日本經過這次8.9 級強烈地震後，會否影響到笨大對玩具的生產進度呀??

Toro

kaikai，TD係玩具討論區，雖然日本出事，但世界仍然keep住轉。
玩具可以keep住買，只要唔係刻意抽水、串日本、幸災樂禍，其實冇乜問題。
如果有人走入正常post內叫所有人停玩玩具，認為咁先至尊重死者，呢d就叫自意識過餘。
我理解你呢方面既想法，但想法係要用別人接受到既語言去講出黎，唔係一黎就開炮。
入呢個post，提出意見，無非是想跟樓主分析成件事，唔係想扮正義。


發問的樓主，唔係唔畀你問，但有時做人要睇時機
你其實唔算太過分，只係冇設身處地去想一想別人感受。
先唔批評你，簡單解釋你聽，BANDAI玩貝都是Made in China，
但跟進設計方面，都需要HK Bandai同東京 BANDAI既人去處理
如果東京總公司既BANDAI員正可如常返工，應該唔會影響玩具生產進度。
但日本方面經此一難，可能少左玩家有意欲買起宇宙大帝呢類22,000YEN貴價玩具，bandai將成個project delay都唔係奇事。
模型方面，BANDAI模型在靜岡製，那邊災情不重，反而輸出商品到外國可能會有遲延。


日本人唔係冇災後由零開始重建既經驗，佢地精神力非常強韌。
相信日人必定比一個想玩日本玩具既香港人，更想盡快復甦自己既工作、重新過生活。
多D買日本商品，某程度上仲算係支持佢地經濟，絕不是錯事。
但我相信，起返D樓，輸入食物，安置流離失所災民，先後次序上應該比生產玩具排得更前吧！市面仲有大把玩具買，玩住其他野先，耐心等一等啦。

天天~

kaikai，TD係玩具討論區，雖然日本出事，但世界仍然keep住轉。
玩具可以keep住買，只要唔係刻意抽水、串日 ...
Toro 發表於 12-3-2011 08:10 PM

好同意你嘅講法
但係考慮到今次災難嘅嚴重性同埋樓主依個post嘅標題
真係會俾人一種樓主關心玩具多於關心人命嘅想法
相信好多回post嘅人都係咁諗

:(

題外話, 原來HK Bandai有份跟進設計㗎?:@
你唔講我真係唔知:(

garykctse

題外話, 原來HK Bandai有份跟進設計㗎?
天天~ 發表於 12/3/2011 20:28

yes, 好耐以前明珠台 Japan Time 個節目, 有集就上左金鐘海富中心 Bandai Asia office 度, 受訪問嘅其中一位設計師就係做合金嘅

小堅

認真丫...
咁關心天災同關心玩具
兩回事來的...
有時連玩具 REVIEW POST 都要 Post-script 夾硬講埋日本 ...
玩具 發表於 12-3-2011 04:31 PM

關心天災同關心玩具無錯係兩件事...
但樓主既問題就係將呢兩件事連埋一齊...
例如：有人POST去C3既戰利品，我覺得冇問題...

依家唔係話針對發生天災後POST玩具既POST...
而係天災後，唔關心都算，點解要關心一樣非必需品...
就算真係延遲咁又點，又唔係得樓主一個延遲...
遲玩幾個月都唔會死人，但係呢個時候問D咁既野自然黑人憎...

DIG

又成班人扮哂有同情心

人地關心D乜

係人地既事

個個抽水狂插樓主

唔喜歡就唔好入黎

每個人都 ...
kaiwai 發表於 12-3-2011 01:46 PM

一個有趣嘅回覆,原來開POST討論一樣野係唔俾人講反對架,
如果有人反對就叫人唔好入黎. 人地關心咩野,的確有自由,但請以後唔好上討論區開POST,返屋企同阿媽講算啦,阿媽應該唔會扮有同情心同埋抽水嘅.

玩具

關心天災同關心玩具無錯係兩件事...
但樓主既問題就係將呢兩件事連埋一齊...
例如：有人POST去C3既戰 ...
小堅 發表於 13-3-2011 02:33 AM

下... 點解唔可以關心一樣非必需品
在我看來 , 佢問得笨 , 係因為天災過後生產一定有影響 , 問來都多餘
但重點是並不需要摻雜乜野同唔同情o既情感
件事自然地有因果關係 , 而唔係 "佢將件事拉埋一齊來講"

你話咩時機唔時機問題
兩睇啦... 佢而家又唔係o係日本 forum 度問呢 d 野
其實無話乜傷唔傷害民族感情
不過我知呢度好多人當日本係祖國o既
叫日本人做同胞添 ! 如果有人係因為呢種原因而感到唔舒服我又可以理解o既

點都好 , 我唔會阻你地 _ 七佢o既 , 或者 _ 埋我o既
因為我講o既野好似唔係好o岩你地聽吧 ?

