Marvel Legends 7" X-men Figure及角色簡介 (多圖多字)

ScarletSpider

呢牌比較忙,呢D影左好一陣子0既相一路未得閒Post出0黎,今次係分享我最喜愛0既X-men,而呢Team Figure係我自已心目中最正造形0既X-men,因我最沉迷X-men時佢地就係呢個裝束,所以我覺得佢地呢個look係最驚典(除左Storm,因白衫先係我0既至愛,但呢隻Storm個人覺得隻Figure出得麻麻,所以無心機買過隻一模一樣0既白色Storm),如可以有埋亞珍Jean Grey(唔知點解總係出Phoenix造型都唔出Jean造型),Jubilee,Shadowcat(當時單買好貴無買到)及White Queen就完美,其他無都無所謂!

X-men Team 大合照


X教授(Professor X), X-men 0既始創人,為幫助異變人而設立學校,教導異變人控制自已0既能力,貫輸應與普通人和平共處的慨念比異變人,唔好濫用自已0既異能,應用於幫助他人,雖與磁力王理念不同,但兩方係了解對方0既老朋友。與Shi'ar星的Lilandra女王係戀人,曾有一段時間X教授因受傷到Shi'ar星醫治,並將X-men交與改邪歸正0既磁力王,但X教授底估左眾X-men對舊敵人磁力王0既承見,令以Cyclops為首0既衆位資深X-men離開X大宅,自組X-Factor,其後有X教授回歸與磁力王再次對站在對立面,而對戰中目睹狼人被磁力王抽出金剛金屬,X教授憤然把磁力王0既精神抽走,但0甘樣做同時亦推翻自已一向力求共存0既主張,而且種下後期Onslaught事件0既禍根,再加上磁力王信徒假扮磁力王後殺死珍之下,X教授仍堅持為磁力王(眾X-men並唔知死0既磁力王只係由信徒假扮)舉辨葬禮,令X-men與X教授開始決裂,而再經種種原因引致日後Cyclops拒絕聽從X教授0既指揮,並將X教授趕離X大宅,再過一段時間後,X教授明白到自己時代已經過去,決定退到後方作支援角色。Figure上無太大驚喜,而可動性對於X教授Figure並唔係好重要,造型上算OK


雷射眼(Cyclops),原名史葛Scott Summer,X教授0既第一個門生, X-men Blue Team 隊長,異能為雙眼能發射光線,但因空難受傷導致他日不能順利控制自已異能,要靠紅寶石0既幫助才能控制,Cyclops係靈鳥Jean Grey(不同譯名: 珍,傳心女俠)之丈夫,因Dark Phoenix事件Cyclops以為珍已死,便與其後遇上珍0既複制人Madelyne誕下一子Cable,但因真正0既珍在牙買加海底被發現,Cyclops始終回歸到珍身邊。其後好多經歷後,珍被磁力王信徒殺死,在臨死前0既祝福下,史葛跟愛瑪Emma(白王后White Queen)正式成為一對,但不被大部份X-men所接受,現時雷射眼已帶領X-men獨立出來,建基於三藩市。但個人唔太鍾意呢隻Cyclops個Body太廋太窄,個比例唔太好,但當年Toybiz到依家Hasbro都好鍾意用呢種比例Body



狼人Wolverine,原名盧根(Logan),骨骼中被植入無堅不摧0既金剛鋼,亦曾被植入假記憶,忘記左自已身份,有自我服完能力及金剛鋼爪,手身好野獸般敏捷,嗅覺極為靈敏,係第一代0既Weapon X實驗品。在Wolverine:Origin漫畫中曾與狼羣一起生活,斷絕和文明社會來住,亦有暗示與一生死敵劍齒虎(Sabretooth)係兩兄弟。Wolverine對Jean Grey存有感情,所以與雷射眼關係唔好,但Jean死後關係有好轉,而Wolverine係X-men內非常受歡迎0既角色。而呢隻Version 0既 Wolverine Figure並唔係我最鐘意0既一隻,但外型號OK,腳部可動度較差,但用0黎放嚮一Team X-men中佢0既大細比例及造型個人認為最適合


