|
|
|
本帖最後由 thespawnx 於 29-6-2012 02:30 AM 編輯
幾乎大半年無出post啦。突然想分享吓我嘅感受.
因為自己覺得對玩具嘅熱情真係少咗DD
今年可以講係我調整我收藏hot toys嘅心態最多嘅一年。 之前收hot toys有一種當係收藏品嘅感覺。
(HT有小小誤導囉，大大嘅字寫COLLECTIBLE， 都怪我自己一相情原)
有時因為自己擁有好多係市場上十分搶手嘅玩具, feel到啲虛榮感添
但係今年HT大量返出我已經擁有嘅角色！而且出得更加靚, 感覺舊版本失色唔少.
一心無想過咩2.0. 點知道howard改變市場戰略， 出返好多一樣嘅角色。 T-800 DX, joker 2.0, mark I 2.0, batpod, batmobile,
, predator 2 hunter
好多一樣嘅人物但係唔同樣嘅角色/設計如MARK II unreleased, classic predator, thor, jack sparrow etc...marvel characters like
thor, black widow, captain america...etc!
再加上D特別版, 好似 mark vi secret project, war machine milk version, bruce wayne batman begins batsuit, mark vi
真係收到好悶同無晒熱情
最唔爽嘅係大部份以上, 我都有舊嘅版本. 我有錢嘅話希望買新角色而唔係買多個加強版. 扁扁我無嘅AVP PREDATOR一個都未返出！
再版都唔該先出呢D最舊嘅先啦！（雖然HT遲d一定會出). 我個人同意返出2.0用新技術去大量改進上色， 雕刻， body， 同其他配件上嘅細節, 咁先係有誠意再返出新ver .
我冇AVP SCAR，CELTIC, ELDER & CHOPPER同ANCIENTS 我唔會高追就算冇返出，因為我覺得AVP做得唔算太好，
但係我十分希望HT用新技術返出AVP系列， 因為我覺得舊嘅AVP有大多地方需要用現在嘅技術返出。 我都好開心同一定會買如果HT會再出.
我係一位追求更好嘅收藏家。 有時心目中充滿矛盾。希望可以買新嘅版本但係又無咩位放.
之前我係唔捨得賣舊嘅，因為怕賣咗後悔，之後再追返可能要付出好大嘅代價.
但係現在HT越出越快同價錢越出越高, 雖知道HT唔係便宜嘅玩具， 如果無收藏價值， 呢個價錢都幾蝦人收囉.
唯有改變心態同收藏方向先係明知， 之前鍾意收一set嘅現在只係收鍾意嘅主角人物.
之前收住唔捨得賣嘅舊版本，我都要恨心賣咗去當循環.
呢個係玩HT嘅一個好處，基本上搶手嘅舊角色都可以容易賣出同賣到唔錯嘅價錢， 所以現在重新reload子彈， 準備入新版！
坦白講， HT唔係收藏品有好有唔好， 好嘅係我再唔使猛咁追又怕錯過要吃炒價， 無咗果D要死慳都要買嘅激情.
現在反而玩得輕鬆啲， 無咩壓力， 而且遲買可能買到插水貨添！
唔好嘅係無咗當初個種熱情同激情！ 現在對我來講HT只係一種高價精緻嘅成人玩具.
可有可無， 有錢有位放嘅就買多個囉， 無都無咩所為. 遲D一定有更好嘅版本.
攪到我一時買新嘢返來時， 開盒後望兩眼就就擺上櫃.
新嘢真係越出越靚，但係唔會再被我一種感覺呢個figure將會成為經典！
因為遲D有更好版本, 好似JOKER 2.0，現時嘅技術都可以做得更好
令我會覺得遲D有JOKER 3.0植髮版本. 到時我相信膠髮嘅JOKER 2.0會即時失色.
現在手頭想嘅玩具再無咩特別珍貴嘅感覺, 所以都一時無咩沖動想去影相分享吓.
調整咗心情之後，現在係有限嘅金錢上，空間上同時候上
繼續買靚嘢, 繼續影相分享吓!
我相信有D收HT幾年嘅玩家同樣有咁嘅feeling
好啦! 一口氣post晒半年無講嘅嘢
廢話講完. 去相!!!
呢半年入嘅新嘢同最新嘅BABYDOLL!
 [/img]
現在嘅全部HT
半年之前
有興趣睇多D相嘅請游覽我嘅blog
http://leecheekheng.blogspot.com/
讀咗好多reply， 有好多唔同樣嘅睇法！
我想加多D感言.
