<<CCSTOYS SHIN GETTER 1 "STAR SLASHER VER.">>

nela

wwwkcc 發表於 14-8-2024 04:53 PM
比較嚴重係大髀關節，前後踢腿會跌返落嚟!

咁真係麻麻啊........

頭燈睇係偏籃啦

Hawk

wwwkcc 發表於 14-8-2024 05:49 PM
咁得唔得？

左眼同我一樣喇，不過我隻大脾骹就正常，反而手㬹唔實淨

fallout8

wwwkcc 發表於 14-8-2024 05:49 PM
咁得唔得？

真係偏色wor....

z21948814

Hawk 發表於 14-8-2024 03:43 PM
今次出貨的確唔係咁好，但隻嘢依然係好L型的～不過手㬹真係唔夠實，一放斧頭即刻不舉……{:8_642: ...

師兄你夠膽單手揸斧
我見佢好牙煙下, 連手掌個卡榫係透明硬膠, 上臂個卡榫又係硬膠嚟

Hawk

z21948814 發表於 15-8-2024 09:53 AM
師兄你夠膽單手揸斧
我見佢好牙煙下, 連手掌個卡榫係透明硬膠, 上臂個卡榫又係硬膠嚟 ...

影相玩一陣ok既，之後都係入柜罰企，最大問題其實係一裝個斧頭，手㬹唔夠實就屈埋，所以只可直舉……

熱狗OO

周六攞, 問已買的各位呢隻野包唔包電池的? 如無, 是甚麼型號及幾多粒? 取前買定

fallout8

熱狗OO 發表於 15-8-2024 10:47 AM
周六攞, 問已買的各位呢隻野包唔包電池的? 如無, 是甚麼型號及幾多粒? 取前買定 ...

Ccs應該已經跟曬電。

allenwalker

熱狗OO 發表於 15-8-2024 10:47 AM
周六攞, 問已買的各位呢隻野包唔包電池的? 如無, 是甚麼型號及幾多粒? 取前買定 ...

香港貨包，台灣先好似唔包（法規問題）

allenwalker

<<放假唔玩玩具簡直係浪費生命系列>>

前言：
本來有片，但唔知點upload+share黎TD，所以冇片睇，得link，sor

今鋪真係用生命值硬接，為咗你哋，用$12xxx嘅手機拍攝總值$2xxx嘅兩件合金玩具（用開iphone拍嘢嘅當我冇講過????）


呢兩日好多人講ccs真三一嘅一啲問題，咁我就冇斬星版第二水啦，只有斬星版第一水同埋原色初版，所以只可以用佢哋兩隻去做整理同示範

OK，開波！

～～～～～～～～

一）頭燈問題
咁有人反映佢哋嗰隻斬星版個頭唔係發綠光而係發藍光。

第二張相：斬星版第一水盞燈應該係白光嚟嘅


第三張相：對比返原色初版同斬升板第一水盞燈，似乎原色初版盞燈唔係白燈，又或者似係有少少偏藍（又或者唔係偏藍，但肉眼睇係同斬星版盞燈嘅白色色tone有啲分别）


第四張相：將我隻斬星版個頭放落原色初版個身體度開燈睇睇係乜嘢效果
喺圖3嗰度啱啱咪睇到原色初版盞燈對比之下係有少少偏藍嘅，但換咗落去之後新版頭部嘅透明件依然係綠色


TIPS：喺影呢張相嘅時候我發現咗一樣嘢，肉眼睇係綠色嘅，但我部手機最初影出嚟係有少少偏藍，後嚟我閂咗個白平衡佢就終於變返正常綠色

結論：似乎佢盞燈無論係白色或者有少少偏藍都好，啲光透過綠色透明件之後正常應該都係會係綠色嘅。
咁但係當然我唔排除有啲“中獎”嘅人手上嗰隻係用咗好強力嘅藍色光？…我都唔係好清楚啦…我唔係讀理科嘅????

