動 漫 節 展 商 改 售「 會 場 版 」 ?

Gretzky99

動漫電玩節下月27日起舉行，除首辦中港台日 Cosplay嘉年華，展商也續推精品。大會雖不准出售限量品，但承認若並非名為「限量品」而是「會場版」等名稱便不在此限，「但如果引起排隊黨問題，都係違規」。有展商批評規例不清晰，「打擊唔到排隊黨，但就麻煩咗展商」。漫畫家黃玉郎也認為新例令展覽「冇咗特色」。

動漫節行政總裁梁中本昨稱，為打擊排隊黨，新規定展商限量品只供預訂後到場取貨，不准場內發售，展商違規嚴重會被「封位」。




動漫節下月舉行，將首辦中港台日 Cosplay嘉年華， K（左）指本港 Cosplayer已成為熱門派對嘉賓


首辦「中港台日 Cosplay嘉年華」

不過，被問及若產品以其他名稱如「會場版」等出售，他承認未必受禁售規例影響，「規例重點係打擊排隊黨，所以若果賣嘅產品引起呢啲問題，一樣係違規」。「全世界都知我哋展覽前已經有人排隊」。動漫畫聯會會長黃玉郎說，旗下限量品會先預訂，但認為會令展覽特色減少，「有啲可惜」。但他不擔心會影響生意，「死硬 Fans都會嚟嘅」。
展覽去年人流達69萬，梁中本承認今屆或受影響，「都要取捨嘅」。他又說因會展加租，今年提高展商租金5%至6%。 Gameone發言人批評新例擾民，「改個名就賣得，打擊唔到排隊黨，煩到我哋」。



Cosplay大賽是展覽特色，今年新增「中、港、台、日 Cosplay嘉年華」，主辦的 Cosplayer K便曾參與上述比賽多年，「之後開埋專搞 Cosplay活動嘅公司」。他說，日本 Cosplay發展成熟，如今次應邀的 DJ Gigatsu Hara便是專在女僕餐廳「打碟」。台灣的紅月司、 Hiko也會到港，「台灣有動漫電視台，佢哋成日上電視」。他說內地 Cosplay團體美萌則專門模仿 AKB48等女子團體，粉絲不少。
本地代表為 Sweetness、**等，他說本港 Cosplayer已漸為熱門派對嘉賓，有男士更請 Cosplayer扮魔鬼捉自己女友，自己扮成武士拯救佳人，「其實係求婚」。
動漫會聯會則會首播由漫畫家李志清繪製的宣傳禁毒動態漫畫，顧問楊守能解釋，動態漫畫近年新興，介乎漫畫與動畫之間，是在原有漫畫上加添動作效果，所需技術較動畫為少，適合本地業界開發。

老孫

會場版同限量版係兩回事，會埸並不等於限量，只係會場裡面售賣既意思，妨且又唔准排隊，呢次場出面應該冇排得咁勁，仲講到如果排隊就拉人封鋪，應該呢次大會都好認真想處理件事。

源泉立歃

講明唔俾排,早幾日去訓街果o的可以俾差佬拉.
講到尾,攪限量都係為左賺快錢,冇死貨跟尾.

jedi

會場版??.......只限會場內發售......出面無得再發售, 可能都會引起騷動........唔比排, 班人一樣照排.......一開門咪又衝入去

liverpool_chu

仲係好緊張到底有冇機會買到:unhappy:

hoho10120998

會場版 .....只要掛個牌貨品已售罄..米一樣可以變相限量...只係佢唔會事先講明有幾件貨係倉...咁仲衰囉

"違規嚴重會被「封位」" ..笑左... 排隊黨係展館前面排隊..你又知佢去邊間買野?..唔通要開左館之後睇下條友去邊到買野,之後再衝d食蕉入去封?

唔比排隊我覺得要主辦去打擊.主辦自己諗,你唔比人賣限量,就應該諗埋D方案出黎 填補 比參展商選擇...而唔係推個責任比d商鋪 我就係唔比限量~之後d野你自己死掂佢
仲要做d野出黎斬腳指避沙虫

pathk

會場版?限量版? 妖 咪一Q樣麻煩
會場版一樣可以限量  出邊唔排 出邊無事 入到攤位入邊一樣出事 到時重Q麻煩
如果HT到時死都要係入邊攪開買 一定好亂! CEO多多個伯母都唔夠用
希望HT三思....到時係網上預售攪好哂 叫d人去提貨算

044044a06

其實我都覺排隊係動漫節特色之一,因為我以前睇電視新聞都見D人排動漫,係好好宣傳,會引左我注意!不過以前見就9成都係HK人,佢地可能都有機會炒,不過係自己炒!但上年就特別誇張,集團式咁去排.......
希望今次叫"會場版",係日日都有,唔好求其改過名就算!

e_v_i_a_n_s

諗個個都無腦,咪一樣有咩分別呀

BlackD

其實好簡單, 一個二個都係死蠢, 真係蠢到冇人有
我是但諗個方法都已經解決, 我舉個例

一早公佈一款限定出幾多隻(假設500隻), 要親自到會場用證件一人只限證記一次 (唔好話技術做唔到, excel 有ctrl f 功能, 一搵就知), 一早講埋比人知幾號幾點登記完畢...!!
之後到最後果日係自己攤位向公眾抽出500個名單 (又唔好話難,技術做唔到, excel 亦都有隨機樣本功能)
再唔係第一日係中午5點左右抽左250位/一部份先,用board 貼出黎, 抽到的可以當場核對身份取貨, 之後剩底果d就第日截止報名後抽出(唔好話驚名單重複, excel 有 if= 功能) , 亦可以當場攞或者第2日去指定門市/地點取貨....

尼個方法又可以保障有一定人流, 又可以打擊炒家, 又可以打擊排隊黨。 咁簡單都諗唔到?所以話諗野班人真係廢柴.....

emilykls

其實好簡單, 一個二個都係死蠢, 真係蠢到冇人有
我是但諗個方法都已經解決, 我舉個例

一早公佈一款限定 ...
BlackD 發表於 13-6-2012 12:25 PM

講真句人地公司請咁多人點會諗唔到,只係會唔會咁做姐,唔好係度扮醒目

DIG

其實好簡單, 一個二個都係死蠢, 真係蠢到冇人有
我是但諗個方法都已經解決, 我舉個例

一早公佈一款限定 ...
BlackD 發表於 13-6-2012 12:25 PM

好叻叻呀你:handshake:

Alex23

回復 11# BlackD


    咁醒你做咗老闆la

GTO

其實好簡單, 一個二個都係死蠢, 真係蠢到冇人有
我是但諗個方法都已經解決, 我舉個例

一早公佈一款限定 ...
BlackD 發表於 13-6-2012 12:25 PM

其實阻到排隊黨嚮出面排都有少少幫助
入到會場先排佢就要硬掘入場費...

最好要有HK ID先俾抽啦