珍 Jean Grey(不同譯名:靈鳥,傳心女俠),Cyclops的妻子,係一個極強大0既異變人,但隱藏0既Phoenix力量實在太強,珍基本上難以控制,直到珍變成Dark Phoenix及後死去,令Cyclops極傷心,但珍在死前被Phoenix力量複制回珍0既身體並以蛹狀藏於海底被復仇者發現,但Cyclops已與自已的複制人結婚生子,但最後珍亦與Cyclops再一齊,及後又因種種原因,Я人關係變得疏離,而Cyclops亦開始被隊友White Queen吸引,珍盛怒下殺死White Queen,但因而發現White Queen對Cyclops的真感情,珍令White Queen復活,本可完滿解決三人問題時, 珍就被殺,但死前亦成全Cyclops及White Queen,Figure面相一般,而嚮無Jean Grey造型Figure下,唯有用Phoenix型態0既珍代替


基堡(Cable),原名Nathan Christopher,是Cyclops與Madelyne(Jean的複制人)之子,是經兇兆魔君(Sinister)多番計算下而誕生下來,兇兆魔君目的係要搵一個品種最完美0既異變人0黎完成佢對付千年老妖(Apocalpyse)0既計劃,但千年老妖睇出比嬰漫對自已0既將來會造成威脅,便將生態機體病毒傳到Nathan身上,而為一解救方法係由Askani族女戰士帶到未來醫治,但因穿梭時空資源有限,醫好Nathan後也不能帶回現代,Cyclops及Jean無奈接受,而嚮未來Nathan被視為能對付千年老妖的救世者,回到現代行曾經帶領X-Force,及後亦與Deadpool由敵人變成朋友,Я人拍擋有多次冒險故事! 呢隻Cable外型同可動性屬Very Good,個人極喜愛


暴風女神(Storm),原名Ororo Munroe,是非洲肯亞某部落的公主,母親是族內巫師,但父母在Storm六歲時在戰爭中死去。Storm 0既異能係可控制天氣及自由飛翔,之後X-men有困難,X教授找上這個他在開羅有過一面之緣0既Storm幫忙,隨後Storm便加入X-men,及後曾有一段時間失去異能,但在失去異能時亦能憑她長年訓練中的身手打敗Cyclops成為X-men隊長,回復異能後成為X-men Gold Team隊長,與Cyclops的Blue Team為異變人的前程共同努力,最後Storm更跟青梅竹馬的黑豹(Black Panther)結婚,成為非洲國家0既皇后!而呢個Figure個人覺得外型麻麻地,而且要企穩都唔易,膠斗逢令到擺起姿勢時怪怪的,雖然我心目中白色制服0既Storm先係完美,但因隻Figure自已唔算太鍾意,的唔起心肝買過隻白色制服............


牌王(Gambit),原名Remy LeBeau,由變成小孩時0既Storm引導下入X-men,入X-men後對Rogue一見鍾情,但Gambit有一段唔想比隊友(由其係Rouge)知0既黑暗歷史,Gambit為盜賊出身,在盜取Weapon X計劃資料時曾親眼目睹狼人被鑄入金剛金屬之實驗,曾給Sinister幫助下控制自已0既異能,因欠下Sinister人情而為佢做事,而主教(Bishop)從未來來到現在為找出未來令X-men滅亡的出賣者,Bishop直覺鎖定Gambit為出賣者,但其後發現Gambit係清白,而Gambit與Rogue曾一起被刺傷後失去異能,但Я人因退下火線而一齊過左一段最開心0既日子,恢復異能後二人再加入X-men,而現時Gambit最大0既煩惱係佢體內的Death人格可能隨時出視,令正常0既自已被Death人格的控制。我呢隻Gambit係Boxset套裝,所以件大褸面用仿皮質料(獨立裝用普通布料),但我並唔係稱讚呢個改動,因仿皮質料時間一久就會碎裂,雖然依家好睇D,但唔長久,外型同可動性我都鐘意,但唯一唔好係男再Figure通常做得較矮,女角總係高過男角,Gambit都逃唔過呢個命運



