2025年4月「METAL BUILD」ZETA GUNDAM / Z高達

ToyKnife

DenloX 發表於 11-10-2024 06:45 PM
不如你答咗呢個問題先啦:
我叫人唔好高追, 唔好買貴D野, 咁對你有咩影響先?

你我就唔覆啦，「你說得對。」

Lau

DenloX 發表於 11-10-2024 07:20 PM
人係互相影響嘅, 價值觀 & 態度, 係會影響整體利益嘅

人係會互相影響的！！

但我想係好個方面，好似以前廣告咁：你在地上拾起一件垃圾去掉，人地見到，也學你拾起垃圾去掉！！

唔好學人衰個方面，如人唔做，我又唔做，專練精學懶…

社會風氣係一個問題…

但我想人有自己主見、態度！！

不人云亦云！！

如果你自己諗過，覺得咁講咁做係好、係無問題既…

你可以去做，至少你自己有諗過、process 過至做！！

但無論點都好，講完做完就要承擔後果！！

做個負責任既人！！

唔好同我講社會風氣乜乜乜…

CPY_2001

我呢就一直講係代理抬價，其他既唔好亂屈人唔該，3巨頭賣既會係水貨來的嗎？如果係水貨點解會貴過其他鋪既？調轉講如果係行貨，點解又會貴過水貨咁多既？我問既又迴避

DenloX

ToyKnife 發表於 11-10-2024 08:35 PM
你我就唔覆啦，「你說得對。」

簡單問題, 問第3次:
我叫人唔好高追, 唔好買貴D野, 咁對你有咩影響先?
係唔係個價平咗, 反而有人買唔到?

ToyKnife

CPY_2001 發表於 11-10-2024 08:48 PM
我呢就一直講係代理抬價，其他既唔好亂屈人唔該，3巨頭賣既會係水貨來的嗎？如果係水貨點解會貴過其他鋪既 ...

我會答你，你比較有理解能力。
1. 三巨頭賣行貨同水貨都得，只可以講多數行貨。例如孤仔一直有賣日版，你知唔知？

2. 行貨的話代理會俾建議售價，多數只會有最低建議售價，來保障官方價格。水的話，係任開。點解會貴咁多，因為係自由定價，佢一知道日版訂價就有數計，未有香港官方途徑時，佢預先開訂，睇準「心急」嘅玩家心態，因為「唔搶嘅話，驚買唔到，有人開就會好快俾人搶晒。」所以佢開天殺價，玩家落地還錢。總有玩家會俾，嗰個叫「Insurance premium」，係on top嘅成本，保障自己「買得到」。但係其他「唔心急、心水清、無所謂」嘅玩家，唔想俾呢個insurance，會等。所謂「三巨頭」，只係升斗市民自己俾佢哋嘅名，因為佢哋攞貨能力高啲大啲，唔覺得係官方認定佢哋係「左右手」。亦因為「三巨頭」知自己有能力攞貨，香港代理俾唔晒嘅話，佢都有能力喺日本買，所以先夠膽超前開訂。我哋只係獨立玩家，只會同一間舖買，資訊唔充足，但佢哋係一對幾十甚至幾百個買家，有big data，會更有能力掌握市場可以接受嘅價錢。開高咗冇人買，減返落嚟冇乜難度。

3. 點解會貴過其他舖頭？你係細舖嘅話，你想賣貨，你會唔會同大舖開同一個價錢？

希望解得你明。

gamelife

ToyKnife 發表於 11-10-2024 11:55 PM
我會答你，你比較有理解能力。
1. 三巨頭賣行貨同水貨都得，只可以講多數行貨。例如孤仔一直有賣日版，你 ...

