香港人

路人丙

好耐冇響到開帖,今次想開帖講下"矛盾".

蘋果日報每日既報導都係唱衰香港政府,唱衰大陸,
近期既大陸人湧入香港更加係話題之作.
我自己既想法係,何來大陸新移民?
佔左80%既大陸大肚婆搶閘生仔,佢地既另一半都係土生土長既"香港男人"!!!
香港男人北上搵老婆,車天車地吹到自己識飛咁滯,
到搞大人地個肚,咪要對方來港產子,申請綜緩.
蝗蟲.......?邊個帶來香港?
香港政府?大陸政府?香港男人?
矛盾也!

蘋果日報老板係肥佬黎,佢比左好多錢神棍陳日君就係人都知.
但點解蘋果日報日日唱新移民,
陳日君就強烈要求香港政府立法比高齡子女來港做新移民?
點解香港人只會認同肥佬黎既反新移民而鬧香港政府,
而對陳日君既要求就默不作聲?
傀儡?無知?香港人?
矛盾也!

好多香港市民都好仇富,
MTR閘內有便利店,小食店,
但點解MTR規定閘內唔準飲食?
哩個問題之前已經有好多香港市民投訴MTR跣人.
但人地閘內有便利店,係咪等如你要即刻食?
唔可以買返屋企先食?
咁響街既便利店有避孕套買,你一買左係咪又即刻響條街除褲用?
企業霸權?仇富?定係你地唔用腦?
矛盾也!

角色一轉,響MTR閘內食野既人由香港市民變成自由行,
上面成套觀念即時大逆轉.
本來既企業霸權,跣人計謀,即時變成香港人對大陸人既"文明規則"!!!
哈,好利害既香港人~~~!!!!
你唔好同我講你冇試過響地鐵閘內飲過"一啖水".
巴士上都講明"不準飲食",但又有幾多香港人有守過哩條"文明規則"?
自以為自己守規則?歧視?狗眼看人低?
矛盾也!

哈,終於講到"狗"喇.
冇錯,香港人係狗,仲要係愛祟洋,愛歧視既狗!!!
"只不過"..................
並唔係所有香港人都係狗,而係某部份比蘋果洗腦既香港人先係狗.
矛盾,點矛盾?!
民建聯請食飯係小圈子,你爽報又何倘唔係用低於成本價去賣野比市民?
大家都係為左吸引人去支持你,食飯定送禮又有咩分別?
香港人日日鬧大陸人係蝗蟲,冇文明,共狗,大陸狗,
咁人地鬧返你係香港狗又有何不可?
香港人?大陸人?香港狗?大陸狗...........
又有咩分別?
矛盾也!

貨車仔

:67:我只係一隻路過既貨車狗...................

小堅

1. 有土生土長既香港人北上結婚，亦有有錢既大陸人搵中界人公司等佢地黎香港生BB...

2. 蘋果最鍾意搞埋D咁既野，就算唔係蘋果，都係報憂不報喜...

3. 佢廣播話入閘及車箱內嚴禁飲食，如果入閘後有7-XX或者OX便利店，咁樣已經FAIL，如果買返屋企食，咁我屋企唔返到屋企附近先買...

4. 車箱飲食就一定唔岩，唔理係咩人種或者咩國家，只係今次個主角係大陸人，所以有新聞價值，同埋點解冇人講禁停部列車個位人兄既行為，有冇需要為左有人係車箱到食野而禁停部車...

5. 鬧乜都唔好啦，呢個問題已經出現左幾十年，以前香港人幾威，返大陸去鄉下，D人真係當你神咁拜，依家大陸人開始有錢，又話人地落黎搶資源，但係又唔諗下以前自己又係成日北上消費...

P.S. 師兄呢到唔適合討論既D問題，因為好多人都係反大陸，當然如果大陸人做得唔岩就一定要反，但係D&G事件，又連埋落大陸人到，咁就真係乜都反一餐...

