失望的服務.....

virtualman

想分享今天在環銅的一次交易:

之前收到sms可以到環銅收貨, 一如以往, 開盒睇貨 SHF Eternal; 又一如以往, 四眼姐姐又同我講唔係爛既就無得換. 今次開左啡盒我發覺件貨有D問題,  就同四眼姐姐有無得睇多件, 佢就話新規矩, 一係就要, 一係就佢地幫手送返笨大換, 再寫一張單俾我, 有得換就通知我, 無得換就無辦法. 連樣板都無得睇. 當然, 我就話算數, 出了門, 心裡老實係好失望....

姑且唔講件貨有乜問題 (因為呢個可能好主觀, 同埋佢連一眼都無望過....), 又唔講佢既態度, 因為我唔知佢係唔係真係收到老細order, 佢可能都無辦法... 而係我就算係出面買個橙都可以擇下.... 吓真係好失望....

各位大大無論對我既感受有乜意見, 也可以俾下意見,
我除左申下之外, 最重要係想通知一下大家, 如果你地都會訂下貨, 又會Check下貨, 又會Expect如有問題, 鋪頭會就情況而換貨, 而唔係一野就話交由笨大決定既話, 咁就真係請三思應唔應該幫親呢間野.

我唔可以話佢唔啱, 只可以話我對呢間野失望, 個人(以及同行朋友) 就唔會再幫親佢地喇....:42:

ygat2005

環銅 always poor service.:blame:

不死鳥

但好似佢地訂野平d咁
如果有其他地方個價同佢地一樣
我都唔同佢地訂

virtualman

環銅 always poor service.
ygat2005 發表於 26-1-2011 00:02

.... 只可以講失望......:56:

virtualman

但好似佢地訂野平d咁
如果有其他地方個價同佢地一樣
我都唔同佢地訂
不死鳥 發表於 26-1-2011 00:13

對我來講, 如果只係平幾草, 就連顧客覺得有問題, 連睇都唔睇一下, 一刀切就講無得換, 我就唔會再幫親喇....佢有佢規矩, 我有我選擇 :38:

七國咁亂

佢哋嘅態度都係一時時，有時好nice，有時好寸。不過，而家太多紙盒驗屍官，開過唔要、雙膠紙又唔要、唔夠直角又唔要，所以好難開多盒比人check架啦…:56:

呂品器

我唔會話佢服務好...  但又唔會覺得呢個case特別差...

佢肯同你contact Bandai，我覺得算係咁...

如果唔係開過既貨...  點賣呢？佢又冇代理可以退貨...  

個人睇法:64:

virtualman

佢哋嘅態度都係一時時，有時好nice，有時好寸。不過，而家太多紙盒驗屍官，開過唔要、雙膠紙又 ...
七國咁亂 發表於 26-1-2011 00:24

你都講得無錯... 態度一時時.....

virtualman

我唔會話佢服務好...  但又唔會覺得呢個case特別差...

佢肯同你contact Bandai，我覺得算係咁...

如果 ...
呂品器 發表於 26-1-2011 00:30

其實係佢地既角度咁念可以話無可厚非, 可能我之前係果度買野, 有問題, 個四眼老板會幫我睇一睇, 同再俾我睇下個板, 心裡真係鋸晒; 依家佢地既處理唔同左, 感覺差左... 啱與錯, 根本無得講....:64:

機體

我唔會話佢服務好...  但又唔會覺得呢個case特別差...

佢肯同你contact Bandai，我覺得算係咁...

如果 ...
呂品器 發表於 26-1-2011 12:30 AM

同意x2
同埋其實大大你件貨有乜問題?

kuris_021

如果佢唔contact bandai同你換左先，即係佢要硬食件defect品
呢d情況佢掟個波俾人都無可厚非:(

申報︰我宜家手頭上只得佢一張黃單，只係以事論事...

nelngan

同意x2
同埋其實大大你件貨有乜問題?
機體 發表於 26/1/2011 00:44

x 3
btw, what'sthe problem of your shf?????

果汁先生

=-=.首先  果隻野係錯件定係咩野先?...

下次拎貨前 自己上網check下要去拎果隻野 係咩野樣既 咁樣 下次就唔洗驚啦!

sparda

小弟好少訂figure/玩具(好似得一次alter菲特:35:，仲要係賊船:76: )
好彩無穿無爛，態度又唔算差，都有三盒我揀(可能咁岩員工心情好/唔太多人:p)
經驗真係唔多，但見樓主有咁既情況都想講少少意見:(
我諗我地訂得既，都係希望件玩具有保障，唔駛捱街價/無貨既情況
作為消費者，應該有權利驗清楚件貨卦:*
不過又唔怪得d鋪頭，學樓上有大大話齋好多驗屍官
所以上次拎菲特個時心情好矛盾
一黎怕店員以為我係驗屍官；但我係真金白銀係你度訂野，要件較完美既都好正常姐:78:
所以外觀上無乜大問題，唔係漏件、污糟等太緊要既基本上都接受:74:
至於樓主個case，件貨有問題的確唔關佢地事，因為都係做中間人(除非係專門店等等喇，呢層無乜研究)，佢地肯幫你處理唔駛消費者自己搞都合理喎(態度個d就另一個問題了:42: )
有無第二隻揀既問題就...個人認為拎兩隻睇下揀下都唔係太過份姐(個次真係算好彩:54: )，但最好係非繁忙時段喇，無謂阻人做生意，大家好做~(不過唔知人地既「行規」或者「公司規定」喇~:38: )
(個人愚見:64:)
(打得太多添~:70: ；希望樓主大大下次訂野平平安安喇)

luciferdark

將心比己, 日本人訂魂SHOP都係無得換, 寄到嚟係個隻就個隻
我真係覺得佢地肯幫你去BANDAI度搞算係咁了