|
本帖最後由 玩具日報記者 於 9-12-2012 07:17 PM 編輯
:71::71::71:
http://hk.dv.nextmedia.com/actio ... 8/18093761/20006131
 
- [url=]適中字型[/url]
- [url=]較大字型[/url]
|
|
|
小時候哪來的NDS、PSP？買來一卷紙，最鍾意打個圈變成紙筒，往手臂上套：「銀芽！」自己就變了雙拳出擊的大鐵人！恨要小忌廉的小星環，阿媽唔肯買，買來粉紅卡紙自己黏黏貼貼，黐滿指模，幾核突都覺得自己小桃上身隨時變身靚女歌星！一張紙，一點渴望再加點想像力，多遙不可及的夢想同妄想都可成真！
記者：陳慧敏 攝影：林柏鈞、蔡家輝
365日幻想計劃
Linus的紙癮，本來與紙無關？在微博、Flicker上常有許多「365日自拍計劃」的群組，每日一張相，扮鬼扮馬。Linus說其實這種形式，自16世紀的畫家Renbrunt已經有玩。Linus：「佢勁畫唔同嘅自畫像，一來用來實驗畫技，二來就話畀工作室嘅「潛在客戶」知，我可以畫到多種風格嘅畫。畫像中嘅自己仲開始扮演唔同角色，都係貪好玩，畫落無咁悶。」
Linus的家裏儲起了許多離奇古怪的Costume，於是也想試試可否變出365個不同的自己。或者，說穿了，不過想試吓做365個變身小實驗。剛開始的時候他甚麼都拍，如午夜跑到去好多人的公園、學校去影張嚇鬼靈異照；他於美國獨立日生日，所以每年7月4日都會扮一次自由女神像；食住威廉王子結婚個勢，又走去扮扮英女皇。且好多時候都會在相片下配一些有點悲觀的英文諺語，或歌詞，寸寸政治，玩玩幽默。Linus：「其實我個人好怕羞，但又想有人睇到我嘅作品。多人睇嘅話即係多人鍾意我嘅幽默感；無人睇即係嗰個作品唔夠吸引，其實都係個實驗。」
 ■09年第一隻紙箱熊貓，揭開365日紙+人作品系列的序幕！
越整越大嚿
而他與紙的緣份，是「每次去買紙都落大雨」的微妙關係。實驗性質的合作，到相遇相知，是無心插柳的漸進式。一年要搵365件Costume，屋企開影樓都唔掂。玩到09年，他開始用公司的紙箱，貼上Memo紙變成熊貓，以動物頭為起點，為往後一堆越玩越癲的紙品系列揭開序幕。Linus：「當時我個目標Artform仍然只係張相。用紙整個頭套都不過係道具，用來彌補我想表達嘅Concept，加埋我個人演繹，先至係我要嘅Artform。但玩咗約四、五十個紙箱動物，越諗越多系列，影影吓我發現，用紙做Artform，比用一個現實道具更有可塑性。繼而掩蓋咗我想去搵道具嘅感覺，變成主導物，反而仲有趣。由一個普通紙箱上貼Memo紙開始整到變3D，越來越複雜，越整越大嚿，然後開始失控。」
於是你Click入Linus的相簿。嘩，不得了。熊貓、肥豬、貓頭鷹；將軍、天馬、月桂女神，人+紙的表演形象搞笑又百變，網上頗受好評的「蝦頭Look」，事緣王子大婚，舉行英國流行的Prawn Cocktail，他就說不如扮一盤蝦沙律去參加盛宴吧。Linus想起都笑：「影完後我都問自己。我響度做緊乜？」誰知不久後居然有人照辦煮蝦，自製他的「蝦頭Look」參加萬聖節活動，「嗰刻我先知道，原來我都有Fans。」有些還好出位又大膽，半裸演出自是常事，如他買了本展示了許多「弟弟」的書，就剛好用來遮住自己的，真與假之間，少少鹹，多多趣。Linus：「我有畀過阿媽睇，咁佢都覺得無問題無所謂，我都唔介意展出。」最重要係，一大堆的任你怎揭都揭不完。