就好似之前盲搶鹽咁，大陸人落黎買鹽，香港人又驚死冇鹽死搶埋一份...

路人丙

1. 有土生土長既香港人北上結婚，亦有有錢既大陸人搵中界人公司等佢地黎香港生
小堅 發表於 31-1-2012 02:12 PM

D&G.......嘿!!

其實有冇人知成件D&G既過程?
當日係有倆個物體對住D&G門口影左45min!!!
冇錯,係足足對住人地個門口影左45min!!
比我?你影住我舖頭門口5min我都已經趕你走.
成件事我地係咪應該要先睇"動機"?
一個正常人,會唔會對住一間舖頭影45min?
點解一開始蘋果日報手上會有咁多哩件事既情報?
仲有冇人記得人辦"陳健康"事件?
http://zh.wikipedia.org/wiki/%E9 ... 7%E4%BA%8B%E4%BB%B6
係蘋果日報比錢佢去做show!!!

點解一件陳健康事件,都唔可以令香港人醒覺?
醒覺到蘋果日報係一份會"造假新聞"既爛報紙?
D&G歧視香港人?請問邊個講架?
肥老黎?蘋果日報?
你見過有大陸人/鬼佬影人地門口影足45min但冇比人阻止?
咁講鬼ar?

路人丙

D&G.......嘿!!
其實有冇人知成件D&G既過程?
當日係有倆個物體對住D&G門口影左45min!!!
冇錯,係足足 ...
路人丙 發表於 31-1-2012 03:32 PM

試下有人影住一個擺街邊,70幾歲小販阿婆,
影足佢45min.
睇下到時係阿婆比人鬧,定係影佢果個人比人鬧?
香港人,歧視?
歧視定仇富呀?
香港人,省省吧!!!

小堅

D&G.......嘿!!

其實有冇人知成件D&G既過程?
當日係有倆個物體對住D&G門口影左45min!!!
冇錯,係足足 ...
路人丙 發表於 31-1-2012 03:32 PM

我唔知真正既版本係點，如果真係影45分鐘，我諗任何一間鋪頭都唔會畀你咁做...
好多人唔會理解件事既經過係點，淨係會睇報紙 / 網上一面倒既說話...
我可以講正常人都唔會係廣東道名店門口影相...
又唔係咩景點，又冇咩聖誕 / 新年裝飾...
我唔明點解會有人係到影，仲要係香港人(唔知係唔係私影啦)...

不過D人只會睇到呢句「香港人唔影得，大陸人影得」...
咁未畀人無限放大，又話咩霸權又話呢又話路...
仲有個蘋果記者話去放蛇，我心諗都唔知係唔係真係放蛇...
定係一開始已經表明自己係記者，我就唔信有間鋪頭會畀個記得亂影...
不過件事都過去左就唔好再題...

所以報紙只會睇有冇新聞價值，過氣左就唔會再題...
呢排講緊大陸人來港產子，未個個都報...

如果真係佢阿爸係土生土長既香港人，就好似陳日君咁支持，我又覺得冇問題...
如果唔係既話，我覺得就有問題...

聖鬥士JACK

我之前都舉過例
試吓影周生生, 周大福 睇吓入面d人出唔出嚟
有可能你影個報紙檔, 報檔老闆都會問你做咩影佢個檔

Douglas.M.Saint

歡迎回來！！:)

車仔

丙丙~!! 好掛住你呀~~~~:love:
一返就開d咁正o既post, 撐爆你~!! :blame:

anson@yeung

中國人歧視中國人!!唉.............:70:

玩具

蘋果不嬲都係無立場有水就抽架啦
無人會同 APPLE '同一陣線' o既
你鬧 d 人信晒蘋果其實係多餘啦

anson@yeung

有篇文章,很適合現時社會,在此分享一下~
【明報專訊】過去一星期，我看了一齣讓自己感動 的電影，那是《阿漢正傳》（My Name is Khan）。 這齣片被形容為印度版的《阿甘正傳》，但其實片 中的寓意卻比《阿甘正傳》更為深遠。

