2025年4月「METAL BUILD」ZETA GUNDAM / Z高達

fallout8

隻鴨脾先恐怖，定價一皮髮d來到香港賣兩皮幾，但係一樣大把米王要，又真係吹笨大唔脹，只能怪自己無努力工作向上.....

bunnyyau

我見有炒家打手用解體匠機同MB比較。
第一，匠機大盒+生產工序多，貨量自然比MB少。
而且每盒成本貴，又佔地方，鋪頭唔會入太多貨。
求過於供，自然會炒貴。  

第二，匠機發售前一路有開訂，唔似MB咁秒殺。

CPY_2001

其實呢個自己不努力論又係搞笑，之前台灣goodsmile 官方加價，巴哈啲人都話要抵制，官方轉頭就笠水，反而香港人鍾意怪返自己轉頭

Lau

CPY_2001 發表於 7-10-2024 09:16 PM
其實呢個自己不努力論又係搞笑，之前台灣goodsmile 官方加價，巴哈啲人都話要抵制，官方轉頭就笠水，反而香 ...

件貨貴，點解人地又買得起、有地方擺，但自己就無呢？？

可能人地幾千萬未開頭呢，家住幾千呎呢…

人地根本唔覺貴呢…

唔恨得咁多架喇...

gamelife

CPY_2001 發表於 7-10-2024 09:16 PM
其實呢個自己不努力論又係搞笑，之前台灣goodsmile 官方加價，巴哈啲人都話要抵制，官方轉頭就笠水，反而香 ...

另一方面自己可以搵多D錢, 買D咩上限都可以提高
MB賣3千已經是常態之下, 上4千只是時間問題

bunnyyau

唔好睇小「中高價位」玩具既同業競爭。
講設計，有POSE+、MAXFACTORY、千值練
講性價比，有CCSTOYS,MOSHOW
有得揀先至係老闆

MB加價到三、四千蚊，咁又要反問吓笨大對唔對得住呢個價？
而且MB既開發成本，笨大焗住要製造足夠貨量才能回本。
玩家係有一定條件SAY NO。

至於Z最終會係下一隻突自？還是另一隻初號機,HI-NU？
呢場對賭只有「無形之手」先知道。

DenloX

Lau 發表於 7-10-2024 10:38 PM
可能係有些香港人反求諸己，不事事遷怒於人！！

事事要求做好自己先！！

香港人嘅問題係, 有錢就做乜都係啱, "做好自己"論就簡直係荒謬
你自己有錢, 係咪就可以買貴哂D嘢? 係咪就可以支持不良手段?
人有3衰6旺, 你今日有錢唔代表你永世都有錢, 今日你自己攪壞個巿, 日後可能你自己都要承受惡果

件嘢係生產方有標準售價, 唔係你"覺得"佢平定貴, 平貴一有標準售價就即係有客觀標準, 而家賣方擺明係集體合謀抬價, 無論你有錢無錢, 照買就等同支持佢

CPY_2001

有啲人就係好似冇能力理解到問題所在，即使講到咩生產成本又好，物價點升都好，件貨本身定價出咗，人地日本老遠都係賣44000日元，香港反而要3千幾，同一樣野尼架喎，真係會香啲架？俾人當水魚搵笨都仲要覺得自己買得起而產生優越感，啲炒家最鍾意

DenloX

CPY_2001 發表於 7-10-2024 11:59 PM
有啲人就係好似冇能力理解到問題所在，即使講到咩生產成本又好，物價點升都好，件貨本身定價出咗，人地日本 ...

或者佢自己係炒9

sbyk

每一個零售商都有分配到既額。譬如我攞到100隻，一開始就會賣比較近原價既價錢。跟住賣到50隻既時候梗係加價。如果個價都仲受落梗係再加。當好多人諗住“近原價太貴，等佢跌到第至原價先買”既時候，真正有愛果d已經出晒手訂咗先。然後哩d人又諗“之前咁平都唔訂，宜家貴咗更無理由訂”，於是又拖，惡性循環，最後升到3000+訂唔落手。

wiswis

gamelife 發表於 7-10-2024 10:53 PM
另一方面自己可以搵多D錢, 買D咩上限都可以提高
MB賣3千已經是常態之下, 上4千只是時間問題 ...

