Toybiz / Hasbro 討論

Devil_Fudou · 發表於 16-10-2012 19:14:59

本帖最後由 Devil_Fudou 於 16-10-2012 06:21 AM 編輯

承接呢個post既討論: http://www.toysdaily.com/discuz/ ... =6542646&fromuid=27

其實呢個話題係TD呢度已經講過好多好多好多次................

你地一味話以前點好點好，話而家點差點差
一味話Toybiz點好，點正，點平，Hasbro點唔好，點呃錢，點冇良心
你地又有冇嘗試去了解過咩係Toybiz？
有冇嘗試去了解過點解Marvel個license會俾咗Hasbro？
有冇嘗試去了解過ML既主要市場係北美而唔係香港？
有冇嘗試去了解過ML正式美國售價係幾多？
以上呢d我同某幾個大大例如Duraxyll前前後後已經講過好多次
我唔知你地係睇唔到，當睇唔到，覺得我地講既係廢話，定甚至覺得我地係Hasbro派黎既打手
anyways，我再次講多次俾大家聽我所知既野，希望大家今次可以真係認真咁睇....

首先，我都想Hasbro出糧俾我，但可惜唔係囉.....
而我經常介紹Marvel角色，相信大部份人都知，都一定見過
我對Marvel既熱愛相信應該冇人會否認，Toybiz同Hasbro出既ML我差唔多買齊，而且每隻都拆出黎玩同display
所以我比呢度任何一個都更想d Marvel figure可以出得有咁靚得咁靚！！
但點解我冇好似大家咁一樣踩Hasbro，並唔係因爲我係打手，而係我有嘗試去了解玩具既背後

Toybiz，跟本就係Marvel既子公司，跟本就係Marvel既一部份
如果Marvel Legends係有錢賺既，Marvel又點解要賣個license出去俾Hasbro？
證明以Toybiz以前既手法，制作，價錢等等，去到後期跟本已經做唔住
所以Marvel先唔玩，先賣個license出去比其他人做！
Toybiz出咗Marvel玩具幾十年，我相信佢地如果唔係真係覺得太難做/冇得做，都唔會賣個license出去
甚至完全退出玩具業.....

而Hasbro，剛接手時所出既ML的確完全係垃圾！
但去到近年既2pack同Return of ML，水準比起剛接手時已經提升不少
可能平均係唔夠Toybiz好，但Toybiz一樣有出過好多唔掂既ML
點解我又唔見你地插吓果d figure？

售價，你地住喺HK，只睇HK既價錢都係無可口非，但並唔代表HK價就=official price！
一件玩具黎到香港，有好多不同因素會影響到個售價，例如匯率同代理等等
Toybiz ML Series 1當年喺美國既售價大約係$7-8US，大約=$55-60HK
去到最後既MODOK Series，已經升到大約$12-13US，大約$100HK
我唔知點解當年HK仲可以賣$60HK，可能因爲當年Marvel喺HK唔hit，好多都賣到好平
而Hasbro接手後，美國售價基本上係冇加過，一樣係$12-13US
而HK因爲轉咗Hasbro HK代理，所以先會特然貴咗咁多

到咗而家最新公佈既ML，建意零售價都只係$14.99US，就算出到黎最多都係大約$19.99US
比起10年前Toybiz ML都只係貴咗一倍多少少
如果你地對比吓日玩，例如裝著->SHF，或者一d PVC figure，升幅最少3-4倍！
順帶一提，Neca d figure喺美國同ML大約係同價，而Marvel Select係貴ML少少

成本問題，冇錯，我唔係喺Toybiz/Hasbro度做，我的確係唔知咁多年黎實質係升咗幾多
但我上年有幸去過San Diego Comic Con同New York Comic Con
我同Hasbro既Senior Marvel Product Design Manager-Dwight Stall傾過幾次
佢有話而家6" figure真係好難做，成本問題一路都逼得好緊，而佢地首要目的就係令6"呢條line可以繼續出

你地可能會話，佢係Hasbro既人，當然幫住Hasbro講野啦
咁你地應該要聽吓下面呢段Jesse Falcon既訪問
呢段係今年4月，Jesse Falcon接受fwoosh既訪問
http://thefwoosh.com/resources/f ... isode-Special14.mp3

