SDCC Marvel Legend --- 6" Thor

gumng · 發表於 2-9-2011 00:39:31

本帖最後由 gumng 於 6-9-2011 01:18 PM 編輯

ML Thor VS MU Thor

6" THOR:　啤咩呀死矮仔？
3.75" THOR: 你唔啤我又點知我啤你呀？大舊衰？

6" THOR:　　　死矮仔咁串，唔郁你我唔叫ＴＨＯＲ！
3.75" THOR: 　　講打我未驚過？人叫ＴＨＯＲ你又叫ＴＨＯＲ？大舊衰，我先你真正雷神ＴＨＯＲ！！

6" THOR:　　心聲：（咁細粒竟然擋到我呢吓鐵鎚無敵ＭＪＯＬＬＮＩＲ？死矮仔有Ｄ料到）

3.75" THOR: 　　心聲：（呢個巨人好大力，好在我有ＭＪＯＬＬＮＩＲ，頂得兩嘢！再鬥力一定輸，要以快打快！）

3.75" THOR: 　　心聲：（一鎚扑死你個大舊衰！）

6" THOR:　　心聲：（好痛！死矮仔來真，唔發火擋我無料到？）

6" THOR:　　死矮仔！扮我仲咁惡死？等我撕開你兩邊！

3.75" THOR: 　　大舊衰！我都未話你係冒牌，仲惡人先告狀？

3.75" THOR: 　　放手啦！大舊衰！

6" THOR:　　　死矮仔咁都走得到，有Ｄ料到！
3.75" THOR: 　　大舊衰，你都唔差！估唔到大大份都咁敏捷，比你捉到！！

6" THOR:　　　我話哂都打偏 Marvel Legend 無敵手，洗怕你條死矮仔？看招！

3.75" THOR: 　　怕你？我以後仲洗係Marvel Univeral 立足？

3.75" THOR: 　　等等先？呢個ＰＯＳＴ唔係介紹ＭＡＲＶＥＬ　ＵＮＩＶＥＲＡＬ咩？
6" THOR:　　　死矮仔！我先係主角，呢個ＰＯＳＲ介紹ＭＡＲＶＥＬ　ＬＥＧＥＮＤＳ！！

3.75" THOR: 　　原來係平衡宇宙！ＳＯＲＲＹ！搞錯地盤，唔好意思！大舊衰！
6" THOR:　　　死矮仔！好在你肯Say Sorry！算啦！如果唔係.....

gumng · 發表於 2-9-2011 00:59:08

本帖最後由 gumng 於 6-9-2011 01:18 PM 編輯

其實今年動漫節公怖 HASBRO 會發售這款 SDCC 限定 Thor, 已經很想去買, 但由於沒有儲開 Marvel 6" 玩具, 而且這款限定版的價錢十分昂貴, 所以一直都卻步..... 等下年年頭的 Marvel Legends 普通版 Thor 好了!!! 想不到最後竟然亦能夠擁有它, 實在要多謝一位朋友, 十分感謝他送了這款SDCC The return of Marvel Legends --- Thor 給我!! THX AGAIN!!!

講講玩具, 6" Thor 的面相的確很仔細, 面部表情十分出色, 惡形惡相, 比 3,75" Thor 好得多, 可惜個人不太喜歡它的反白眼造型, 有點看不慣!! 身形方面, 接近八吋的身形十分巨大,而且霸氣十足, 但卻有點過份 "大舊", 雙手和雙腳十分健碩, 但胸和腰的線條美略欠不足, 比例造得有點失準!

上身穿的衣服是用硬膠製成, 跟身體連在一起不能分開, 衣服亦比較簡單, 衫紋和摺痕較小, 不能突顯出衣服的質感, 看起來不像大隻佬, 反而有點 "大舊" 的感覺! 相反衫腳位置的衣服衫紋就雕刻得不錯, 有真實感! 頭盔, 雙手和雙腳的"格仔"盔甲, 雕刻得不錯! 長靴就比較單調, 沒有仔細的摺痕, 雕刻一般! 長袍摺紋造得十分出色, 充滿飄逸的感覺!!

可動性只是比MU 3.75" 的THOR 多一點, 令小弟有點失望!! 手腕可以上下屈曲, 但大脾和股位間的球形關節, 可動性卻不高, 這款球形關節跟一般的有點不同, 大腿向前或後屈曲的幅度比較小, 衫腳位置的遮擋, 令屈曲的幅度更加低!! 頸亦沒有關節, 抬和低頭的角度亦不多!! 足踝更沒有提高貼地能力的內外屈曲設計, 令巨大的 THOR 站立時亦有不穩的問題!! 基本上可動性比新款的MU BODY還要低, 孩記是否偷工減料呢?? 唯一優點是關節比較緊, 可以支撐THOR的巨大身形, 而又不會鬆散!!

上色方面是最令人滿意的一環, 衣服的金屬藍色十分搶眼, 漸變色的感覺很吸引! 雙手和雙腳的"格仔"盔甲, 金屬色亦很有真實感, 加上舊化效果, 十分出色!!

整體來說, 這款6" THOR 玩具和小弟預期中有一點距離, 水準比6" WINTER SOLIDER差, 令人有一點點失望! 希望明年推出的6" Marvel legends 玩具, 各方面都有改善, 有更高水準就好了!