大姐姐

又成班人扮哂有同情心

人地關心D乜

係人地既事

個個抽水狂插樓主

唔喜歡就唔好入黎

每個人都 ...
kaiwai 發表於 12-3-2011 13:46

言之有理。

小弟覺得如果認為樓主有問題, 應該用些耐性和禮貌, 指正一下, 大家Happy。  但有些人的言論正是「傷害」樓主。   

這麼雞毛蒜皮的事, 就要那麼嚴厲的指摘, 究竟邊個無同情心?

993213

正如我頭先抽住C3既戰利品去食晚飯，餐廳老闆話"你就醒囉，人地果邊地震，買咁多攞去炒"
我好行貨咁 ...
chlycab 發表於 12-3-2011 12:07 AM

咁佢又真係...:what:

阿lun

樓主諗乜我都明既,只係佢表達得唔好/太直接姐..

老實講,我都有擔心到今個月既神龍會唔會遲黎,但我諗遲硬既啦
我地呢d星斗市民又真係做唔到d乜..只能祈求上天,日本的朋友能夠平安無事..

pein

kaikai，TD係玩具討論區，雖然日本出事，但世界仍然keep住轉。
玩具可以keep住買，只要唔係刻意抽水、串日 ...
Toro 發表於 12-3-2011 08:10 PM

你嘅回覆就真係大體得多啦!

塊魂

回復 46# Toro


    我真係覺得呢個post 最公正既回復...
好老實...
日本地震宜家唔係成個日本冇左..
有3/4 仲可以正常工作
咁問題黎喇..
果3/4 係唔係因為呢件事要全國休息去哀悼先?
如果係,插樓主果班人可以繼續插
咁事實好明顯啦...我公司d日本人都係繼續飯照食,酒照飲
其他地區一切如常,只係關心既野好似好切身咁...
(好似果時sars咁,咪得疫區停止工作,其餘香港人都係工照開)
玩具呢樣野大家睇好似係非必要品,但係對一間公司黎講係一件商品,好多人要用呢樣野搵飯食
無論,零售,廣告,運輸,製造業都可以有關連....
所以我地連呢d 都唔可以關心,我諗acg 大國~日本...
會因為呢次天災,佢地既經濟做成永不超生既地步(可能我誇張左啦)
希望各位唔好自我意識過剩啦...

香港人

但當去到有核危機影響時, 就唔係同一個問題...
樓上以沙士做例, 咁好應該知道, 一個小型城市, 全面癱瘓係幾恐怖, 無事既人要繼續運作個社會, 何況日本係一個國家...???
的確玩具行業係養起許多人, 但相信面對天災, 無人會以玩具為先卦...???
唔通九級地震於bandai總部附近, bandai仲發聲明正常生產gunpla...???
在於日本, 呢個只係地點問題, 震唔震得中咁解啫...
連電視台全部都係有關新聞, 一切劇集, 節目都停晒咁濟, 人地既所謂正常運作, 都係同個災難有密切關係架...
同情, 唔係睇死傷幾多人而決定既...
死幾十萬人就傷心, 死幾千人就可以冷眼待之...???

Toro

回復  Toro


    我真係覺得呢個post 最公正既回復...
好老實...
日本地震宜家唔係成個日本冇左..
...
塊魂 發表於 15-3-2011 04:13 AM

我覺得只要唔傷害災民,拿災情開玩笑,傾乜都冇所謂
也不認為傾下地震完玩具幾時出係有幾傷天害理
總之言之,發言要"照顧人感受"

如果話樓主想玩玩具,又唔係害人,問下都係人之常情,
反過來說,TD講玩具,ACG,集結起來既人唔多唔少都比較喜歡日本吧
當日大家在節目中即場目睹了災情,點都會有人心情比較激動.
如果同日上網見到呢類言論,覺得反感,又係咪人之常情呢？

所以大家都冇錯,也無謂再傾了,呢一個moment,玩具的確太無足輕重.
又唔係永遠唔出,相信情況許可,商人就會做野,呢D急都急唔黎.

老文

樓主...網上就係咁..正義人事大x把..睇開d

Toro

但當去到有核危機影響時, 就唔係同一個問題...
樓上以沙士做例, 咁好應該知道, 一個小型城市, 全面癱瘓係幾 ...
香港人 發表於 15-3-2011 07:20 AM

我留言當日,核問題未有咁嚴重,而家佢地面對既問題更多
日本係一個睇大氣候做事既民族,東北出事,可能連關西既娛樂都會停晒.
唔係一個某地區出事,其他地方可以馬照跑舞照跳既地方.

我唔係話佢地扮野,佢地係非常細心.
比如電視,電台而家係用作廣報功能,娛樂就要退.
又或者講電力不足,你用D電開機做玩具,即係用左人地整麵包既電
所以娛樂事業必定會暫時,最少半年內唔會過分鋪張,物慾類型既消費品,都會引來非議.