Jesse Falcon可以話係ML之父，當年喺Toybiz度打工果陣佢有份創造ML出嚟，一路將ML養大
佢而家係Marvel既Director of Merchandising，並唔係Hasbro員工，但Hasbro ML佢一路有睇住
訪問中佢有講，話呢幾年大陸廠既生產成本越黎越貴，人民幣一路升值，大陸人工又越嚟越貴
佢哋要控制一隻figure既成本就越嚟越難

佢仲有提及當年Toybiz隻Super-Poseable Spider-Man(大家叫做McFarlene Spider-Man果隻)
成本係比一般既ML係貴好多！基本上係冇錢賺，但因爲Jesse同其他Toybiz同事都係超級玩具迷
佢地覺得點都要出一隻超高可動既Spider-Man，所以最後都係出咗
可想而知可動性/關節數量對一隻figure既成本影響幾大

所以Hasbro而家面對住咁緊逼既成本問題，只可以cut關節黎減低成本
但最近Hasbro新製既素體，全部都加返最多人投訴既腳板接地關節啦(正名叫Ankle Rocker)
但一樣俾你地投訴話重用body，Toybiz一樣有重用body又唔見你地投訴

暫時講住咁多先

ngkp19 · 發表於 16-10-2012 19:26:09

又學多左野devil大
:36:

nesidoh · 發表於 16-10-2012 19:26:59

Devil_Fudou 大大對美玩的認識相信過去有從不同Forum 追你post 的人都肯定你既地位, 小弟亦從大大處學了很多很多

始終大家背景/經驗不同, 個人感覺自然會不同, 但就算如此, 各抒己見, 討論一下也不錯

adison_mok · 發表於 16-10-2012 19:50:31

睇到篇野學到唔少野，great！

Assassin · 發表於 16-10-2012 20:07:16

好post, 先推後睇 :71:

hy_fai · 發表於 16-10-2012 20:18:57

咁睇黎toybiz 為左做出高質玩具而不計成本.....:79:

題外話...除左toybiz / hasbro / NECA 之外, 仲有無其他外國公司係出6" - 8" 個d 高可動fig????
thx

ChrisLamXYZ · 發表於 16-10-2012 20:23:05

一齊討論，只希望大家各持己見;不是針風相對！

我記得第一次買toybiz可能就係蜘蛛俠電影第一集隻高可動綠魔，係反斗城買都真係大大講的價錢到;覺得唔錯，仲係斗城留幾款無的蜘蛛俠;果陣蜘蛛俠設計上都唔及綠魔好！之後主線都係電影版為主，可恨到夜魔俠竟然出到有限可動; 真係浪費咗個角色><

而間中買漫畫版角色都係香港有種唔好的風氣，覺得唔好買的角色;志在清貨，真係可以20~30一隻狼人，黑豹;之後有巨大機械人part果set都係咁！少貨的角色就會炒高個價，火鳳凰果陣真係200到一盒！咁見有平貨執，緊係買平的著數d;不過有時咁平真係唔多珍惜加上以前玩唔會研究咁多XD…到孩之寶接手真係已貴10~20,開頭係有跟toybiz咁出，好似ghost rider電影有隻雙重著燈版關節造型都有九成跟到;係大脾關節麻麻。

之後開始上100以上就開始無買，加上轉玩其他;就停咗幾年;所以果陣再出ML都無乜點買…始終主要玩電影版為先！唉……不過都因為蜘蛛俠3的玩具真係俾孩佬試到心都灰，好記得佢出5";再之後出6",8"!佢一齊出都好，起碼有得簡，最幣6"同5"真係差不多;所以都中招入咗兩隻=="差不多時期就去咗玩12"^^

到今年先再買咗好多新的6",又玩埋3.75;

dasw123 · 發表於 16-10-2012 20:26:52

devil兄唔駛耿耿於懷~時間會證明一切:71:

darknight · 發表於 16-10-2012 20:41:38

我大致上同意DEVIL 前輩講法, 但我有唔明係: E.G. 隻TOYBIZ 03年DAREDEVIL 前碗 (乃上下; 非轉手), 手指及腳踝比剛出的灰色HASBRO 多了至少三個關節, 技術上無奶油差過九年前的貨色... 我攞POSE都愈攞愈多限制... (有錯請指教...) :die:

