"天下會" 天下 討論區(p.447 新增風雲9"兵器)

聖鬥士JACK

見'天下'嘅最近內容有少少高潮位,就開過專區同大家討論吓

今期533期天下,Last page 火麒麟再現
當年火麒麟"死"後,聶風恐怕江湖人會紛紛爭奪其屍體
於是將火麒麟屍體藏於冰山內
依家中原面臨隱劍流侵襲,而且聶風上次聯同步驚雲使出摩柯無量都唔夠人地天極氣海打
可能因為咁,聶風想借火麒麟屍體增加自己功力
內容講到聶風都無諗到火麒麟會死而復生

步驚雲方面
步驚雲已經搵到天皇之子-連城志
面臨獨力對抗隱劍流
連城志係日本天皇當年同中國女子所生,可惜天皇回日本後并沒有再誕下其他繼承人
他臨終時講左俾大家知自己喺中原有個仔
希望大家可以帶佢返嚟繼位
隱劍流今次侵華目的就係為左得到連城志以號令東瀛
而當年無名曾和天皇協議,要無名保護其兒子,他弈答應不再侵襲中原
連城志弈視中原為自己家鄉,答應步驚雲回東瀛後永不侵犯中原
因為咁樣步驚雲同隱劍流之戰在所難免

究竟中原同隱劍流之戰會演變成點呢
聶風又會點呢
劍聖龍兒領悟左六滅劍法到依家都未再出現,之後會點呢
仲有隱劍流成日希望得到赤火神功,咁煉就左赤火神功嘅小武又會點呢
仲有好多好多迷仲未交代:34:

大家嚟討

[ 本帖最後由 聖鬥士JACK 於 9-8-2009 12:01 PM 編輯 ]

roystoy

今日買鐵將，見有本風版，雲版 寫住最後1期，請問 有冇大大買左? 內容是否畫展內容?

t142

24/1 - 31/1 10am - 10pm

1/2 10am - 6pm

要帶風雲邀請咭 & 印花

lkoko

miniweapon 發表於 27-1-2015 10:40 AM
馬sir真係另人氣憤!!!!
最後大佬兵器[無情]可以斬得斷絕世好劍,竟然唔出埋!!!!
十強兵器爛尾! 半身像爛 ...

本都希望在最後d階段
天下有機會出12吋d絕世好劍(劍界痕版)
作完美Ending

後來看到場刊情報
係一塊水晶畫板加3把以前出過d9吋兵器(絕世好劍,雪飲刀,英雄劍)
還係限定45套
都覺幾失望.............

無明:

港情趣：馬榮成　風消雲散 - http://s.nextmedia.com/apple_sub ... 16510419&a=19010486


《風雲》快將完了，進入馬榮成位於觀塘的辦公室，最終回稿件就在眼前一頁頁掠過，他把原稿全貼出來，夜以繼日趕工。訪問當天是他生日，家人會過來陪他吃一頓飯，相聚片刻，他便又埋首工作。我先睹為快最終回，見其中一張，破軍與無名並排而坐，頭上劍如晨曦，頗堪細味，馬榮成說：「今次展覽會有最早期手稿，也有海報，死戰篇完結時的封面也有，我希望讀者能夠看到『時間』，這二十五年來的時間，《風雲》陪伴我成長的時間。」
望着辦公室窗外海景，我身處華室，但心情矛盾，因為恰巧於訪問前夕，才到過即將結業的大埔廣場二樓租賃漫畫店「舖頭仔」。在「舖頭仔」看不到海景，老闆娘將珍藏多年的日漫港漫大本小本堆在店外，靜候它們的新主人。我花十元買了第一和第二冊《風雲》畫集，見漫畫市場如斯，十元就是《風雲》的價值嗎？辦公室窗外的夕陽似乎是答案。

《風雲》能夠生存多年，馬榮成原應比任何人更放不低，但今次完結篇，卻來得比想像中更大膽。以展覽形式示人已經是首創，示人的還要是無字版最終回，漫畫無一字，要讀者自行參悟，「我希望觀眾有創作空間，讀者對角色的背景已經很明白，但結局如何，每個讀者也可以跟我一起共同創作，他想要的結局，他可以決定。」我開始擔心，要多少時間才可以看畢這個展覽。
這想法，當然是他的一意孤行，他正是如此人物，可以獨力開創港漫的專業時代，事實上他甚少受讀者意見左右創作。他十四歲未學素描便出道，很快就成為主筆，畫《小鬼頭》、《徙置區風雲》，十八歲的他已經是人中偶像，堅持己見多年亦復如是，所以「劇情可否不要這麼混亂」、「配角性格不鮮明」之類的質疑，對着他，讀者只能又愛又恨而已。讀者常抱怨《風雲》劇力不繼，或許是真的，但不能否定的是，《風雲》確實把港漫引進藝術層面，「如果說黃生（黃玉郎）駕名車，令家長覺得港漫有得做，肯送子女入行的話，我則為漫畫引進專業形象。」

淨畫？無字？

都好，唔会錯字。

無言的結局亦唔會比人批評。高招。

聖鬥士JACK

kingchowkk 發表於 6-12-2014 08:26 PM
我返而有點失望,看完後有覺得不多精彩的感覺。小武本身的設定就是比聶風仁義收斂,為人著想,所以才連武器也 ...

900期黑豹結局 同新著風流結局 我都覺得正
新著風流結局仲連接返黃昏戰士, 好有意思

無明:

聶風最後大發神威!