佢地係想以消費者個人能力
在網上以口號形式去抵制呢個行為, 更希望可以凝聚一班人一齊抵制呢個行為

但係我想講做生意買賣, 呢個行頭
店鋪無論實體店定網上店唔多唔少都係真金白銀自己拎出來投資買賣(呃錢戈d短期就唔計)
人地真係出錢又出力做緊, 加上同行如敵國
點計都認真對待過一班鐘意就買, 唔鐘意就唔買班散戶

單是玩具鋪團體性價格策略戰
點講都有凝聚力過班散戶啦

咁好啦, 作為散戶又可以有咩實際行動去對抗?
係玩具店截住條友唔好比佢落訂3300? 打佢一獲? 唔會咁唔文明啦
老老豆豆除左罷買等一年半載d價自然回落
我又真係諗唔到有咩實際行動可以做到

散戶KEEP住個POINT第一水到手但同時價錢要按即時匯率開訂
出貨唔可以等太耐, 要早d將件玩具買返屋企收係床下底

如果有散戶實際建議應該要點做先可以對抗代理/玩具鋪呢個行為
不妨舉下d例子聽下
要做實事唔係網上叫幾句就了事

JohnWick

毋須多講，一隻定價44,000円玩具，行貨賣$3600，我就唔會買了

CPY_2001

ToyKnife 發表於 11-10-2024 11:55 PM
我會答你，你比較有理解能力。
1. 三巨頭賣行貨同水貨都得，只可以講多數行貨。例如孤仔一直有賣日版，你 ...

1.孤仔好少少既地方係如果佢賣行版日版會講明，不過都唔係全部會講，如囡囡pvc.其他兩間就好少、甚至唔講，不過開口問佢地都會答既

2.如果3巨頭賣既係行貨既話，佢地賣3千幾咪就係你想知道既邊度睇到既建議零售價囉，你自己咪話水貨先會自由定貨既

其實你係覺得我問既問題，我自己心裏真係冇答案的對嗎？我唔在意你覺得我理解能力高唔高，我都冇要求其他人要做咩實際行動，只係覺得而家做生意既模式令人想安心購買自己心頭好到頭尼俾人當水魚搵笨而覺得不忿，要唔要聽自己決定，不過希望你唔好再回我，因為到頭尼我覺得你都好似冇明白到我在意既到底係咩，我講東你講西咁，我覺得好累

alien133

CPY_2001 發表於 12-10-2024 02:50 AM
1.孤仔好少少既地方係如果佢賣行版日版會講明，不過都唔係全部會講，如囡囡pvc.其他兩間就好少、甚至唔講 ...

唔好覆喇，有幾個自命清高嘅人已經用“不如有錢買貴啲”or“嫌貴唔好買”嘅 self-consolation哲學去反對其他玩家批評代理市場劣行，點講都講唔埋欄

再再再次重申，買唔買、點買法關人鬼事咩，邊度嚟咁惡嘅人連發表言論都唔畀呢？邊捱貴米邊鬧有乜問題？個個事後諸葛亮呼籲唔好搏代理做市操作等現貨跌，搏衰咗係咪原價讓隻出嚟？等到再有大鑊嘢嘅時候，唔知佢會200蚊按市場需求買廁紙應急呢，定係叻叻豬忍住唔買用手指解決先？？希望呢啲老友到時唔好呻

真係唔覆喇，共勉之
補充翻句，賭人性永遠都賭唔贏，所以先要立規矩，當呼籲理解人性去解決而漠視規矩嘅時候，已經輸了

bunnyyau

拎通販MB黎炒，今年炒SEED真係炒到傻左，連代理都癲埋一份。

自由市場，無人可以決定別人用幾多錢買隻ZETA
不過大家可以理性分析，44000YEN既通販，炒價賣33XX，一定係OVER-PRICED左。

DenloX

ToyKnife 發表於 11-10-2024 11:55 PM
我會答你，你比較有理解能力。
1. 三巨頭賣行貨同水貨都得，只可以講多數行貨。例如孤仔一直有賣日版，你 ...

