TXB終於做完電王

F.S.飛煞

有無門路睇返粵語版既電王?
bad-aries 發表於 9-11-2010 10:50 AM

youku

F.S.飛煞

唔該晒先.
bad-aries 發表於 10-11-2010 02:10 PM

不用客氣:78:

阿瞬軍曹

我覺得平成得kuuga,kabuto,w最好睇,kuuga唔駛講,石森遺作,信心保證,kabuto雖爛尾但人設,rider能力,外形已出眾,w劇情有新鮮感,因為有d伏線

katoributa

我想知有邊套平成拉打唔係爛尾收場？

原罪

我想知有邊套平成拉打唔係爛尾收場？
katoributa 發表於 13-11-2010 01:05 AM

小弟覺得無爛尾既：
1.古迦
2.龍騎（好多個結局，tv啦，電影啦，特別編。總有一個合心水。）
3.劍（成套都爛，tv結局反而好，救返成套劇…雖然小弟覺得唔合理，不過算好。電影結局就普普通通。）
4.電王
5.W

先講無睇既，評價唔到：
1.kiva
2.響鬼
唔知有無爛同好唔好睇。

各有各爛：
1.亞極佗…（可能古迦太好，佢由繼承古迦世界觀…但古迦到最尾都無出過場，而主角唔討好，其他角色亦越後越亂來…最後超強既神級boss，普通絕招ko…無言。）
2.555（一套最後有d失控既劇…另一主角木場勇治後面性格變哂…做d野同佢之前既意願完全唔同，但最後又好返…幫手搞掂「王」。「王」無轍底被消滅，仲有無能力唔知…乾巧最後有無死唔知…不過應該都短命…）
3.kabuto（除左頭十集…其餘只可以用亂黎形容…角式亂，性格亂，故事亂…我…唔想講啦…）
4.decade（完全為打而打既一套噱頭野，主角招式帶有強烈劍同555影子，故事可算離譜之最！連小動作都離譜，徒手模自己個外賣盒劍既劍尖…想無幾多隻手指呢？
仲要夠膽死tv版無結局，迫你去睇劇場版…之後係劇場版同你講：『decade係無故事既…』睇到爆哂粗！自認真係犯賤。成套劇唯一好處，係令倉田鐵雄再次變身做black同rx，
除此之外…呢個強盜一樣…仲要隨意強姦老屈平成所有主角既角色，我少少都唔欣賞。連我十歲既外甥都話呢隻野有無咁屈機，無情意結既佢，睇兩睇都唔睇。因為呢條友根本無得輸。）

roystoy

回復 36# 原罪

decade成套劇唯一好處，係令倉田鐵雄再次變身做black同rx...total agree, 超感動:$

539203407

個主題曲幾好聽~

阿瞬軍曹

個主題曲幾好聽~
539203407 發表於 13-11-2010 11:35 AM

急口令咁樣~.~

原罪

急口令咁樣~.~
阿瞬軍曹 發表於 13-11-2010 11:37 AM

    如果唔係大黑摩貴唱…我諗呢首歌會大打折扣。

takeshi

先講無睇既，評價唔到：
1.kiva
2.響鬼
唔知有無爛同好唔好睇。

響鬼..我一定要推介...但我係超級迷響鬼的..所以可能不太中肯~:shy:

1-30集..個人覺得絕對好睇...古迦全班底製作..講少年成長、師徒情為主、Rider打鬥為次，要"有野講"、有內容、玩風格的新生rider故事。監製、編劇、美指的堅持到最後被東映飛出局...30集後換返井上編劇..風格突變，初初真係超差呢..玩追女..牛扒跌落頭的底能鬧劇，但到中後期總算運用到各遺留下來的人物的性格去講"井上式"的故事，又變返幾好睇(其實井上係凝做緊張情節上真係有料到)，好特別係同一班角色落入另一個風格的故事..感覺好得意...但個人覺得呢個轉變亦半救左響鬼，因佢係好似古迦甘..故事推進比較慢..去到28集我都覺得情節開始有d慢..

可惜由於適逢當時有個捧球大賽直播之類的節目..Ending被迫減一集數..此舉導致超級大大大爛尾...但爛尾並不似kabuto，你會覺得明顯少左一集的感覺..同古迦一樣..邪ar~~

響鬼在我來說係rider的經典...頭1-30集係真實感/成人向超重的rider..你吾會見到電單車飛起衝落怪獸度，Rider平日要鍊功，要升level要去深山修鍊準備對付夏天先出現的怪獸，放假突然要出動時仲要徒弟返去拿武器..秘密地係森林內search捉怪獸的露營生活..吾會係條大街出現怪獸後無警察跟進(所以我仍然愛古迦的真實感)..種種實在的情節令我迷上...仲有昭和風正氣主角..

原罪兄~推介比你~但如睇一定要睇日語..中文字幕..TVB今次配得吾好..

第一集op music第一個shot...正...:$仲有布施明唱ending歌..紅白時都唱呢首...

