|
|
|
小弟自小鐘意模型, 諗返起第一部買既係HG 1/100 重炮手, 電視當年播Gundam W, 就儲錢走去買, 就開始模型生涯。
以下係小弟部份收藏, 貼住咁多先, 一來一次貼晒好辛苦, 二來有好多都入箱封好, 因為冇位放 :(
PS: 因為有部份係新相, 有部份係舊相, 質素有別, 請勿見怪。
以下有兩隻係小弟最愛, Hi Nu 夜鶯 !
 
 
合照!
隻PG 00係小弟今年收到既生日禮物, 送比我既係我好朋友, 佢冇砌開模型, 但佢不單只買盒新出既PG 00比我, 仲砌埋比我,
果份心意真係冇得頂, 最開心既事係佢砌完部PG 00, 覺得砌模型好玩, 加入左呢份子, 果隻黑色既魔蟹就係佢第一隻上色完成品, 第一隻黎講算噴得非常靚!
上面三隻係兩年前既收到既生日禮物, 係一位認識多年既女性朋友送比我, 同樣都係砌埋先送, 可以見到模型係素組亦有瑕疵,
拆件打磨上灰上色大不了兩三日完工, 但我並冇打算修補或上色, 因為我想保留果份心意, 物輕情義重! 而且我發現新出既模型, 分色做得唔錯, 素組上好水貼同轉印貼效果已經唔錯喎!
 
呢隻透明版係見到某間模型鋪清貨, 大平賣就搬左佢返黎! 估唔到PG透明版都幾多野睇下!
呢隻係早兩日陪女朋友行信和, 見到裝備幾齊全做得都算唔錯, 就買佢返黎, 可惜個蓋好唔太岩size, 蓋住左之後上面同後面都頂住左, 要買個大少少。
下面係小弟既迷你轉轉櫃。
同場加映素組完左之後, 放係度被人遺忘既THE O, 我老友特登拎出黎擺pose影相, 仲話佢得閒幫我搞掂佢喎!
貼住咁多先! 多謝收睇! |
|
發表於 19-10-2010 05:04:54
發表於 21-10-2010 02:05:24
樓主
