不過分左地區),
香港人有技術, 有金錢, 只要個件貨知名度夠, 預計到有market, 要出唔係無可能!
右膝伸唔直簡單解決
有呢件本土合金的ching們,有無發現佢右膝係比左膝差一格屈唔直?
左邊無問題,直筆甩
右邊明顯下垂
泊埋比較一目瞭然, 同埋合體做sea team時唔對稱一定覺
泊埋一睇,就知原來右膝個關節俾用黎變艇時遮醜個塊掩頂住
 
唔係設計問題,亦無須走去換件(有人試過無得換,皆因隻隻係咁)
解決方法原來係好簡單, 首先屈返膝頭出黎,唔好頂實塊掩
把塊掩向裡面推盡,另外屈膝時,要把小腿機機面向下,利用地心吸力把塊掩吸向貼近機面就可以!
搞掂, 可屈到直哂, 兩隻平衡返, 完全無事啦!
 
如用呢個方法都唔得, 就要用界刀削平塊掩凸出來的邊, 再唔得再削平少少,咁就一定得架啦! happy combining!
|
|
發表於 19-7-2013 10:25:01
樓主
發表於 19-7-2013 18:17:23