羅剎(其他譯名:獨行女俠)Rogue,原名Anna Marie Raven,佢0既異能為佢帶來痛苦,佢0既異能係只要接觸對方,便能將對方精神,記憶及生命力吸走,令羅剎唔能夠同其他人好親近,妖后(Mystique)因深信預言,認為Rogue這小女孩會改變自己0既人生而對Rogue加以照顧,有點似養母女關係,而羅剎亦加入妖后組織,與復仇者,X-men交戰多次,其中一次吸收了Ms Marvel 0既記憶及超能力,從Ms Marvel的人格中羅剎明白妖后不可能幫自已,羅剎決定找X教授幫忙,但由敵人變成獲信任0既隊友,羅剎亦花上好一段時間去證明,而妖后認為Gambit配唔上羅剎,亦從中攪破壞,令Я人關係由失去能力時親密相處變成關係緊張,後期羅剎跨越Danger對佢0既考驗,成功控制異能,亦令異能成長,成為X-men隊中不可缺少0既主力。呢隻Rogue Figure要Boxset先有,記憶中無獨立裝,除左Toybiz女角面相一向麻麻外,可動性同外型都好好,但仿皮褸同Gambit果件一樣,時間一耐會碎裂



冰雪人(Iceman),原名Robert Bobby Louis Drake,有控制冰0既能力,係第二位X-men,雖然Iceman比Beast及Angel早入學,但年紀較小,所以在最早X-mem 5人中扮演著弟弟0既角色,性格樂天,關心隊友及其細心係Iceman最大長處,因性格開朗令Iceman跟其他Hero成為好友,包括與異能與他各走極端0既噴火俠Human Torch,Iceman追求過Polaris,但Polaris選擇左Havok(Cyclops弟弟),但Iceman仍能跟2人關係良好, White Queen曾幫助過Iceman跨過發揮自已能力的最大障外,異能得以成長,經過兩次異變,而現時的Iceman只要變成冰狀態,基本上可以不死,當千年老妖選擇12位最強0既異變人幫忙時,Iceman亦入選其中,Iceman絕對擁有自已唔知0既潛能。而Figure方面可動性完全OK,但身型與我唔鍾意Cyclops隻Figure一樣,個Body太廋太窄,個比例唔好,而且透明度唔夠,但配件就要讚



心劍 (Psylocke), 全名Elizabeth "Betsy" Braddock，出生於英國，是英國隊長(Captain Britain)的妹妹，心劍0既異能有傳心術、隔空取物、手上可發出能量劍,加入X-men後與一個日本忍者「觀音」 交換了身體，學習東方武術，還一度掌握了意念移物能力。及後與Angel戀愛。目前同時在Cyclops和狼人0既隊中,屬於Blue Team隊員。而呢隻心劍Figure可動性同身形我自已覺得好正,但Toybiz時代,所有女角0既面相大多數都唔掂,呢隻心劍亦逃唔過Toybiz魔掌,其實我都執過下個樣,未執時真係唔太見得人,雖然執左都唔係好好

ScarletSpider

野獸(Beast),原名HenryPhilip McCoy,求學時代因比常人有更長的手腳配合出色體能,成為校中足球明星,在當時已贏得「野獸」0既稱號,而X教授提供的教育機會及智識,令Beast進入X大宅,而Beast亦順理成章成為第一代X-men,修得博士學位後Beast去到Brand公司當研究員,而Beast為阻止上司盜取自已發現0既異變能力增強方法0既成果,利用自已0既發現成為現在全身藍色長毛0既野獸外形,雖不能變回人形,但Beast樂於接受,Beast曾參加復仇者,X-Factor,而Beast曾被平行世界的Dark Beast囚禁,身份被調換,獲救後因在囚禁時的冷靜時間,配合其他資料,Beast終於成功造出困繞異變人遺傳病毒解藥。後期雖然重返X-men,但又發覺與現今有獨裁者風格0既Cyclops理念不同,隨後決定離開X-men,而野獸聰明而有智慧及無私0既奉獻,係我好鍾意0既X-men角色。而Figure無論造型同可動性我都好鍾意,呢隻Beast都係跟Boxset,比獨立裝多左件白衫同眼鏡