6年來成品有三千張，每張都由最少六、七十張的試驗中精挑出來，塞到電腦Hang機方知何其多。Linus說：「紙係一種好簡單的元素，但最大問題就係整出來嘅作品好易爛，你要好小心咁去做。好似鮮花咁，唔可以儲存好耐，但亦因為生命咁短暫，而顯得更特別。而我造紙嘅道具好有特質，你好明顯睇到個道具係假嘅。同呢個真實嘅有好大對比。如果我想整像真嘅，我不如搵舊嘅去影。」
70's大摺人聯盟
Linus摺的是滿腦的幻想，Chiu則用紙摺卅多年的童年懸念！
細時不能擁有非常崇拜的鐵甲戰士們，長大後又未必買得番。Chiu索性親手做：「我成日去睇日本同韓國做紙模型網站，覺得好靚。於是自己又下載試整。初時只係整細細隻，橫掂都係，不如整隻大嘅！三年前先整咗隻好紅嘅逆轉王，OK喎，就整埋黃金戰士。反正又唔使好多錢，只係用紙同時間之嘛，之後十八號、十七號大鐵人，一路做落去，就變成現在成個系列喇。」
訪問當日，Chiu好似變魔術咁抽出一隻隻令70後攝影師們懷念的鐵甲機械人。大家熟識的柯柏文同麥加登、黃金俠、花了兩個月製作的宇宙大帝、還有受一眾網友下「柯打」叫他弄的「太空五虎將」中的V型電磁俠，統統列陣在前。因為復刻，Chiu每設計一件時都會先上網找相片，但多數只得正面。於是又去Youtube摷卡通片回顧：「二三十年前嘅卡通，有都唔多，而且卡通背脊都畫得好行，好多全靠自己斷估諗出。」摷到，又嫌機械人身材老土；「以前機械人都係腰長腳短，但現在就鍾意腰短腳長，咁我咪又做過佢，等佢個外形靚啲。最難係要夠仔細。好似宇宙大帝，又有翼，拆出來又可以做盾牌。但最花時間設計同做都係個頭。個頭唔似就乜都唔似。」
三年以來，Chiu做過的紙模型都有六、七十隻，由設計到黏合，每隻需時兩個月左右計，三年來阿Chiu幾乎晚晚放工同放假都在家裏砌砌砌。每有新作就貼到網上去，累積了一群玩家，網上不時都有同好要向他買「版紙」，至今已賣掉近三百隻。到底甚麼令他着迷？Chiu：「我都算好鍾意紙，明明係一張紙，但摺到可以變立體，變個波，甚至變成機械人喎！所以玩開紙模型的人，就算個機械人出埋超合金，都係鍾意番紙嘅感覺，自己摺好有成功感。」
「超」創作室紙模型
網址：http://tw.myblog.yahoo.com/chiu_creative2  | 
發表於 8-12-2012 12:06:13
■初期作品只是好簡單的在紙箱上剪剪貼貼。
■最喜歡這個系列，將嘔吐物、打噴嚏、精液、眼淚同腦漿都化成浪漫又有重量的紙品：「唔係好抽象，但又估你唔到。」
■王子大婚扮一扮英女皇。
■自己都不知自己在做乜的「蝦頭LOOK」。
■09年第一隻紙箱熊貓，揭開365日紙+人作品系列的序幕！
■因為「想去長洲」而變出來的海神。
■Fans向熊貓頭致意的「翻版貨」。
■因太易爛，所以他很少保留作品。
■2010年還拿媽媽的舊照片照dup，都是一些怪Concept。
■還有學他扮雀仔的黑烏鴉。
■一列排開70至80年代當紅機械人。這不過是Chiu的一半作品。
■黃金俠為入門者必備。不過始終都是紙模型，關節位動得多會好易鬆。
■宇宙大帝零件多，加上可組裝的盾牌及雙翼，難度最高。
■見到V型電磁俠，連攝影師都以感性的語氣讚嘆：「簡直係Classic呀！」
■柯柏文全身有16個關節，除了頭及膝頭外，連腳趾都可以郁動，可以單膝跪下來，連擺去廁所姿勢都無問題。
發表於 9-12-2012 18:43:57
