獨個支撐太久....真係好想訴下苦,可能有d長

香港人

原帖由 yvelung 於 19-8-2008 01:26 AM 發表

丙叔呢番話好有意思,樓主唔好介意,以下落來係搭嘴申下,
我自問係一個無咩自信既人,我成日嘗試去圍住朋友去轉,
但有時興趣既野真系唔同就唔同,好難去強迫自己陪養,
有時同班fd出街、食飯真係未必有野arm講,梗講又 ...

:( 嗯嗯...DEAD AIR 真係好慘架, 就上次同你, 阿榕食飯, 都死左半粒鐘...
不過我相信, 我同你算係朋友, 但未算深交, 理由不是我為你付出過幾多, 而係我知你都有幫過我...

Devil_Fudou

原帖由 Endless 於 18-8-2008 10:19 AM 發表

路人大大多謝你肯打咁多字......
有時侯我都有做人地圈既小齒輪
有friend想做救護員都有倍佢考st john first aid, 基本上朋友們有d打波叫親都會出既,
不過呢排真係少左少左好多lor.....同讀書時候比......好懷 ...

唔係話你做錯~~ 因為好多人都係咁~~
有frd約出去一定出~ 但係自己就甚少搵人出街~
無論你既理由係咩, 係因為驚人地唔得閒又好, 定怕阻住人都好~
人地只會知道你唔會搵佢, 久而久之, 人地亦會越黎越少搵你, 直到可能會遺忘你呢個人
咁樣, 你就會越黎越少朋友... 變到好似而家咁...

你做人應該要積極少少~~!! 多d主動約人~~
跟本就唔駛驚呢樣怕果樣~ 你唔搵人, 又點知人地唔得閒呢?? 打個電話約下人, 又阻得人幾多呢??

Devil_Fudou

原帖由 Toyxsniper 於 18-8-2008 10:44 AM 發表
你唔介意, 我可以做你朋友~!:handshake:
高達, 星矢~~~逢玩具都可以傾~!:71:
約出嚟打波都冇問題, 我有班經常打網球的朋友, 有興趣可pm我~!:71:
只要你肯踏出第一步, 會發現很多新奇事物, 會發現很多人想 ...

雖然我同樓主三唔識七, 但我都想代佢多謝你~~
呢個世界, 尤其HK呢個地方, 應該要多d好似你呢d咁既好人~~:$

大舊金

我都係獨行俠黎，連打機我都鐘意一個人自已打，其實最緊要睇你自已點樣諗啦，對我黎講我反而幾Enjoy依種感覺:!

[ 本帖最後由 大舊金 於 19-8-2008 04:02 AM 編輯 ]

Devil_Fudou

原帖由 yvelung 於 18-8-2008 12:26 PM 發表

丙叔呢番話好有意思,樓主唔好介意,以下落來係搭嘴申下,
我自問係一個無咩自信既人,我成日嘗試去圍住朋友去轉,
但有時興趣既野真系唔同就唔同,好難去強迫自己陪養,
有時同班fd出街、食飯真係未必有野arm講,梗講又 ...

如果你所講既係事實既全部~ 我覺得你呢d所謂既"朋友", 已經唔駛再聯絡落去!!

Devil_Fudou

原帖由 Endless 於 18-8-2008 09:30 AM 發表
以前小弟細個怕羞, 父母又無咩理我, 只係養一般動物咁, 有得住,食同著就算
讀梗書既時侯......[女]受排斥......有苦自己知, 父母彩你有味, 真係養大你就算, 關心係咩?真係唔係好知+冇試過
冇咩朋友....當時很悔氣. ...

頭先我講既都係以前既事, 而家同你講下而家~~

工作, 除非你轉工, 如果唔係, 我相信你呢份工都唔會識到朋友
再講, 其實我覺得o係工作上面識朋友唔係一個好選擇
普通飲食朋友ok~~ 但如果要搵一個真係交到心既朋友, 我諗都唔係咁易
人大左, 出左黎做野, 機心自然越黎越大, 就算佢唔搵你笨, 都怕你會搵佢笨啦
不過世事無絕對既, 呢層到你轉左工先再算啦~

學校, 相信你讀大學應該唔係好多年前
大學入面無識到朋友?? 如果有, 點解而家唔試下搵返大學d朋友呢??
再唔係, 中學小學呢?? 果陣有無d好frd既同學呀?? 點解而家唔試下搵返??
可以試下從facebook入手~ 我都o係facebook搵返好多中小學既同學~~
我而家二十中, 我都仲同成二十零個小學同學keep住聯絡!

興趣, 既然你鍾意玩具模型, 點解唔試下從呢方面入手??
TD呢度都有模型區, 點解唔試下o係入面識下人~??
打Gundam, 你話你成日要單打, 點解唔試下打機果陣識下人??
我相信機鋪入面唔係個個打Gundam都一定有伴
點解唔試下搵人part下呢?? 你既然話自己技術唔錯, 相信人地應該唔會唔肯同你part既~~
玩得多part得多, 自然有計傾, 雖然未必可以做好朋友
但最起碼, 你去打機既時候唔會每次都孤零零一個啦

仲有, 你話你同你果幾個老死唔同興趣, 咁又點?
你有無試過去迎合佢地?? 有無試過同佢地去打籃球足球??
有無試過同佢地一齊睇英超睇NBA??
我同我d frd都唔同興趣架啦, 我鍾意玩具, 動漫, 佢地鍾意車, 飲酒, NBA果d
我有時都會同佢地講下車, 講下NBA啦~
初頭唔識, 但係聽佢地傾得多, 慢慢就會識多d架啦~
再唔係, 問佢地囉, 相信你d frd唔會唔肯講解你聽掛, 係咪?
傾下傾下, 你又可以試下同佢地講下網球, 講下高達模型咁~
就算唔傾興趣, 出到黎都可以傾下平日既所見所聞, 傾下時事新聞, 吹下水咁, 傾咩都得啦~~

友情, 係要慢慢建立出黎, 雖然唔一定可以去到交心既地步
但係如果你連搵都唔去搵既話, 就一定唔會有!