主教(Bishop),是未來的異變人警察,跟妹妹一出世便住在集中營,面上更刻上代表異變人的M字刺青,從祖母口中聽到上世代X-men0既故事,甚為崇拜X-men的英雄事跡。在Bishop 0既年代X-men因被自已人出賣而滅亡,而Bishop去查探當時的目擊者LeBeau,發覺這目擊者支吾以對,不盡不實,而LeBeau這姓氏正是Gambit的性氏,所以Bishop直覺地認定Gambit就是當時0既出賣者,所以Bishop由過去回到現在捉魔星時,對Gambit 0既態度表現出極不信任,二人關係極度緊張,直到水落石出雙方心結才能解開,而真正出賣者是由X教授邪惡意識影嚮下化身出來的Onslaught,出賣事件完結之後, Bishop離開X-men,與外星女子Deathbird在宇宙中冒險,現Bishop在X-men小隊繼續在世界各地努力。呢隻Figure外型非常正同型,但由於Bishop非常大隻,手部可動性唔算好好,而Bishop仲有一個光頭Version,不過我無買



鋼鐵巨人(Colossus),原名Piotr Peter Nikolaievitch Rasputin,出生於西伯利亞0既農業家庭,有一兄一妹,在一次翻土車失控時,因情急救妹妹而爆發異能,當時Peter全身化成金屬,同時體力提升下截下翻土車,有一天,X教授出現在Peter面前,希望Peter幫忙去解救被困0既X-men,之後Peter亦加入X-men,期間亦與年紀相約的Shadowcat交住,而Peter為完成治療Legacy Virus的配方(Legacy Virus曾令Peter妹妹致死),願意犧牲自已性命去造就治療配方完成,Peter 0既犧牲救活左千千萬萬被Legacy Virus所感染0既異變人,Shadowcat亦將Peter 0既骨灰晒在西伯利亞草原上。呢款Figure同上面Bishop優點同缺點一樣,外型非常正同型,但由於手部非常大隻,手部可動性唔算好好



天使(Angel),原名Warren Wellington,最早五位0既X-men其中之一,出身富有家庭,在爭奪Jean Grey芳心一事輸左比Cyclops,但Angel仍為兩位隊友送上祝福,當X-men改組後Angel唔可以接受狼人0既處事方式而離隊。其後Angel在地下水道異變人大屠殺中受傷,翅膀被毒槍所傷,再被自已視為好友0既Hodge(Hodge其實極憎Angel)誤導切去翅膀,Angel失去人生最大0既驕傲,當Angel嚮自已私人飛機空中爆炸時,大家都以為Angel係自殺,但其實Angel被千年老妖所救,而且用金屬型態回復Angel 0既翅膀,皮膚亦變成藍色,呢隻Figure 0既造形鐵翼天使(Archangel)就此誕生,沉重0既代價就係為千年老妖服務成為Death,直到Iceman使計令Angel清醒,但自已唔能夠接受改變0既外型而遠離其他隊友,但其後被Tom Black吸取力量,反令Angel膚色回報正常,亦令Angel人生重現光明。而隻Figure我就麻麻地,因又係用呢種窄身Body,而且鐵翼部份為小朋友加入射飛彈0既可玩原素關係,令對翼響背後0既造型同位置好古怪



黑丑(Nightcrawler),原名Kurt Wagner,母親是妖后,父親是Azarel, Azarel不是異變人,亦並非人類,是一個來自聖經時代便存在的種族Neyaphem,佢地擁有強大0既力量及惡魔0既外表,黑丑外型上遺傳自父親,膚色則遺傳自母親,黑丑在馬戲團中成長,因馬戲團中充滿各式各樣人物,亦沒人介意黑丑外表古怪,令黑丑嚮無嚮歧視下成長。黑丑離開馬戲團後,遇到X教授四出找尋異變人幫助被困0既X-men,黑丑幫助X教授後便加入X-men。其後曾與隊友Shadowcat及鋼鐵巨人加入Excalibur一段時間,直到解散後再回歸X-men。而呢隻黑丑Figure外型同可動都令我好滿意