ChrisLamXYZ · 發表於 16-10-2012 20:54:04

用tap打唔到，續…

見住有好有唔好，應該係你講的成本問題;個模係做得好好，但關節縮減，有d款上色都簡化咗;好似ML白蜘蛛俠無手指關節應該都可以加番幾隻造型手！電影IRONMAN都有幾個手掌換，不過之後又縮減咗;但見住下年出的ML好多都唔錯，都期待！不過前景好似無MU利潤咁好哩個就真，但亦因為marvel轉咗去搞電影;先令近期的6"係香港咁多人買，以前得漫畫;fans始終有限…所以而家貴咗都多人買，算係一個熱潮。不過可能以前的壞影響，美玩有時都比以前難買><

大ken · 發表於 16-10-2012 21:16:21

實在佩服 Devil_Fudou兄的見多識廣
亦深深感受到 Devil_Fudou兄對Marvel美玩的熱情

小弟好小接觸ML，只集中火力玩3.75
但也有幸接觸到 Toybiz 的showdown，和 Hasbro的mu，
由早年的showdown 3.75到現在Mu 3.75，小弟都有追捧架。
想當年showdown出的真係有殺錯無放過，實在出正呀
相反，早期孩記的Mu，我不會隻隻入，因為有d款真係好衰，接受唔到（狼人，ironman)
但近年出的MU，我均是set入，造功，著色，關節實在提升了不少
最記得近日執櫃，拿出了showdown的西葛斯，再與Mu出的一比，頂，
點解Mu那隻會正咁多㗎，那隻showdown版仲係我千辛萬苦上網追返來。。。。
所以孩記是有不斷進步的，大膽個句，現在的mu肯定超越了當年的showdown

我返而覺得價錢才是令大家不滿意的，但這不是孩記的錯，
老土講句，係社會既錯，
人工加，料費加，租金加，港幣貶值，炒家發功，多人玩左。。。。
全都係令玩具升價的埋由，
不要說以前買隻showdown只需幾草，
最初出的Mu也只是7~8草，
係近幾年多人追，個價才係咁升。。。。:80:
所以我認為即使 Toybiz 仍存在，或仍保持以往良好質素，
其現在生產出來的玩具的價錢也不會便宜，係不能便宜。。。。

其實玩具既野，身外物而已，有得玩固然開心，
千萬不要一路鬧一路買，睇唔啱就唔好貼＄買難受，
現在資訊發達，玩具未到手就可以看到不少玩評，
做得好的便捧場，做得衰的便柴佢台，罷賣，消費者就係咁簡單

純粹個人肺話，不喜勿插

charice1219 · 發表於 16-10-2012 23:13:21

完全同意devil大大既觀點:71:

大ken兄呢句講得好好:
所以我認為即使 Toybiz 仍存在，或仍保持以往良好質素，
其現在生產出來的玩具的價錢也不會便宜，係不能便宜。。。。

即使toybiz返生又可唔可以做返$60一隻!? 我認為無可能:59:

keeve822 · 發表於 17-10-2012 00:03:17

總有人係望住過去黎講現在
或者有一日孩記轉左手...佢地就會講反而家ge孩記

Just-For-HIM · 發表於 17-10-2012 01:04:20

不嬲都撐DEVIL兄價錢上升無可厚非

成日話TOYBIZ好我覺得TOYBIZ係某D角色可動比較高但係好多造型都麻麻

睇返ROML 好多造型靚可動又提高左
孩寶真係持續進步

167169 · 發表於 17-10-2012 01:53:04

我比較鐘意依家嘅討論氣氛
以下只係我個人意見:
我好簡單只有好同唔好,不論Toybiz / Hasbro 都會有好同唔好呢個係必然嘅,
好同唔好都係主觀嘅,呢個都係必然嘅,
所以再講邊個好同唔好只會係沒完沒了嘅
我玩玩具真係好簡單,自己覺得好就買,唔會理什麼人工上漲,物價上漲,大家個價係唔同嘅,
我相信大家擓隻玩具上手時唔會諗係唔係因為大陸人工貴左所以個樣差d都可以理解嘅呢種心態呱?
我唔會因為背後各種原因去買一隻我覺得唔ok但可以理解嘅玩具,
我真係唔係話Hasbro冇進步,只係覺得佢仲未去到我自己可以接受嘅地步
當然,如果有好嘅6吋出左我都會買,我覺得市場會反應一切
我只係講我自己感受,所以請大家唔洗對我嘅說話太在意

Toybiz / Hasbro 討論 [分享討論]

相關帖子