真搞笑, 依家咩時勢, 你估仲係讀完大學大把筍工過你揀？雖然我可以罷買, 我地一班消費者唔滿意嘅係: 一Ｄ普通商品已經被無良代理打造成奢侈品, 只係服務金字塔尖嘅有錢人, 助長炒風只會令通貨膨脹上升, 百物騰貴, 好多餐飲等服務業已經支撐唔住形成倒閉潮, 你係咪覺得冇問題呢?

bunnyyau

我嘗試從唔同角色分析隻Z，唔同意既笑下算

笨大︰我唔海量出貨，新模點樣回本？點樣氹你買DLC和魂限改色？
睡記︰恆指出年4萬點，經濟興旺，隻Z唔炒到四牛就無天理，33XX良心價。
鋪頭︰薄利多銷，26XX炒價賺第一水，好賣就加價，滯銷就23XX官價清貨。賣得快好世界，唔好阻住個貨倉。呢鋪睡記「逼」我賣33XX，無計。
理智玩家︰正價都話考慮下訂(前題搶到)。炒價一係等回落、一係玩少隻。
有錢人︰可變形，四牛都照買

alien133

bunnyyau 發表於 8-10-2024 10:24 AM
我嘗試從唔同角色分析隻Z，唔同意既笑下算

笨大︰我唔海量出貨，新模點樣回本？點樣氹你買DLC和魂限改色？ ...

bandai出貨永遠係跟匯率，開訂高於慣常匯價就只有一個原因，代理玩嘢當月餅賣，一年就做爆你幾款賺呢幾筆大數

匠new匠沙都係一樣，開波就衝破定價匯率，美其名搭貨回本，就係賺翻啲官方死貨蝕嘅錢而已

nela

仲記得N年前超合金魂 GX-03 超力. 港版代理仲好有誠意開發獨有合金超力電磁劍 , 同之後不同機械人跟既水晶/匙扣.. 同公文篋
現在......做左吸血鬼.

回樓上, 恆指今早已跌1700點有多....

gamelife

wiswis 發表於 8-10-2024 09:23 AM
真搞笑, 依家咩時勢, 你估仲係讀完大學大把筍工過你揀？雖然我可以罷買, 我地一班消費者唔滿意嘅係: 一Ｄ ...

自己搵錢少就唔好拉埋晒D咩經濟環境企係無上的道德高地上說話
講真一句玩具自己有能力負擔就買, 沒能力就唔好買, 洗咩理人地係點先
大家都是消費者又唔係廠商
即係如果你好想玩件野, 問下有沒朋友借來玩下LO

再者我自己戈堆MB坑上年已經賣晒.
1. 機體了無新意
2. 製造技術落後
3. 細隻
4. 加價的波幅與產品不能劃上等號
5. 純改色

但另一方面我接受左匠機一套賣2皮

1. 花同一筆錢比人加工製作匠機級數絕不可能達成
2. 太少貨量
3. 玩結構
4. 1隻匠機氣勢已經勝過幾十隻MB. 加上今時今日MB呢個質素賣3千, 匠機還不香?
加上近幾年出現MR魂, 就是MR加一點合金, 定位MR<MR魂<MB
講真用定價去劃分同割韮菜沒分別
但價錢明顯地專攻1000~2000蚊/隻的玩具人可以接受範圍
好多消費者仲分析埋大市搵錢點艱難? 助長炒風?
拜託......廠商同marketing一早已經把大批消費者心理狀況掌握十足

如果你是一名玩家, 你已經唔會買MB的
如果你是一名信仰者, MB呢個品牌無論加價多少都會買
如果你是一名炒家, 沒理由不買