劍齒虎(Sabretooth),原名Victor Creed,與其他Weapon X所改造的特工一樣,記憶都有被更改過,所以他自已並不肯定是否狼人回憶中那同父異母的兄長。曾在狼人生日那天殺死其女友SilverFox(其實都係假記憶),之後更在每年狼人的生日都攻擊他,曾與狼人是CIA Team X的同事,與妖后有一兒子Crayson, Sabretooth有參與過屠殺地下異變人事件,而與狼人多次對決中發現自已有嗜血0既問題,後期求X教授幫忙,希望醫治嗜血0既問題,因而X教授認為Sabretooth並非係絕對壞人,不理其他X-men反對收留Sabretooth,而在一些行動中,證明只要Sabretooth願意,佢0既力量可以用於正途,而佢亦短暫地成為過X-men,當得到X-men逐漸信任後,又突然攻擊X-men隊吏,更聲稱自已只是一直在演戲,之後Sabretooth加入過X-Factor及Weapon X,但每次總是攻擊隊友,野性難馴而結束。但Sabretooth對狼人卻有一份執著,視令狼人痛苦為人生目標,最後Sabretooth求狼人用可抵消自癒成份的村正刀殺死自已,狼人亦完成Sabretooth 0既心願。而隻Figure造型凶猛可動性亦唔錯,我自已非常鍾意


早期制服0既狼人,但以Figure計,呢隻係我最愛0既狼人Figure,無論外型同可動性都Very Good,唯一仲差D 0既係佢唔係我最鍾意0既黃藍裝制服




以下4款都係不同Version 0既狼人,你又鍾意邊款呢?







未變Archangel時正常0既Angel型態,不過隻翼太大,好難企穩

ScarletSpider

我喜愛0既X-men奸角及亦正亦邪角色合照


磁力王(其他譯名: 萬磁王)Magneto,原名 Max Eisenhardt,擁有以色列人血統,是Scarlet Witch及 Quicksilver父親,少年時與X教相遇,二人在異變人立場各異,但互相欣賞,因自已0既經歷產生要拯救同族的使命感,亦認為異變人應統治普通人類,與X教授與人類共存理念背道而馳,而因理念不同,磁力王成立0既Brotherhood of evil mutants與X教授0既X-men有多次對戰。但X教授在一次混亂中身受重傷,需要去到佢0既外星愛人奈凌達Lilandra身邊醫治,而X教授離開前交托一個重大任務比磁力王,就係呢段期間幫忙帶領X-men,但並得唔倒X-men對呢個舊敵人0既信任。而近期更幫助由Cyclops建立0既Utopia,先幫助阻止Predator-X 0既侵略,再與海王子合作建築海底支柱令Utopia不至於沉沒,亦盡力救回與滅世子彈飛到太空0既Shadowcat,這令X-men相信呢位昔日敵人已變成值得信任0既盟友。而Figure方面自已唔太鍾意,因呢隻磁力王共用左早期ML Ironman個Body,對腳0既比例好短,如果唔係0甘,以呢隻Figure面相0既雕功,應該係我極喜愛0既一隻X-men Figure!


千年老妖(Apocalypse),原名En Sabah Nuhr,出生於遠古埃及時代,極可能係世上第一個異變人,佢利用自已得到0既外星人知識及力量,在遠古以Apocalypse千年老妖0既名字自居,以適者生存0既理念稱霸埃及。之後佢又再沉睡,嚮不同時代選擇適合0既肉身將自已0既精神傳過去,好繼續比自已開拓霸業。18世紀時千年老妖遇倒一個能控制自已身體內0既細胞而達至不老不死0既異變人兇兆魔君(Mr. Sinister),熱衷於遺傳工學0既兇兆魔君同千年老妖一拍即合,二人0既合作關係亦隨之而建立。後期看透古今0既千年老妖發現Cable 0既存在對自已係一個極大威脅,於是用新開發0既病毒對付孩童時0既Cable,呢種病毒亦係日後禍燃萬千異變人0既病毒。後來Cyclops雖然被千年老妖侵略肉體,但最後終於被Cable拯救Cyclops之餘並消滅現今年代0既千年老妖(未來時代0既千年老亦係比Cable消滅)。而呢隻Apocalypse Figure並唔係我喜愛0既型態,我較鍾意由ML各Figure Bouns Part組合而成14"果款型態0既老妖,而由於呢隻老妖又係大隻造型,所以可動性唔算太好,但整體係OK的


