第1次買變形金剛已經唔想再買下次

gnx2

之前睇左電影覺得好型就想買隻黎玩下，點知...


個盒

實物.颜色方面都ok，不過闗節就認真差...連隻手都系得博頭同手腕勉强郁到



機器人唔好都算啦.唸住變部車會好d...結果又出事...


見唔見好大条【喇】位


原來系粒釘釘唔入.自己有试過整.不過都唔得


總结：今次可能我無買貴果d所以無咁好.但系依隻個價都等同買到盒gundam啦，但都咁差，真系對變形金剛幾失望...

紫月葵

你冇玩開，唔清楚tf玩具既設計及銷售方式姐，玩多幾隻，做下research就會明

gnx2

你冇玩開，唔清楚tf玩具既設計及銷售方式姐，玩多幾隻，做下research就會明
紫月葵 發表於 24-7-2011 11:40 PM

    我真系唔系太清楚啊...可能貴d  ge會好d啦.但小弟并唔系咩有錢人加上屋企又快無位摆所以都唔會點去買.不過我都想問下大约6寸ge變形金剛邊種會比較好d啊？

玩具Kenny

會唔會係誇張到連個少少gap位都接受唔到下話
呢D野乜玩具都有D架la
就算買其他個D玩具都有機會有咁既情況
總唔信你之前買個D玩具件件都完美掛
:76:

其實如果唔係揀角色既
咁覺得邊隻靚就買邊隻啦
不過如果係追求可動既咁唔好買變形系列了
revoltech/模型版個D可能會更啱心水

原罪

唔係幫老變講咩說話，不過請問可變既gundam有邊隻無「啦」位？

不如有機會，大大搵下電影2既貨。可能條氣會順d。
車型好，有時人型就無咁好。
反之亦然…
有時兩樣都做得好…就角色唔出名或者可動會差…
總之變形金剛好少出得完美…

不如試試近日插水插到暈既電影2星星叫L級。sogo上個月見到可以砌牆…（大概兩隻或者隻半細野既價已經可以入手。）
真係物超所值。
呢隻就可動普通，但變型一流，細節一流，人型機型都唔錯，仲有聲光效果。
（不過有時會覺得好x嘈）

玩具無完美既…老變出得最好既，應該係MP01既柯柏文，就接近完美啦。（對於小弟黎講。）

玩下啦，變形金剛係一種價錢唔算貴，但可玩性高既產品。

紫月葵

我真系唔系太清楚啊...可能貴d  ge會好d啦.但小弟并唔系咩有錢人加上屋企又快無位摆所以都 ...
gnx2 發表於 25-7-2011 12:03 AM

tf唔係以價錢黎計好唔好玩，有d細細隻平平地既都好正
而且我都唔有錢，我而家連工都冇番，唔計食宿，我幾千蚊用到大半年都未洗晒，想買既新出產品何其多，但又唔係有錢人，咁點知邊隻好玩邊隻入得過？建議你可以上utube睇下人地d鬼佬review，雖然難免有少量廢話，但成個變形系統、gimmick、優點缺點、有咩要注意等等都講晒，可以令你減少好多入錯手既機會，揀d真係覺得經典既先買，唔係點喎，窮就係唔可以乜都話要買嫁啦。以你呢隻為例，佢就咁玩就唔係太好玩，事關佢係要配其他tf，呢隻野既特色先會顯現，咁你只係比佢單飛就緊係覺得冇隱啦~同埋講到tf，唔可以同日系機械人比較，雖然都係日本仔設計，但玩法等等都好大分別，靜係講隻用料比日玩come玩呢點經冇得比較
6吋，通常都係deluxe class，冇話邊隻好唔好，睇個人，重複上面講到，我建議你搵到個角色，記住佢個名同o係邊set既，上utube睇下人地d review再自行定奪
而邊段review好睇我之前講過，唔重複啦，有心去搵番早排一個講"utube有段片係個日本仔好趕咁將隻dx豪獸神變一次既片"既帖，我有回過，講晒我覺得好既reviewers

玩具

我諗你對老變系列真係有錯誤期望了
其實我認同部份老變玩具以今時今日 '玩具' 標準真係唔入流
又其實呢隻 class o既老變係入門級 , 老老實實真係 for 小朋友多o既...
不要求太多卦 ?

可能而家細緻度高o既玩具真係出得太多...
令人都以為完美無縫上色 100% o既可動 pvc 膠先叫做 '玩具' 卦...

CK1984

以今時今日的物價指數
咁既價錢唔通變到識飛？

sk9091

其實睇大大發圖水準同對玩具認知都估到應該係中學生 冇錢或者唔放太多錢落玩具係正常的
所以可能會買D比較平的老變玩下  但對鬼佬玩具真係唔好要求過高了 始終老變我一向覺得係for fun 認真你就輸了 其實變型合理 似返原作7成樣 已經十分收貨了

bananaman

在下玩TF的日子唔長，仲只係玩MOVIE，唔知講得啱唔啱。


在下覺得TF唔係玩造型玩可動，係玩變型過程，變得爽，變得過癮，咁就夠，老實講，你變得過唔過癮先？
但要追求高可動、靚靚造型，真係唔好玩TF，或者玩上個月TOMY款模型/ 來繄隻REVOLTECH，但就無得變型ga 啦。再唔係可以試下追返上集DOTM，後期幾款都好，D級的BLADE BUMBLEBEE同樓上有提嘅L 級STAR SCREEM喺MOVIE TF來講算係極品。

另外見樓主用GUNDAM來比，在下反而有興趣，以呢個價錢買嘅GUNDAM，有幾多隻有變型、有可動、有駕駛員、唔駛自己砌、仲變完型無隙先？唔計舊嘢、跌價嘢喎~就算係 以前嘅MIA，變完型都唔會無隙啩？

saihttam

haha~我反而覺得好奇係, 既然係睇完電視先買, 點解偏偏會買隻電視無出過ge lei?? 電影有出既, 是但一隻D class BBB/sideswipe  可動都唔差ga wor~

廬山百龍霸

算啦哥仔, 今次你就當經一事長一智啦 ; 下次買玩具前咪上嚟 td 問吓大家意見 , 索吓料先決定買唔買囉 ~

熊貓仔

其實同gundam比係2種類型
gundam模型要求係無隙, 平滑, 上色加工等, 玩法屬於外觀型, 大部份都唔會拿住係度fly來fly去~
而老變玩法完全唔同, 講求變型, 係屬於玩樂型, 真係會拿住fing來fing去, 所以外觀上根本"無必要"做到咁靚, 如果太靚就會變成不倫不類了
再講多d, 就係你玩老變可以玩到成隻掉落地拿起再掉過(勁硬正), 但gundam..有幾多人會咁玩?

不過...我係玩開gundam的 ^^"

jetman_black

睇到火都來，咁都有得抽水

Duraxyll

其實呢set Human Alliance 嘅性質係做人地武器居多 (Thunderhead 除外).  又變大炮比人用， 又有車mode， 又有機械人mode， 算係咁 la.

想平但又想好玩， 應該買隻鐘意嘅 D class.