Lau

小弟覺得無爛尾既：
1.古迦
2.龍騎（好多個結局，tv啦，電影啦，特別編。總有一個合心水。）
3.劍（ ...
原罪 發表於 13-11-2010 02:35 AM

555 個結果我都覺得唔好，其實在中後期已經覺得唔太好，不斷問同學會那天發生什麼事，但又唔多講係點，都之後才算講番，初頭十幾集已出到四大高手 (Lucky Clover)，他們都話要殺木場勇治，但點知這殺叛徒計劃都後期竟不了了之，當死了一個同伴時，又經常話要補上另一個，竟然最後想結花補上 Lucky Clover 的空缺...，木場到後期又真係唔記得點解 180 度轉變，又做了社長，還可以突然變勁了...，結局裡原來講到 "王" 還沒死，乾巧的身體又唔知會變成點？就咁就完了故事...

其實還有的就是，故事內的強化配件可以是唔知點解咁出現，Lucky Clover 初出是很強，但到最後，又變成好似很弱咁，其實一些場面應該可以好一些，如有一集講到有一隻識變魚的 Orphnoch，作戰地點好似在碼頭，我還以為他會拖主角下水...，又唔知點解，很多次三原變成 Delta 後，例必被搶去腰帶...

其實在故事初期的很多伏線，各個角式的小動作 / 特性等，在之後都沒有再講下去...，就如木場勇治想找一些 "同類"，於是睇報紙，想找一些如奇跡生還的人咁，其實在之後，可以講他們三人致力找尋這些可能和他們一樣的 "同類"，而他在其中一集，亦曾提出: "如認同人類變成 Orphnoch  後仍保有人性，就請舉手！" 其實大可以講之後木場他們三人找到 "同類" 後，都不滿 Smart Brain 而要合力抗衡 Smart Brain 的控制等，咁就會變成幪面超人、Smart Brain、木場等人的三大勢力，咁應該會好睇好多！

另外，Orphnoch 這個字，我聽過和見過很多的譯名，有超人類，奧菲爾諾，聰明使徒，操冥使徒，哥路域等，一個字竟有咁多譯名...！？如純聽日文音，則奧菲爾諾的譯名最接近日文發音。

而主角的名字，我其實都不太清楚是怎樣讀，乾巧的乾字，是讀乾隆的乾，定還是乾旱的乾呢？有一次睇到有線播電影版，聽到有人大聲講乾 (旱的乾) 巧 ，真係很難聽！！在東港城的那一次，梁榮忠都只說阿巧，唔通他都一樣唔知點讀？？

原罪

555 個結果我都覺得唔好，其實在中後期已經覺得唔太好，不斷問同學會那天發生什麼事，但又唔多講係點， ...
Lau 發表於 13-11-2010 11:17 PM

我揀讀乾隆的乾…
干…小弟真係接受唔到…

多謝takeshi兄與Lau兄回返大段野，:35:
響鬼…其實小弟有睇開頭幾集，感覺真係唔錯。最少…日本郊區美景已值得一看。
而且發覺…當放下拉打既常規…其實平成系已經掉得就掉…
    當響鬼係獨立作品…小弟都係欣賞既。
起碼，大叔主角比起一d死o靚仔主角，討好得多。而且太耐無咁既角色啦。
感覺好似睇昭和既拉打點樣係平成生活咁…
英雄既傳承係點既呢？睇響鬼感受得到。

至於555…DELTA腰帶真係好有問題…完全唔覺三原發揮到腰帶既能力…
佢有無贏過呢？記得應該有…不過唔多…
反而龍形怪人用得仲勁，印像仲深。

木場勇治，開頭寫得仲好過乾巧…根本我當佢主角…所以後黎佢性格既轉變，先令我反感。
結花既故事都寫得算完整。
海堂就寫得好失控…睇op（555既op同歌，小弟到現在都覺得最少係平成三甲。首歌一直係mp3內。）海堂唔似咁無發揮既角色…
可惜變身後又弱，變身前性格又寫得唔好…
其實呢d角色應該有得發揮…唉…

乾巧…一個以為寫得失敗既主角。一開頭見到怪人，眉都唔皺下。原來佢自己都係…
當佢放棄555腰帶那集，變身做怪人。真係立即醒神哂！成套劇好睇返哂。
點知後來會咁…

怪人既設計亦係數一數二既特別同靚。
接近單色既設計，卻每隻紋理都異常複雜。而且定位亦不俗。有病既人。
王既設計亦好。唔止係因為似傳統拉打既外型。本體身份同故事中既作用都比一般最後boss特別。

一套各樣設定都好好既劇。後來發展到咁…係邊個既錯呢？

Douglas.M.Saint

OT:  Apart from TD Gundam Gathering, I really wanna held a TD Riders Fans Gathering.............. :shy:

I'm lazy to type Chinese and can't share here for a lot.  Hope can talk with all Rider fans there one day!  :)