紅坦克(其他譯名: 力霸,牧牛神)Juggernaut,原名Cain Marco,其父Kurt與X教授的父親是同事，後者死於事故後其遺孀嫁給Kurt，於是X教授和Juggernaut成了戶籍上的兄弟；Juggernaut不是變種人，在遠東被一個古代魔神Cyttorak選為自己的化身而有了超凡的力量；後來他因反抗Cyttorak而失去了很大一部分力量，淪為官方僱傭的特工。頭盔同樣能阻隔X教授的心靈感應。Juggernaut其實也有著灰暗的童年，從小X教授就一直表現優秀而Juggernaut自然被比下去，而父親整天只會毆打辱罵他，造成凱因心裡不平衡，當他知道X教授是變種人時更是恨之入骨。而Figure方面我都唔講太多,只能講"無得彈",係我極為喜愛0既X-men Figure之一


凶兆魔君(邪惡先生)Mr. Sinister,原名不詳,在千年老妖改造下能擁有控制自已身體內0既細胞而達至不老不死0既異能,係一個熱衷於遺傳工學0既異變人,脫離千年老妖後,凶兆魔君繼續佢0既研究,更致力尋找最完美0既基因生下最完美0既異變人,而背後最重要0既目的當然係借呢個最完美0既異變人將千年老妖消滅,而當時凶兆魔君就留意列Cyclops 0既家族,隨著Cyclops 0既成長,踏入社會,加入X-men都嚮凶兆魔君0既監視中,而珍與Cyclops相戀,更令凶兆魔君認定佢兩人生出0既下一代,必然係一個最完美最強0既異變人,於是凶兆魔君暗中複制珍0既細胞,但複制後0既複制人珍並無意識,只能在培養液中生存,直至被Phoenix掉包0既珍肉體連同Phoenix一起死在月球,珍原本0既意識本應回到真正0既珍肉身,但當時真正0既珍肉身左牙買加海底沉睡,於是呢份意識連同Phoenix 0既力量走入左凶兆魔君0既複制人身上,於是凶兆魔君為珍0既複制人制造左一個假身份,以Madelyne Pryor 0既身份與Cyclops相遇戀上及結婚,經凶兆魔君長年計算下,千年老妖命中剋星Cable終於生出來,最終Cable亦完成左凶兆魔君0既目的將千年老妖消滅。而隻Figure外形我好滿意,夠霸氣,可動性亦唔錯,斗蓬由其精細


奧米加紅色(Omega Red),原名Arkady Rossovich,為受僱於前蘇聯0既超級戰士,有受過優秀0既徒手格鬥的培訓,有擁白色皮膚,他的手臂內植入的carbonadium類似的adamantium，Omega Red有能力從他的身體分泌"費洛蒙",而"費洛蒙"能將人殺死在一瞬間。Omega Red亦可以從這些受害者吸收生命力量,以維持他自己0既力量。 Omega Red雖然嚮X-men世界中並唔係0羊重要再色,要搵倒0既資料亦唔多,而我比佢凶猛0既造型吸引,所以我會儲佢0既Figure


火狂(Pyro),原名St. John Allardyce, 澳大利亞出身的記者，被妖后的兄弟會招募，後感染對變種人致命的Legacy病毒；臨死前從妖后一夥的槍口下救了凱利議員。呢隻並唔算係我X-men中好喜愛0既角色,而買係因為當時係一set買,而就Figure而論,我諗呢隻Figure我屬於唔鍾意,因整體比例古怪,淨睇個Body,你就覺得個頭有D大,睇埋對手就覺得古怪地長,好以猩猩feel,本來Pyro個造型唔錯,隻Figure出到0甘真係好可惜


妖后(Mystique),原名Raven Darkolme,出身不明,有紀錄早在20年代妖后已經出視,冷戰期妖后曾化身成女特務,能力係能夠將外表變成另一個人,懂得多國語言,係黑丑(Nightcrawler)生母及羅剎(Rogue)養母,但妖后對兒時0既黑丑非常絕情,當時妖后係將黑然拋入山谷中遺棄,換角度講妖后並無打算比黑丑有生存機會,而收養Anna(羅剎)係因為妖后相信Destiny 0既預言,指出Anna這小女孩對自已人生有著極重要0既意義,所以妖后以Raven Darkolme身份下令Anna成長,Anna長大後正式以"羅剎"化名幫助母親,但係妖后無法幫助羅剎解決異能上失控問題,妖后只能無奈接受親眼看著羅剎去叩X大宅0既門。妖后亦有一子(普通人)Grayson長大後成為政客,但比子極憎恨異變人,而Grayson亦係妖后首個遣棄0既兒子。妖后最後死於狼人手中,但妖后屍首被收集後交到一群忍者組織手中,而呢個組織城有把戰士復活為已用0既住積,所以妖后0既故事可能仲未完結。而Figure方面我覺得中規中舉,但外型上可以造得更好,可動性OK


