HT 日日都係 等等等....

darker26

眨下眼又一年，其實唔係咁難等啫。

其間玩下自組，出出入入旺角，幾忙碌㗎！
ilove12inch 發表於 6-3-2014 07:33 PM

其實我都係第一次買ＨＴ，未入坑前從冇諗過會比定錢，等一年，但等待既時候就上黎呢度吹吹水，又忙下自己野，仲叫撞口撞面各師兄，今又好似冇咩野。　

加藤雀

我都唔想HT下下咁慢派,但無奈我地又吹佢唔漲
我自己就有玩埋其他玩具,唔係齋玩HT
可以玩住其他新玩具黎等HT

C.N

手頭三張單皆等待中。個人都係超鍾意先會訂，因為如果跟熱潮貪得意衝去訂過多一頭半個月就會送上雅虎拍賣+超級VIP價。之前Batman同IM MK7都係唸兩唸止步。RoboCop係大野黎，樓主等得耐可以望梅止渴先:

mj23

等吓等吓都差唔多一年. 只要平時唔係冇嘢做, 有其他野忙下, 都唔係好理, 可能我買得都係因為鐘意, 唔會理咩熱潮唔熱潮過咗.

AVP仔

坦白講,千多二千元買一隻figure,最終希望收到有質素的產品,所以訂時都預左等,當然佢有一個期限,但我寧願出來QC好啲甚至改得更加好,如果要玩有現貨或者出得比較快的其實有好多選擇！:78:

neo.L

其實8月是Q2..........另外訂時已經知道要等........

但分批派貨太慢,遲一日訂等多一個月,等了大半年後給你的貨是SAD貨,換貨時留難才是奸商典範!!

格仔餅

真係有人認為HT開一年line生產???

白少一

我反而覺得，寧願HT要用多啲時間去造好件貨品，唔好好似某大玩具公司最近果隻產品攪到左左手/右右腳，趕頭趕命咁出貨，整到一鑊屎咁，我都有四，五張HT單在手，不過我寧願日日等，總好過攞咗件垃圾返屋企日日X啦！:o

lawliettoo

yahoo好多等到無癮放單
有版友教落，買ht d野訂左將張單收埋入櫃當無訂心理上會好過d

所以我而家無乜心機再訂佢d新野，係咁開新產品訂cap水，但出貨就等超耐，幾想玩都等到心如止水，有時都唔知自己買訂單定玩figure.....

我手頭上得返iron man mark42同愛國者兩張訂單，而家超大愛+嚴選先會訂

wayinc

唔知大家有無試過以下經歷？

約一個朋友交收，約七點佢八點先到，約八點佢九點先到…
雖然佢最後都有出現，但原來o係你等佢既期間，佢去o左行街、剪髮、打機…等等
你話燥唔燥？

等唔係問題，大家協議好一個時間，然後咪準時出現囉
遲到固然唔應該，但有時你早到o左，一個電話打o黎，就要我即刻改我個plan去就晒你，咁算點先？

宇宙之王者

HT既野,個個炒,個個排,唔憂做,係咁架啦~ 除非佢意識到盤數有危機感,唔係!?.....做咩要做咁好呢?

cergo

無所謂,坐飛機會delay,巴士地鐵樣樣都會delay
就算bandai都會有delay既時候,不過日本公司相對準時
咁客觀講句,佢係咁,你唔等就唯有離場

路易少尉

玩玩具最忌跟熱潮，有愛先好買:38:

上帝

唔知大家有無試過以下經歷？

約一個朋友交收，約七點佢八點先到，約八點佢九點先到…
雖然佢最後都有出 ...
wayinc 發表於 7-3-2014 12:38 PM

師兄比喻得相當貼切！完全中point:34:

hothot

所以而加都好少訂新野，10隻可能訂一隻
有時派貨之後先再考慮要唔要，可能隨時有筍价，
而加嘅ht好多時會有插水价，到時先執番隻未遲