～～～～～～～

二）武器金色零件契合度問題
有人反映佢嗰隻斬星版第二水嘅金色零件套唔到落支武器手柄度

片一：左邊嗰盒係原色初版，右邊嗰盒係斬星版第一水
https://imgur.com/sGSEU8R

可以睇到斬星版係套得好順甚至有少少鬆添，
而當我套原色初版嘅金色零件上斬星版支手柄度嘅時候，發覺原色初版反而緊啲，都係套到入去但要用多少少力

結論：當然有機會係金色零件有少少工差又或者有啲水口之類嘅頂住咗，但我哋先撇除呢一個因素，我大膽估計一下，覺得好緊好難套入去嘅，其實會唔會係放咗初版嘅金色零件入去盒斬星版度呢？

～～～～～～～

三）將支手柄套入去握武器手時會好緊好難入
同個金色圈圈一樣，有人反映用造型手揸武器嗰陣時好難套入去

片二：我想講，無論係我隻原色初版或者斬星版第一水，都係一樣咁緊
https://imgur.com/cJZbqmv

結論：佢緊，相信係因為怕如果太鬆把武器就會##揈，但佢又唔係真係緊到套唔入，加上支手柄唔係好似mb咁kai用塑膠去做，用力少少係ok唔使驚話會整斷嘅

～～～～～～～

四）背包同飛翼插入嘅問題
同二及三都大同小異，有人反映出盡九牛二虎之力都係插唔入

片三 + 片四：無論原色初版嘅蝙蝠翼或者斬星版嘅機械翼，我呢兩隻都插過掹過好多次，但係每次插入去都係會少少緊嘅，不過只係冇第一次咁難姐
https://imgur.com/GOkzgV3
https://imgur.com/CySEaYm

結論：第一次會緊啲呢樣係男人都明，如果第一次鬆你先驚????
ccs一直都係咁，呢啲唔係預組裝嘅直樁式插入位往往第一次都好緊，成功咗第一次之後就會順暢好多，但唔係代表會變到好鬆
當然唔排除同樣有機會係有工差問題，我嘅建議係，如果你無論如何都插唔到入去，不如試下拎上去米青搵佢啲員工當場幫你整，佢哋都拍得片咁即係佢知點插入啦，佢整到嘅咪冇問題囉，整唔到嘅你就即場插佢要佢幫你換件

～～～～～～～

五）斬星版係咪少咗兩塊電池蓋？

第五張相：直接講結論啦，係！大腿兩側嘅電池盒係少咗兩塊蓋嘅，睇返同原色初版嘅對比圖，原色板係有，而斬星版係冇嗰兩塊


～～～～～～～

最後唔使再問我原色初版嗰個頭係邊度買返嚟，呢個改裝頭已經絕咗版，買得返嘅機會應該好微㗎喇????

Vince

allenwalker 發表於 15-8-2024 12:46 PM
前言：
本來有片，但唔知點upload+share黎TD，所以冇片睇，sor

影片 可以 upload 上 YouTube 之後 post 條 link 就得

Vince

allenwalker 發表於 15-8-2024 12:46 PM
前言：
本來有片，但唔知點upload+share黎TD，所以冇片睇，得link，sor

睇你講 頭燈 時，我個腦自帶左 BGM ….
明明綠燈轉眼變成藍燈 …..


Ps 只有最舊版冇斬星斧版 …

fallout8

allenwalker 發表於 15-8-2024 12:46 PM
前言：
本來有片，但唔知點upload+share黎TD，所以冇片睇，得link，sor

師兄真係好有heart,多謝分享

nela

比 like, 用心用力用 oppo 影相打字 upload  ....

我都係玩返我2只初辦/Actiontoys EX 算了

https://bbs.toysdaily.com/thread-468601-1-1.html

BTW -- oppo 已經要咁貴

wwwkcc

可能玩過上隻對佢期望太高但攞上手頗有落差，好彩新頭新翼新色確係靚!
擺出嚟太阻埞就咁擺住一晚先之後入返箱

nela

wwwkcc 發表於 15-8-2024 05:29 PM
可能玩過上隻對佢期望太高但攞上手頗有落差，好彩新頭新翼新色確係靚!
擺出嚟太阻埞就咁擺住一晚先之後入返 ...

你應該買個轉台放喇叭上... 2只 背對背 企