賭命俠(其他譯名: 死侍)Deadpool,原名 Wade Winston Wilson,出身於軍人世家,因患上肺癌而自願參加實驗成為第二批Weapon X,被注入第一代Weapon X狼人0既自療成份而得到治好癌症,但癌細胞卻令佢全身皮膚組織被破壞,所以Deadpool面罩及制服底下有嚇人外表,而後遺症亦令Deadpool精神有異常狀態。
因多次接近死亡0既實驗中Deadpool見到掌握死亡0既女神Death,並愛上她,所以Deadpool經常主動做危險實驗,目的為見死亡女神Death,而多次求死而不死令Deadpool變成實驗品中0既傳奇,佢每次實驗後0既不死結果打破基地中用"誰是下一個死者"來作賭注Dead Pool 0既賭局, Deadpool名字亦因而命名。
逃出實驗室後開始以Deadpool名義成為最強僱佣兵。Deadpool為不同0既恐佈份子賣命,在一次工作中遇到日後0既朋友Cable,二人在日後有一段時間拍擋面對多次冒險及成為互相信任0既朋友,而Deadpool被Cable影嚮下,慢慢成為一個"精神有問題"0既英雄。Deadpool喜歡講笑話去發洩壓力,而佢亦係Marvel世界中小數有自已係一個漫畫人物0既自覺0既角色,Deadpool經常會講"在12頁中有提及....","嗯.....大約由16期開始到現在"等對白,亦不時會有大開其他Marvel漫畫受歡迎與否玩笑0既情節,所以Deadpool係我認為非常有趣及吸引0既Marvel亦正亦邪人物。
而Figure方面,呢隻Deadpool真係無得頂,可動度高,外型正,武器多,仲附有無面罩Deadpool樣貌更換,係一隻我認為出得非常正0既Figure
,



呢個post我用左大約個零兩個月去寫,因Figure角色好多,又要搵資料,搵完又要去細閱,細閱及消化後再精簡寫出0黎,大部份角色介紹每段最少要花半個鐘以上,所以短期內都應該唔會再寫,因真係要好鐘意玩具D角色先有興趣用0甘長時間寫,應只會出D好少字好多相0既post大部份0既資料係參考CR5!兄寫0既專欄,佢令我對好多Hero 0既史歷獲益良多,嚮呢道對佢講聲多謝。而講番D Figure方面,呢套X-men Figure系列比起先前介紹過0既Spiderman Figure系列平均質素較差,外型上好多角色都造得唔太好,令我有D失望,我都係比較鐘意下面以前5"系列多D,哈哈.........下次如果再有機會再同大家分享其他玩具!

玩具烈士-奇雲

好正的介紹及用心的圖~  我以前都好似你咁用心.....我老了! haha~

支持~!!!!!

ScarletSpider

回復 4# 玩具烈士-奇雲
短期內都唔會再有寫0甘多字0既post,
因真係要用太多時間, Ha Ha........

pcwolf

LIKE 爆呢個POST~~~

原罪

:$終於知道自己認識既X men漫畫人物既故事…及下場…
好詳盡，好好睇。
多謝大大:77:

Fukuiraptor

支持!!!:71::71:

pierreinhk

perfect!!!!!  thanks!!!

goldwater

此post置頂不為過~~~ :71:

36韜

好正, 好詳細的 post
不過美玩 figure 的面相, 真係好有花面貓的感覺
:66:

Devil_Fudou

真係好有心機~~~~ 支持支持~~ :71:

DQGUNDAM

good post :71: :71::71:support

Sabertooth

我也很期待ml出Jubilee.....

gumng

好正的REPORT, 多謝分享!
現在全部都是天價貨, 追不回了, 幸好有師兄的相片, THX!!