本期最後一集，花了廿幾頁交待小武如何如何同四祖又打多一鑊。

曾力敵連生，追殺大當家，近乎無敵冇輸過的小武，竟分別敗在風、雲手上。

但風雲合璧都搞唔掂連生同大當家喎，ha ha ha!

大舊金

:o :o 我無睇好耐，所以答唔到嗲

mp5tony

其實點解步驚雲唔同聶風談他的計劃?
搞到現在分了兩派~

katoributa

哈哈！又扯到去日本，果然有港漫特色。
其實個時係咩時代？

聖鬥士JACK

原帖由 mp5tony 於 11-10-2008 02:08 PM 發表
其實點解步驚雲唔同聶風談他的計劃?
搞到現在分了兩派~

呢個都係迷之一...............
究竟係笑三笑老點,定步驚雲太獨斷獨行......仲未知
不過今期步驚雲有關心懷滅,而且佢建立驚雲道,收燈籠做門生,成日同無名傾計
都寫得佢成熟左,
無以前咁獨斷獨行

笑三笑交代咁多嘢俾步驚雲點解呢??
依家搞到好似笑三笑分化風同雲...........

聖鬥士JACK

原帖由 katoributa 於 11-10-2008 02:12 PM 發表
哈哈！又扯到去日本，果然有港漫特色。
其實個時係咩時代？

背景係原創.........
早喺第一部已經有絕無神侵華,果陣係為左保護中原
今次係寫要保護天皇之子,希望中原東瀛關係得以修好

可能有D人無睇天下,唔知天皇之子個名"連城志"點解
當年天皇希望中原東瀛關係得以修好,故名兒子為連城志
連城可解作 中原同東瀛嘅關係可以好好
志可解作 志願

再唔係D單細胞日本侵華,保衛家園嘅內容

香港人

阿jack唔駛驚, 我撐你~~!!
不過近呢五六年既天下, 出得太多散橋同三四線角色, 好渾亂, 同埋著墨都係比較少...
以前有兩個角色, 唔記得係咪叫鐵劃銀勾, 只係出兩三期既副角, 都寫得好到肉, 而家無晒呢家野...
呢一輯既結局會否又係兩師兄弟決勝負呢??有待故事發展...

聖鬥士JACK

原帖由 香港人 於 11-10-2008 03:46 PM 發表
阿jack唔駛驚, 我撐你~~!!
不過近呢五六年既天下, 出得太多散橋同三四線角色, 好渾亂, 同埋著墨都係比較少...
以前有兩個角色, 唔記得係咪叫鐵劃銀勾, 只係出兩三期既副角, 都寫得好到肉, 而家無晒呢家野...
呢一 ...

多謝支持先
無錯第3部太散了,呢個角色寫吓,果個角色寫吓
好似神鋒,籃武,易風呢3個第3部為主要角色嘅,一直出現吓又閃左
龍兒,小武,絕心果D又係.........
真係好多時配角變主角,主角配角大撈亂
最近主角又到返步驚雲,希望可以寫好D

第3部有個最大敗筆唔知你有無睇
曾經出現左一個武功好似好勁又好神秘嘅角色,叫"冥獄鬼王"
呢個佢角色出左兩三期無左,但話將來會再出現
呢個"冥獄鬼王"暫時係天下最大嘅迷:34:

pingpung

不如叫馬大師寫風雲北歐篇啦。成日打架仔，好悶呀。黎D紅鬚綠眼可能會有新剌激都未定架！:34:

聖鬥士JACK

原帖由 pingpung 於 11-10-2008 06:20 PM 發表
不如叫馬大師寫風雲北歐篇啦。成日打架仔，好悶呀。黎D紅鬚綠眼可能會有新剌激都未定架！:34:

風雲北歐篇
黑豹已經係啦:34: :34:

pingpung

原帖由 聖鬥士JACK 於 11-10-2008 06:54 PM 發表 風雲北歐篇黑豹已經係啦:34: :34:

吾同架。風雲係 "古代"，如果玩北歐篇，可能馬大師會畫阿瑟王用石中神劍同步老伯既絕世好劍打下，跟住又出埋劍仔賺下錢，幾好呀！！！:34:

聖鬥士JACK

原帖由 pingpung 於 11-10-2008 06:58 PM 發表

吾同架。風雲係 "古代"，如果玩北歐篇，可能馬大師會畫阿瑟王用石中神劍同步老伯既絕世好劍打下，跟住又出埋劍仔賺下錢，幾好呀！！！:34:

:50:嘩~千祈唔好
依家故事已經有好多地方無交代
等佢交代返之前留落嘅種種前因後果先至好再寫其他

如果要出劍仔賺錢,馬SIR大把有得出LA,唔洗特登諗段新橋

聖鬥士JACK

唔知大家有無睇風雲決電影
TD有大大有免費飛請左我睇,唔知係咪唔洗錢所以覺得幾好睇:34: :34:

電影故事都唔錯,內容多但完整,無冷場,一直好緊湊
最後講風雲最終都搵到自己嘅另一半,步驚雲仲歸隱左
驚喜嘅地方係天池十大殺手都有出場
覺得唔滿意嘅地方係傲決太強,強到有無名天劍修為

mushroom

原帖由 pingpung 於 11-10-2008 06:20 PM 發表
不如叫馬大師寫風雲北歐篇啦。成日打架仔，好悶呀。黎D紅鬚綠眼可能會有新剌激都未定架！:34:

中華英雄，黑龍司令！:47:

聖鬥士JACK

原帖由 mushroom 於 12-10-2008 03:05 PM 發表


中華英雄，黑龍司令！:47:

:x 係喎,早喺中華英雄 馬SIR已經畫緊紅鬚綠眼,黑人都畫埋