點解有咁多唔同樣嘅睇法？
我個人覺得因為HT嘅市場戰略嘅改變做成好多人需要調整心態.
HT一開始打做一種限量嘅收藏品（limited collectible）型式來吸引一D收藏家，包括傳媒雜誌都係咁製造一種錯覺， 你今日唔買， 之後追返要付出代價.
所以我會慳錢都要買, 雖知道HT唔係算便宜嘅玩具， 但係因為限量， 所以我覺得幾值得, 加上HT真係市場上最好嘅1/6. 所以就會狂追.
如果無咩收藏價值，我相信好多人都會選擇極度選擇性.
當市場上反映出高需求時， 舊嘅玩具價錢升高， 更加令人以為HT係有價值嘅收藏品， 就算無賣， keep住都令人感覺到羨慕。 但係HT一改策略， 2.0 令舊嘅HT失色。
令舊嘅收藏家覺得以前死慳都要去追嘅嘢當時失去咗當初嘅價值， 以且新嘅靚好多添! 所以舊收藏家會覺得HT嘅LIMITED COLLECTIBLE好似有欺騙成份.
你可以用其講法來講HT係以唔同樣嘅嘢重出，唔一樣加。
但係你我心知道係因為咩理由啦， 點去解釋都唔可以一吓改變我哋嘅感覺。
想反映吓我一D遲入坑嘅朋友嘅心聲. 我個人好少高追HT嘅舊嘢， 我只係追個BATMOBILE， BATPOD同TDK ORIGINAL COSTUME. 而且都只係比正價高小小， 大約三百左右.
因為我無訂BATMOBILE， 出貨時冇多嘅現貨， 所以被迫捱炒價.
而我嘅朋友係用三四千去追舊嘅HT，好似MARK I咁。 為咗想擁有一個十分detail嘅MARK I， 不惜用高價去追，
點解？ 因為以為限量， 所以先會追！ 事實上HT係寫LIMITED EDITION COLLECTIBLE, 如果唔係想製造收藏家嘅誤會， 點解唔用HIGHLY DETAILS 1/6 ACTION TOYS
走去用LIMITED同COLLECTIBLE, 係想表達d咩呢？
事實上舊嘅MARK I 1。0 已經好靚， 我都十分鍾意。 唔太需要改良， 但係HT只repaint舊嘅同加咗D可有可冇嘅配件。
如果我朋友知道會再返出， 你覺得佢會買新嘅或者用三四倍嘅價錢買舊MARK I咩。 差別唔大wo。
HT返出MARK I係因為睇見MARK I炒得好勁先改小小返出執一筆，T-800 DX同AVENGERS MARK VI都係一樣.
用咗LIMITED EDITION COLLECTIBLE呢個字就應該有D誠意.
以我覺得HT用小小技術嘅改進就返出舊野對佢哋唔太公平. BATMOBILE真頭RELAUNCH一模一樣， 何為用新技術提升呢？無野好講.
佢嘅市場策略已經好明顯， 如果HT一開始表明所有嘅玩具都唔係限量， 當有需求嘅時候HT會返出一模一樣，
如果HT咁敢表到明晒， 你覺得會有C9阿伯排長龍咩去訂幾隻來炒？
你我心水清都知道HT用咩策略啦
當然， 你可以講佢地傻，佢地一相情願
但係好多都係因為HT製造錯覺， 以為HT係LIMITED
所以先狠心用高價後追， 為咗都係因為對玩具嘅熱情同一個極度渴望擁有嘅慾望。
你都可以講， 鍾意嘅有錢就買囉， 講咁多做咩哩？玩TOY嗟， 唔使諗咁多野.
我可以講， 如果我係古天樂， 呢句係真嘅.
但係好多我朋友係因為想一心擁有自己心愛嘅玩具.
最後付出血汗錢高追， 呢D係冇慾望同熱情嘅玩具收藏家應該唔會明白到呢種感受.
但係我明白， 因為之前我收SPAWN時, 因為我遲入所以我都高追好多舊嘢. 但係個時對玩具嘅熱情卻係我目前一生最高嘅時候.
之前對HT都好熱嘅， 但係目前冷咗好多. 好多嘢我哋係改變唔到嘅。唯一可以就係改變自己嘅心態。 令自己更多開心. 我就係咁， 調整咗自己嘅想法當HT係玩具算啦， 喜歡就買囉. |
|
[複製鏈接]
發表於 25-6-2012 15:29:33
