十五機 – 爆樽文

紫月葵

呢隻我冇入，所以都唔可以講d乜，
但呢類情況，於好多"避交版權費既3rd party"中常出現，尤其係而家好大市場既變形金剛第三方

呢隻十五機做呢個價，又有金屬，但問題都唔少，都已經叫唔係太合格，再睇番tf既第三方，唔駛買版權、全膠、細細隻、多QC及設計上既問題，但計番上黎竟然做個價仲貴過呢隻…但最慘係咩~就係咁既貨色都有人大讚

就如同bandai果d QC差左，又呃錢，換個色換個頭又出一隻，d武器又限定，明明兩盒出得到卻縮細d盒變成三盒出，呃多你一盒既錢等等等等，試問有邊個接受得，但雖然咁，d人卻會繼續幫襯，一邊鬧一邊照買，咁d廠商自然會繼續咁做落去啦

又，睇d玩評，好多時見d人寫到好專業咁，文筆的確係，但心態唔係，因為佢一開始已經先入為主中意左件野，例如話咩情義結呀間廠出名呀之類，所以無論問題幾大幾多，佢都可以無視，甚至講句"佢既優點多過缺點，所以入得過"，我就唔知幾時變左係鬥優點定缺點較多喇，我只知佢有缺點就係有缺點，冇得無視既，所以我讚同LU大你呢個玩評，夠客觀，而咁樣先真係稱得上為一個玩評而唔係宣傳文。

gazza1211

“相片可以騙人”這句好！

現在很多廠都是這樣做。所以，不訂，看實物再決定。

好嘢，貴Ｄ都追。衰嘢，避免了貼錢買難受。

超港人

樓主
好一招 push the intensify of billows & wave
用心之細度，高招是也!

呢件野有幾多斤量，未出前早就意料倒!
{:1_203:}

艾雲

推一下~

其實一件賣出街的玩具，唔應該有咁多CRITICAL問題的出現…

甩件(面蓋)
扣唔到位(AIR TEAM跟SEA TEAM合體位置果塊蓋，拉上去之後都扣唔到成日跌番落o黎)
錯位(指兩隻白色大腿，我原本果隻係上下兩邊合埋時見到有少少鈄左位）
用錯件(兩隻腳板變LAND TEAM位體時要左右對調先合到)

我自己果隻已經叫無咁多問題的都已經咁樣了…
跟早一天入手的EX三角朱古力合金一比之下，高下立見

所以而家部十五機只係放入櫃做DISPLAY…朱古力反而成日拎上手玩(不過都要玩得好小心 =口= 合體後郁大力小小都會分左體…)…

joseph1106

即是遠睇跨啦啦, 近睇.......

但傳聞有改良模, 是否真的?

Vince

唔可以唔比 精華 既文章 !
L-U兄 影相羅既角度可以完全 cover 左 本身隻玩具 既弱點 ... 而文章中亦指出 15機 既問題 ...

baba3703

absolutely right!! 快玩一轉頭甩褲甩，入栓位唔work，頭位攝石連粒釘都吸埋出嚟{:1_229:}
換完件已經封印:die:

mamamiya

就是等一位有資格批評的人出現，門外漢倒是被他騙了不小，但行家一出手便知有沒有

我感覺到這情況就好像年多前有一食店夠薑收人二千多元一隻凍蟹，之後周中師傅便走出來說咁嘅嘢怎能收那麼貴一樣

Forzaman

相信樓主已經道出了絕大部分有入手同好的心聲，包括小弟在內。
現在的心態已經是隨時間淡化自己的悲傷，二千大元呀T^T

ToyKnife

支持一下LU大的post, 真的沒想到LU大會落筆評其他廠的product, 既然係LU大親身報告, 真的有權威性和說服力。

前晚小生和好友拿了貨, 兩條佬因心急所以回停車場便在車上開盒, 30分鐘之後….便向另一好友發了以下what’s app:

“看了。包裝外盒等等係第三廠級數，即係大陸A貨級。上色水平低下， 完全係新手水平，因合金多，基本上沒有原色成形的膠件，上色在純金屬上，沒有底油，淺色部份目視已可隱約見到金屬，可想像脫落的機會係百份之80。用料不足，膠料下乘，又薄膠，很多關節很脆弱，尤以腳部連接兩車位，只係一條極幼的小鐵支，恐怕合體後長企有問題！
好處，還原度真的很高，設計有心思，可動非常高，配件多，第一水有三把劍，不過只是唔同色，全膠。我寫我眼見嘅嘢，由開盒到目測，未玩過合體過，未能評估玩味。”

好要讚, 差的就狠批吧, 其實搣開雪梨paper的一刻, 有點拿到MakeToys大力神時的感覺, 唔"日本", 好"大陸", 不過可能有太多大大劣評, 心裡有個準備, 又未去到Junk grade...希望真的是選錯生產廠的問題, 而不是如LU大所暗示.....我心裡沒有答案, 因不是這行, 我只是一個小小的收藏家, 希望收到優質的玩具....

p.s. LU大, 以你專業意見, 其他廠拿到這Voltron生產的機會高嗎? 看你家店子都能生產一些極famous的角色了

what

樓主
好一招 push the intensify of billows & wave
用心之細度，高招是也!

呢件野有幾多斤量，未出前 ...
超港人 發表於 24-7-2013 12:29 PM

未出前早就意料倒! X2, 所以無訂亦無想買(我認衰用GX-60, GX-61起碼來性價比) 不過唔想馬後砲, ANYWAYS心係想支持本地開發, 亦睇得出開發者既努力, 無奈現實同理想總有差距, 而笨大既技術既高係高喺D細眉細眼位, 唔係一時三刻可以追到既, 見到最後咁多負評其實都有D唔係咁開心既{:1_198:}

scsju

Lu大，可以說說你怎樣加入玩具生產行業嗎？入行條件是甚麼？因我自己也想投身生產玩具，但甚麼基本知識也沒有{:1_240:}

L-U

回復 25# ToyKnife

可能大家未GET到我的潛台詞吧....
我堅持唔會批評其他同行的設計, 亦唔打算打破呢個原則

狠批
是因為痛心疾首, 我敢說世上無人比我更恨鐵不成鋼.....

我承認我心理上無法平衡
如果覺得個POST寫得唔客觀, 非常抱歉

至於版權問題,
已經去左MATTEL度, 香港應該係扲唔到的(?!)
所以都唔大機會........

what

呢隻我冇入，所以都唔可以講d乜，
但呢類情況，於好多"避交版權費既3rd party"中常出現，尤其係而家好大市 ...
紫月葵 發表於 24-7-2013 12:18 PM

再睇番tf既第三方，唔駛買版權、全膠、細細隻、多QC及設計上既問題，但計番上黎竟然做個價仲貴過呢隻…但最慘係咩~就係咁既貨色都有人大讚

同意

j.w

每件玩具，都有自己的價值，其實玩開玩具而又肯用兩千多買呢隻〝奇蹟〞嘅朋友，
我相信都有大愛，但，如果個質量真係咁差的話，真係有苦有樂自己知，
喺呢度討論區入面有好多朋友都有評，好壞參半，究竟係打手多，
定〝五毛〞多..........
總之，多謝L-U大嘅評論:64: