炒 家 僱 大 批 排 隊 黨 務 求 搶 盡 動 漫 節 限 量 品

Gretzky99

動漫電玩節後天開幕， 18K黃金打造的聖鬥士星矢手辦、多個電影人物人偶及特別版遊戲機將於場內限量發售，部份產品價錢已於網上炒高近一倍，大批炒家提早在場外排隊。有排隊人士指有人聘請主婦及南亞裔人士當「排隊黨」，以求搶先入場掃盡限量產品後即轉手牟利。



本周五開幕一連五天





動漫節後天開幕，有排隊人士指不少炒家聘用「排隊黨」搶奪前列位置，入場搜購限量模型轉手牟利。





一連五天的動漫電玩節本周五才開幕，但昨日灣仔會展外已有近 200人排隊。排首位的業餘炒家黃同學上周三已到場，開幕前九日「霸位」，只為搶奪越一科技的《 LFO小鬥士大冒險》限量產品，「其實唔係好知有乜產品。預咗 2,000蚊買嘢，會將部份轉售，希望賺 1,000蚊。如果一蚊買到黃金版星矢，咁珍貴，都唔知賣唔賣出去好」。
排在黃同學之後的資深漫畫迷蔡先生表示，每年與數名朋友輪流排隊，他指今年特別多炒家，「（炒家）可能有 200人都唔奇，不過我只係買《天下》嘅精品，自己儲，同佢哋目標唔同，佢哋又後過我，唔關我事」。
另一名不願透露名字的排隊人士稱，約有三批炒家專炒 Hot Toys電影人物人偶，部份為內地人士，「上年賺大錢嘅炒家，今年請主婦及南亞裔人排隊，二、三百蚊一個」，務求盡搶限量人偶。
排隊人士指今年最「當炒」的產品應是 Hot Toys推出的《蝙蝠俠》、《鐵甲奇俠》及《鐵血戰士》一比六人偶，場內限量 600套，一套三款合共 4,140元，每人限購一套，有炒家已率先在拍賣網開價，以一套 6,900元出售，但暫無人問津。

入場人士料維持 68萬









越一科技今年除熱門遊戲《 LFO小鬥士大冒險》產品外，更推出聖衣以 18K黃金打造的聖鬥士星矢手辦，售價 1,986元，限量 100個，其中少於 10個有漫畫作者車田正美的簽名。越一總裁朱仲豪說，簽名手辦隨機發售，但首名買家可以一元購買，「今年係星矢 25周年，有日本 fans電郵問可否以 20,000蚊賣畀佢」。
動漫電玩節行政總裁梁中本稱，今年入場人士料維持 68萬，他指無法控制炒家排隊位置，「任何人都可以排隊，好難監管」。




(炒家)每隔兩日都改變位置, 一變四, 四變十二,來到這禮拜更加諷刺.........:43:

catcat

每隔兩日都改變位置, 一變，四變十二，來到這個禮拜更加諷刺.........

好歌！:71:

timyin

其實大家都預左啦，只要有水位，就一定有人買，就同iPad 2一樣

明鏡止水

呢幾日好多玩具店都冇人開舖啦, 個個去哂排隊~:DD:DD

老文

出面熱到死..仲攪d咁野...遲早出事

diamond001

「名額是固定的，人卻多了，結果係大家鬥早去排隊。」有資深炒家更指，有內地人去年動漫節購得限量人偶，並在香港某拍賣網放售，卻遭本地收藏家和炒家杯葛，放售半年仍無人問津，最終被迫收回。

年年損手, 都有人以為依個世界有咁多羊牯
馬sir個fans, 年年新聞都訪問佢, 今年唔知佢又有乜炒呢~

toysng

呢篇文好似動漫節宣傳稿咁...

yugi

稅局追佢地稅啦:*..........

red_bull

咩話? 日本fans想以20,000蚊買?
佢話20,000yen咋??

果汁先生

咩話? 日本fans想以20,000蚊買?
佢話20,000yen咋??
red_bull 發表於 27-7-2011 09:33 AM

    即係 佢地都覺得唔價$1986依個價
=3=

玩具人生

講真真正炒家都唔鬼理你班港人啦!!!
賣去ebay大把人要,重要美金計~
佢地排隊都要時間或金錢付出,所以呢d錢抵佢賺.
我就冇咁有恒心....好彩唔中ht D毒!!!

RRAAYY

每隔兩日都改變位置, 一變，四變十二，來到這個禮拜更加諷刺.........

好歌！
catcat 發表於 27-7-2011 08:23 AM

    16 號炒家！好歌喎！

mr406aa1

每隔兩日都改變位置, 一變，四變十二，來到這個禮拜更加諷刺
笑左...但好寫實

denniskwong

我永遠唔去排隊, 有時睇新聞都幾好笑~