埋怨, 係無意思架, 你應該細心諗下點解會變成而家咁, 諗下究竟係邊度出左錯
繼而慢慢去修正自己, 去改變自己, 變成一個更好更成功既你, 加油吧~!!

[ 本帖最後由 Devil_Fudou 於 18-8-2008 04:02 PM 編輯 ]

Devil_Fudou

原帖由 路人丙 於 18-8-2008 10:09 AM 發表
唔好介意丙叔既心直口臭,
只係想直接d講.

朋友,你有冇理想架?
有時知心朋友,紅顏知己唔係話搵就會有,亦唔係話想就會出現.
你鐘意網球,你朋友鐘意足球,籃球.............
咁你有冇諗過請教下你既朋友,足球同籃 ...

丙叔!! 雖然你有時講野都幾有point~
但今次係我見你講咁多次, 講得最好既一次啊~~:71:

ultimatekuuga

I kill to be left alone at work "Don't bother me , not even a fly!!"

煙花

原帖由 大舊金 於 19-8-2008 03:59 AM 發表
我都係獨行俠黎，連打機我都鐘意一個人自已打，其實最緊要睇你自已點樣諗啦，對我黎講我反而幾Enjoy依種感覺:!

其實我知道你好想搵埋丙叔一齊去行街:67:

香港人

原帖由 yvelung 於 19-8-2008 12:22 PM 發表

其實我認為一推人中總要有一個發言人,
我、你、阿榕都唔係喜歡主動發言果d,
有時主動發言又冇人肯接,搞到有時會,
一句起兩句止,

:34: 無錯！我只會搭嘴，唔識開話題。帶動氣氛唔好旨意我...

華偉度諾艾德嘉

原帖由 Endless 於 18-8-2008 11:02 PM 發表

途徑很少,唔通周街問人拿電話嗎......?
正面既我叫自己quit左分gag工, 搵d野學下想學色士風/結他, 買d化妝品/香水執正個look
負面既我話俾自己你根本無選擇,再加上報左part-time degree,學廢點算, 五音不全學咩鬼 ...

呢方面 , 又比下少少意見啦 ~
樂器 , 有興趣學 , 有恆心練 , 幾多歲學都有心唔怕遅~
以前都係 5 音不全o既我 , 亦都發現自己完來都有 d 節奏感 ,
平時又返開教會 , 有次聽到朋友話 5 音不全o既人係唔識唱歌 , 唔代表佢永遠都唔識 ~
因為咪以為唱歌 , 打開口發 d 音就得 ~~
於是我加入詩班學習 , 終於 , 除了節奏感強了很多外 , 音階仲好準 ~
今天 , 我是我教會詩班中的首席男高音 !

魚旦

o拿, 就咁, 我講o野非常直接, 睇完你打咁多字, 我只覺得係一個自閉男o既無病呻吟

玩具模型打機唔係一砌, 而我亦相信無可能會搵唔到其他興趣、更加無可能會成大班人聚埋一齊會冇o野講。興趣唔同就無話題?? 大佬呀, 男人老狗, 淨係講女人講鹹濕講粗口講賤o野都應該可以講天光啦, 係咪??

想做獨行俠但又唔夠硬淨、想埋堆又俾自己 N 咁多個借口、想溝女又唔夠膽行動... 我建議你培養o下自己o的決心先啦, 否則情況無可能改變

龍珠迷

:31: :31: :31: 太灰太灰太灰啦~~~~~
:* 做人應該有火, 為你自己活著而覺得高興呀:*
開埸白黎姐, 聽你由細講到大, 都咁唔開心, 其實係一直累積落黎
有時候聽人講諗野要樂觀, 其實好易做到, 只要唔比自己 DOWN落去,
咁就成功, 自己爭取既好多野都, 你太鐘意怨, 而自己無去動手做好過,
邊會成功呢,
你怕羞, 無人理你, 無朋友, 可以主動搵朋友, 主動同人傾計,
父母彩你有味, 咁你有無關心下佢地呢, 大家都唔理大家, 只會惡性偱環
你鐘意網球, 佢地足球,籃球, 仲易啦, 學下點玩LOR
搵到份工唔適合, 咪搵過份LOR, 但有無諗過只係自己怕辛苦呢, 同事叫你主動, 你可以同上司傾多D計, 唔一定問野呀~
做人辛苦就100%係啦, 但你做得到OR 做得好又會好有滿足感,係值得GA
講左咁多方法, 問返我自己係咪都有咁做, 其實頂多三, 四成做到,
講同做又係2回事呢..... 所以我諗, 大家都可以一同努力, 去做好自己 !
:* 講完都好熱血呀, 為美麗的明天而燃燒啦:*

[ 本帖最後由 龍珠迷 於 20-8-2008 05:20 AM 編輯 ]

K66

你Post在TD做乜!!!
香港大X把吹水溝女討論區啦,你將你D經歷放上去,寫得感性D,之後就ADD幾個女仔MSN吹下水,出黎飲飲食食.
唔好介意乜野網上識朋友真唔真,你咪當見多D人,豐富下自己生活先law.

老文

返吓教會..多d幫吓人..:71: