幪面超人俱樂部（吹劇情、吹玩具、吹下水）

原罪

小弟唔知TD有無拉打吹水區…如果已有既話。只好講聲唔好意思。

小弟呢個post，都係諗住傾下拉打，無話分昭和定平成派。
不過小弟係由Black開始睇…所以點都對昭和系有一定情意結。

之前係版友開既「TXB終於做完電王」那個post度，回顧完古迦…（有興趣各位可以睇下…唔係寫得好，只不過係fans分享下…歡迎指教。）

（小弟覺得古迦係平成入面故事其中三甲…其實對我黎講就係首位添~呵~）
直至W既出現，我真係覺得佢動搖到小弟個排名…不過最多都係動到2,3位。

龍騎於故事黎講。小弟覺得真係非常吸引。

Lau

我都因為幾位大大講完古迦好睇，現在都特別找來睇睇，剛睇完第一集！

原罪

lau大大…睇完覺得好唔好都回下啦。

講返龍騎，就咁…呢個拉打做型上既恐怖…小弟之前已經寫過。
講真就唔吸引…見佢仲學「遊戲王」玩埋卡…
我真係諗住睇敗家隻點敗哂石森老師既家業…

點知睇完第一集…嘩！主角真係好醜…不過d招咁誇既？
睇多幾集先…越睇越唔對路…咩話？成13個拉打？

後黎…已經中計…
除左睇佢地打怪獸…更期待佢地拉打之間鬼打鬼…
可惜死左一個「剪刀手」之後…一直都未再有拉打死…
直至一濟猛藥「王蛇」出場…成件事唔同哂。真係會打死人了~

拉打之間既決戰再唔係點到即止，真係生死相搏。
而且各自有戰鬥既理由。
呢樣野好重要，無話邊個正確唔正確…各種價值觀既衝擊…
真係精彩…
反而主角「龍騎」既價值觀…係睇黎最唔現實…最不設實際…
佢揀既路…係停止呢場戰爭，同保護人。
所以佢只同怪物戰鬥…拒絕同其他拉打戰鬥，甚至阻止其他拉打既戰鬥。

好特別…好阻頭阻勢既主角…
直至睇到tv結局幾集。真係改觀…（後續）

saga522

龍騎都幾有意義
13騎士某程度上係某D社會問題既縮影
剪刀手既知法犯法係個好例子

il168

本人是昭和拉打的Die Hard Fans...至於平成拉打...個人比較喜歡幪面超人劍...響鬼做型幾得...但故事有點無里頭...

jackyso2436

回復 3# 原罪
到後來既猛虎出現就更加恐怖了
為左做英雄而戰鬥
先後殺死自己的老師同朋友
為左做英雄,就羲牲埋自己重要既人
佢心理變態既程度唔差過王蛇
直到佢聽到北岡講左句"由你想做英雄的一刻,就已經不配做英雄了"
佢先至有點醒覺
最後為左救人而被車死
第二日被報紙稱佢為英雄,這點真夠諷刺
佢都算係俾我印象幾深既拉打

Lau

lau大大…睇完覺得好唔好都回下啦。

講返龍騎，就咁…呢個拉打做型上既恐怖…小弟之前已經寫過。
講真就 ...
原罪 發表於 30-12-2010 01:09 AM

就第一集而言，其實敘事成份頗多，主角好似對腰帶有所感應咁，而幪面超人的力量來自古代力量都好，單睇第一集都不過不失。

stonekeung01

在下以前都略略睇過1、2號同V3，之後直到無線做龍騎至再睇返拉打，個人覺得論故事，「劍」整體上較完整，結局也唔錯，其次係「響鬼」，不過響鬼最唔好就係有幾集結尾開始大打，但下一集一開始只係對白交代話已經打完，好似冇budget打要去拍文戲，不過亦贊同某大大講過響鬼要練功，唔識渣電單車呢D情節係唔錯

takeshi

好耐無聽返--"由你想做英雄的一刻,就已經不配做英雄了"呢句正對白la~~:$

龍騎我都有好多野想講:shy: ..要擇日寫先得...我覺得龍騎係大逃殺的rider版,,亦係一套睇ending睇到好感動的rider片...:handshake:

原罪

咦？
劍真係幾多大大喜歡…而小弟鬧到pk既一套劇。
成套「劍」…除左結尾…
佢亂黎既程度可同kabuto或者decade比拼…
希望小弟傾劍既時候…大家明白各有喜好啦。

天天~

俱樂部嗎? :he:

原罪

pk羅…開左個頭…發覺原來龍騎好多細節都忘記。
各位見到小弟既資料有錯。正多加指正。謝謝。

首先講講城戶真司。
對於心地唔好既小弟黎講…戰鬥越激烈當然越好啦。
13拉打最好打生打死…
真司一直給我既感覺係婆媽…麻煩…唔知想點…
但最終…卻係平城拉打上…其中一個感動過小弟既幪面超人。

佢竟然係一套以佢命名既片集終…不能存活到最後…
但佢真係做到佢想做既…保護人…真到死既一刻。
無話可說。
一個人唔使靠神崎士郎呢條攪屎棍就達成願望。
睇到佢努力活到最後一刻…
佢真係變得討好。龍騎…你死得好呀！

tv版中佢既結局真係唔錯。
雖然後來黎一次jojo第六部既結局…所有事重新洗牌。
但我覺得真司戰死係最好既結局…
我到今時今刻…都覺得後面既洗牌…只係令件事無咁傷感。

而劇場版中佢既結局同樣不俗。
佢同蓮…面對令人絕望既敵人數量…一齊選擇戰鬥既open ending。一樣表現到佢一直既思想。
佢將別人既幸福睇得比自己得到幸福為大。
呢樣野…平成系列…唔係個個拉打做得到。

到於特別篇既結局。（仲要分兩個版本…）
其實都唔錯…當係tv版既結局前奏。
但覺得玩橋程度多於呢個都算係其中一個結局。比起劇場版同tv版…呢個結局兩個版本都只係睇得過…

yugi

咦？
劍真係幾多大大喜歡…而小弟鬧到pk既一套劇。
成套「劍」…除左結尾…
佢亂黎既程度可同kabuto或者 ...
原罪 發表於 31-12-2010 02:03 AM

劍都揾黎講ga啦,封印淨joker先識解開其他undead,呢點之前應該一早已諗到

原罪

俱樂部嗎?
天天~ 發表於 31-12-2010 02:42 AM

    地獄兄貴？！

天天~

地獄兄貴？！
原罪 發表於 31-12-2010 12:45 PM

找我嗎?