分享我們的合金魂宇宙大帝，也分享我們的集體回憶

XO仔

我的回憶....
阿天 發表於 2-8-2011 07:50 PM

你一定有個好愉快既童年

ivancheck

同牌子重有隻賣$2.5 既小食玩, 係可以15架合體變隻大恐龍既大大記唔記得,
卡邦卡又係正野黎果陣要搵同學仔 ...
龍騎 發表於 3-8-2011 09:57 AM

記得,要儲15隻,好似每盒有個位有NO.睇慨:35:  ,砌咗出黎得一隻色麻:45:,仲有以下呢隻又有冇印象?

ivancheck

對唔住忍唔到再講多樣, 以前想買玩具除左考第一至三名之外重有一個機會就係去飲果陣,
唔知點解, 去親飲付近 ...
龍騎 發表於 3-8-2011 10:02 AM

你係唔係講緊呢D:36: ,我都有買過一兩盒:43: ,係喺文具舖買,好似係$12.5,之前去日本都見到有得賣,不過價錢就.....:47:

pilotkit

講起D食玩,我以前住大圍D屋村,記得商場有間叫ABC糖果屋,賣嘅野同呢家零食X語差唔多,我最記得有好多食 ...
ivancheck 發表於 2-8-2011 07:00 PM

呢位大大, 小弟亦喺大圍長大, 直程係住喺大圍(村屋) 係一出世就喺大圍住嗰隻...你講嗰間屋邨 ABC糖果屋..我都有啲印象..係咪喺美林邨商場嗰間吖?! 大圍村入面仲有間文具舖, 叫"豐順行" 依家仲喺度, 兩層嘅..樓下賣文具同衫褲! 樓上賣模型玩具, 我成日走上去睇玩具運吉,  考試測驗如果成績好, 老豆都肯買, 當年我老豆就係喺嗰度買咗隻"高迪安"比我! 再早期啲, 喺大圍銀行街仲有一間玩具舖 好似叫"X洽" 唔記得喇? 不過好早執咗..可能你唔知啦...我細個未見過大帝合金, 最留口水又買唔到嘅係"斷空我" 當年 "豐順行"有得賣..!!

pilotkit

回復 149# kevinwong4ever

可惜我嗰個衰仔( 已經8歲 ) 凈係鍾意推車仔, 連LEGO 都懶得砌, 求其砌兩對轆+軚盤, 坐個人仔上去就扒喺地推....失望!!, 我屋企, 合金魂, 超時空, 變型金剛, 模型, PS3, PSP...ETC 樣樣有齊, 我仲特登四圍搵啲 DVD, VCD 卡通片比佢睇, 但係個衰仔, 連玩都懶! 唔鍾意睇圖同, 諗變形...!! 依家啲細路同我哋真係好唔同.....

pilotkit

無錯,同意~~~~~~
kevinwong4ever 發表於 2-8-2011 09:29 PM

    可惜我嗰個衰仔( 已經8歲 ) 凈係鍾意推車仔, 連LEGO 都懶得砌, 求其砌兩對轆+軚盤, 坐個人仔上去就扒喺地推....失望!!, 我屋企, 合金魂, 超時空, 變型金剛, 模型, PS3, PSP...ETC 樣樣有齊, 我仲特登四圍搵啲 DVD, VCD 卡通片比佢睇, 但係個衰仔, 連玩都懶! 唔鍾意睇圖同, 諗變形...!! 依家啲細路同我哋真係好唔同.....

kevinwong4ever

可惜我嗰個衰仔( 已經8歲 ) 凈係鍾意推車仔, 連LEGO 都懶得砌, 求其砌兩對轆+軚盤,  ...
pilotkit 發表於 4-8-2011 01:15 AM

    我嗰兩件對嘜都有興趣，近來買d變型金剛比佢地玩，佢地三分鐘熱度，玩咗一陣d class已難唔到佢地，之後買咗盒sd 高達比大嗰個砌，講一次就明點砌,見佢砌個時隻眼發晒光，如果佢讀書有咁精神就安樂了，嘔血...

玩具Joe

大圍豐順行以前我都成日去, 因為有個同學仔住個附近. 記得有年生日, 班同學仔想送份生日禮物俾我, 提意響個度買盒大魔模型(1/100)俾我, 但最後我揀左佢.....銀河烈風
貪佢可以分體成五架電單車, 好特別, 好似幾好玩咁.





早前係網上俾我遇番佢, 結果…:34:

tonyakc

大圍豐順行以前我都成日去, 因為有個同學仔住個附近. 記得有年生日, 班同學仔想送份生日禮物俾我, 提意響個 ...
玩具Joe 發表於 4-8-2011 01:57 AM

:shiny:  Wow，我記得以前我有呢隻不可變嘅合金啊！真係好懷念…:$

模型我砌過百獸王，要用膠水，當時整到成手AA膠，但又好enjoy 陣味…:(

kevinwong4ever

嘩，銀河烈風我都有呀，不過係超合金:)