做好事抑或做壞事，其他都無關宏旨

主角阿漢是一個患有自閉症，但心地善良、天資聰 敏的印度人，雖然不諳人情世故，但卻待人真誠。 母親死後，他到美國投靠早已移民的弟弟，因緣際 會，與一位美麗的單親媽媽結婚，另組新家庭。本 來三口子生活美滿，但人生無常，發生了911事件。 阿漢是一名回教徒，他的宗教背景，從此讓他以及 家人飽受歧視及欺凌，為別人犯上的惡行而背負上 十字架，夫婦更因此出現芥蒂和嫌隙，最後家裏更 發生了慘劇。

她太太在傷痛欲絕、心力交瘁之餘，再無法負擔這 個十字架，因而叫他離開。但天真爛漫的阿漢便問 太太說，那麼幾時可以回來？太太賭氣的說，除非 他能見到總統，在他面前說一句﹕「My name is Khan. I am not a terrorist.」就是這樣，阿漢便展開 了歷盡艱辛之旅。

片中有兩幕，在今天這樣分化的社會，尤其發人深 省﹕

阿漢年少時無知，試過貪得意加入了「唱衰團」， 整天把「唱衰」印度教徒的順口溜掛在口邊。有一 天，當他又在家中「貪口爽」時，被母親聽到，便 立時嚴肅的把他拉到一旁。母親在他面前畫了兩個 火柴人公仔，一個拿着棍子，一個拿糖，再問阿 漢，哪個是好人，哪個是壞人？他毫不猶豫的說， 拿着棍子的是壞人，拿着糖的是好人。母親再問 他，那麼，哪個是回教徒，哪個是印度教徒？阿漢 茫無頭緒，說分辨不出來。母親說關鍵就是如此， 做好事的就是好人，做壞事的就是壞人，是否回教 徒或是印度教徒，無關宏旨。

母親﹕Remember one thing, son. There are only two kinds of people in this world. Good people who do good deeds. And bad people who do bad. That's the only difference in human beings. There's no other difference. Understood? What did you understand? Tell me. Tell me.

阿漢﹕Good people. Bad people. No other difference.

不錯，人與人之間，只有一處分別是重要的，那就 是做好事還是做壞事，其他宗教、膚色、語言等分 別，都無關宏旨。

天堂大門的唯一門檻

片中也有另一幕﹕阿漢為了要見到總統一面，來到一 個為非洲飢餓兒童籌款的餐會。原本receptionist看 見他的一副寒酸相，便說餐券要500美元，希望藉此 讓他知難而退。但當他掏出辛苦掙來的500美元時， receptionist再說這是一個基督徒的聚會，不歡迎其 他教徒。阿漢沒有強人所難的硬要闖進，他只是把 500美元謙卑的放下，並說﹕「Please keep it, for those who are not Christian in Africa.」

是否很non-sense？我想神的眼中，只會看到一個分 別，那就是，有人選擇濟人之急，有人卻選擇袖手 旁觀，這也是天堂大門的唯一門檻，其他族群分 別，都無關宏旨。

香港局勢讓人憂心忡忡

我曾經認為香港是世上對不同族群最為包容的一個 地方，但近日事態的發展，卻不容我不憂心忡忡。

因為雙非嬰兒和自由行政策所造成，對香港社會容 納能力所造成的衝擊，因着D&G禁拍風波、港鐵進 食罵戰、北大教授孔慶東罵港人是狗等風波，而火 上加油，引來一次大爆發。據報道，上個禮拜，有 本地人組成「唱蝗團」，在廣東道名店和旺角行人 專用區「快閃演出」，一邊唱歌，一邊高叫口號， 沿途「唱衰」內地孕婦搶牀位、搶奶粉，以及旅客 隨地大小二便等行為，惹來內地遊客不滿。

