如果根據片頭工程師飲左d黑色芝麻糊之後, 就肚痛到跌左落水(笑)
係度DNA個圖案出現多次, 我個人理解呢D黑水係改變自身DNA, 再變成另一種東西(片頭都有DNA分解, 再重組另一模樣). 所以果d黑水只係強化左星球上面原有o既蟲仔, 變成Chestburster破胸體?
但呢度要清楚, 佢都只係鑽左入人身上, 之後都有走返出黎. 沒有產卵的. 而岩石專家後來變左力大無窮的喪屍, 係因為佢俾Chestburster破胸體的血液"拿"個面罩, 再趺入黑水中(面向). 所以工程師果d黑水都未能整到d alien異形出黎
直到David俾d黑水女主角個老公飲(呢度真係好明顯下, 洗唔洗係你面前咁做個列尼大佬...). 再用一個改變左DNA o既人同女性攪野, 因為呢度用左女性獨有器官 : 子官. 再混出一隻太空魷魚出黎(應該係Facehugger原型). 而呢隻太空魷魚又同工程帥合體, 先至溝到一個alien原型出黎. 我諗...alien都係意外先至產生的物種....
好了, 到左問題時間 :
問題一 : 點解主角一行人去到星球遺跡入面, 見到工程師好似走難o既幻象. 但佢地究竟驚咩呢?果時點都冇alien架啦. 再講, 收藏黑水得兩處地方. 其中一個工程師仲因為走路唔小心跌左係度仲俾人斬頭tim. 究竟呢個位係因為知道黑水危險, 要立刻落閘費時禍及出面, 定係入面有好野, 野工程師要飛奔入去?因為入面除左個大人頭之外, 仲有一幅好似有alien係度的石壁. 究竟工程帥最終目的是否都係想變成alien?是否又係因為失控, 所以先要逃命?
問題二 : David....記住, 呢個型號係仲早過第一集Alien出現. 佢應該係絕對服徙主人o既命令(去到Aliens第二代先比較人性化, 人類優先). 所以David的任務, 應該係幫老闆Weyland搵工程師為優先, 而一個連女主角講多句說話都想射低佢o既人, 唔似有令人類進化, 探索人類未來可能的宏願. 感覺呢隻的robot好唔同, 會拎人黎做實驗. 至於想將女主角雪藏打包返地球, 只係同系列電影, 要搵究極兵器的呼應罷了.David, 係咪睇電影太多, 背埋太多金句而諗埋一邊?定係人類已經去到工程師呢個地步, 因為, 工程師>人類, 人類>Robot David. 反而要David去幫人類一把去進化? .....
問題三:其實...戲入面Charlize Theron所飾演o既角色, 是否男人? XDDDDD~
因為個救氐倉入面張醫療床SET左只係俾男性用. 你可以講SET左俾Weyland本尊用, 但如果係咁, 點解咁麻煩要SET俾只for男性?同埋船長有問Charlize Theron做唔做, 佢叫佢十分鐘入佢房, 可能就係俾佢睇, "我唔係robot, 但我係male" XDDDDD~ |