行貨的話代理會俾建議售價，多數只會有最低建議售價，來保障官方價格 -- 唔明, 如果零售店偏離代個建議價, 代理點控制? 同埋"保障官方價格"係咩意思? 即係官方希望零售價盡量貼近官方價格?

DenloX

alien133 發表於 12-10-2024 09:24 AM
唔好覆喇，有幾個自命清高嘅人已經用“不如有錢買貴啲”or“嫌貴唔好買”嘅 self-consolation哲學去反對其 ...

再再再次重申, 你捱貴米, 即係助長你講嘅"代理市場劣行", 會連累埋其他唔想捱貴米嘅正常人
冇人唔比你鬧"代理市場劣行", 代理有利可圖, 你點鬧, 只要有人貴買, 佢就只會越賣越貴, 你之前都講咗啦, 鬧只係宣洩, 對情況完全冇實質幫助; 你唔認同""代理市場劣行"就唔應該以""代理市場劣行"衍生出嘅高價去買嘢
即係話, 高價訂/買同鬧代理, 兩者係互相抵觸, 堅係唔明, 睇咗咁多Po, 唔知你點理解到話有人唔比你鬧代理, 無論你買又好唔買又好, 一樣可以鬧
個個都好似你咁, 驚買唔到懶理個價合唔合理, 咁咪養成你講嘅"代理市場劣行"囉

定係叻叻豬忍住唔買用手指解決先？？ -- 真係好笑喎, 玩具又唔係必需品, 同埋玩得呢D玩具都唔係細路仔啦, 咁都忍唔到(其實要忍架咩HAHA), 咪L做人啦

立規舉? 好呀, 但立嚟做咩先? 最終目標都係想個價貼近返正常啫, 咁未立到規舉之前, 係咪就應該"做好自己"謝絕炒價先

chlycab

alien133 發表於 12-10-2024 09:24 AM
唔好覆喇，有幾個自命清高嘅人已經用“不如有錢買貴啲”or“嫌貴唔好買”嘅 self-consolation哲學去反對其 ...

早幾年口罩之亂，人係善忘既
你講廁紙呢D必需品，佢地又會話玩具唔係必需品，唔買唔駛死等等......

呢單野，其實都唔係咩灰色地帶，甚至已經可以叫做犯法
奈何真係好似半沢直樹套戲咁，無相關人仕既資料係做唔到

但係呢D咁淺白既是非對錯都分唔到
重要用貨品質素、經濟能力、該系列重覆性等等唔同既詭辯黎合理化呢個行為
(最好笑其中一個理論係舉自由市場個例子，代理迫D舖用同一個價錢開訂叫自由市場?)

咁討論落去只係浪費時間

DenloX

gamelife 發表於 12-10-2024 12:09 AM
佢地係想以消費者個人能力
在網上以口號形式去抵制呢個行為, 更希望可以凝聚一班人一齊抵制呢個行為

ching你要D舖照顧D清醒玩家就真係太理想化了, 買賣從來都係一場博奕, 唔講應唔應該, 做得生意梗係唯利是圖

作為散戶又可以有咩實際行動去對抗?
實際建議應該要點做先可以對抗代理/玩具鋪呢個行為?
冇, 除左買家自己清楚唔好貴買, 冇咩可以做
點先可以令買家好貴買呢, 人都係互相影響嘅, "網上叫"係盡下人屎
我都係咁啱睇到呢個PO講緊呢D嘢, 有時間咪diu吓D高追L囉, 但自已唔叫, 就唔好叫人唔好叫囉

alien133

DenloX 發表於 12-10-2024 01:17 PM
行貨的話代理會俾建議售價，多數只會有最低建議售價，來保障官方價格 -- 唔明, 如果零售店偏離代個建議 ...

其他話題唔再覆，呢條可以好專業咁答你，行貨艇仔派單落嚟，你唔跟價，佢後邊可以好多手段搞你，斬單、慢派等市價跌完再畀足數、扣起你下次靚貨訂數等等，你即管可以唔跟大圍，試下咩後果囉