至於網絡上的罵戰，更是無日無之。據報道，有網 民甚至不單止把內地孕婦描繪成蝗蟲，還設計出大 肚蝗蟲圖案，極盡醜化的能事，甚至聲稱要以此製 作海報，並貼在遊客區，向內地旅客抗議。結果， 這些消息和圖案又在內地討論區及微博瘋傳，造成 兩地的進一步撕裂。

我想大家都有責任叫停這些行為。

不要讓不相干的人背上十字架

孔慶東是孔慶東，其他祖國同胞是其他祖國同胞， 更何况香港也一樣有出言不遜的人。或許有內地遊 客會在地鐵車廂內進食、不守秩序，但類似的港人 也不少，最近自己才在地鐵月台親身碰上，被人用 嬰兒車從背後撞上，而對方竟然還惡人先告狀說自 己不需要道歉，而其口音顯示他是一個如假包換的 香港人。我們千萬不要上綱上線，一竹篙打一船 人。

如果一個行為要不得，那麼任何族群的人做這個行 為，也同樣要不得。我們要批評的是這個行為本 身，而不是扯上當事人以外其他並不關連的人。一 個祖國同胞做這樣不對的事，不會比起一個香港人 做，要來得可惡。

不要只為宗教、膚色、語言，以及族群，而讓無辜 的人，為了別人所犯的惡行，而背上十字架。

這是《阿漢正傳》一片的主旨，也是歷史上無數悲 劇的一大教訓。

Good thing. Bad thing. There is no other difference important.

我們所畫所寫，就如一面鏡子

我們當然可以在政策層面，討論雙非孕婦的問題， 以及香港醫療系統和資源的承受能力，也可以討論 自由行的問題，以及在基建及社會配套上能否承受 得來，有必要，我們還可以提出把有關政策放緩， 甚至堵塞政策上的漏洞，但把別人醜化，例如以蝗 蟲的模樣醜化，卻是萬萬要不得的行為。

其實，我們畫的東西、寫的東西，就如一面鏡子， 在那裏，我們看到自己。

我相信「將心比己」。香港人最愛出外旅行，如果 我們不希望自己到海外旅行時，也被當地人當面 「唱衰」，如果我們不希望自己那些移民到加拿 大、澳洲等地的家人、親戚、朋友，也被當地人醜 化為蝗蟲，那麼，請大家自己也不要這樣做。

A way that heals, not a way that wounds

我想起美國總統奧巴馬，以及他的一篇動人演說。

去年1月初，美國發生了嚴重槍擊案，民主黨國會議 員吉福茲（Gabrielle Giffords）在一個政治集會上被 開槍擊中頭部重傷，案中更有6人中槍身亡，這宗慘 劇轟動全美，事後也惹來各種上綱上線、互相指摘 的言論。

就在此時，奧巴馬發表了一篇演說，指出在那一刻 最重要的，是停下來，想一想，確定這些爭論到底 是在治癒傷口，還是在把它進一步撕裂﹕

「it's important for us to pause for a moment and make sure that we are talking with each other in a way that heals, not a way that wounds.」

奧巴馬指出，只有一個更加文明及誠實的公共討 論，才能讓國家面對挑戰。

「Only a more civil and honest public discourse can help us face up to our challenges as a nation.」

或許，有時我們真的會被一個人的言論，或者某些 人的行為，而弄得怒火中燒，但我誠懇的希望大 家，能夠停一停，想一想，究竟自己正在做的，是 在治癒傷口，還是在撕裂傷口？我們正在進行的， 是一個文明的，還是一個橫蠻的公共討論？

在很多人怒火攻心的這一刻，我誠意推介他們去看 看《阿漢正傳》這齣電影。

蔡子強

中文大學政治與行政學系高級導師