|
|
發表於 11-4-2022 14:12:19
|
顯示全部樓層
其實你個post，樓上師兄們已經答晒你。
宇宙大帝播映日期係80年3月、六神係81年10月，當年村上克斯主導，玩具幾乎與卡通同期推出，
七十年代至八十年代初，有幾多隻「小機械人合體大機械人」真係數手指數得出。
所以你話：「六神比較傅傳統5合一宿丰宿腳合體系統, 比較易看穿合體系統，大帝就比較新合體系統, 要空雷王變大合體,...」已經難成立。
如果只限合金魂，「小機械人合體大機械人」最複雜會係大王者。至於係唔係「最好」，就睇你標準。
另有師兄舉出戰隊系，呢個又係一個大範疇，好玩具亦大把。
至於你話：「始終萬代玩合體經驗多, 合體技術同力學平衡得好好, 玩完唔會甩皮甩骨或不舉
變形金剛破壞者變完都唔敢再擺POSE」，就見人見智。
Bandai方面，除咗大贊卡、巔峰、海賊大將軍等少數之外，
大部份合體機械人都有舊合金舊玩具參考，既然三四十年前都出過，
依家做，當然唔可以再甩皮甩骨（最具代表性當數超力電磁俠，當年popy果隻幾乎玩唔到）。
變形金剛由設計同生產可以說同Bandai系兩個唔同概念，
變形金剛又可以分孩記、T記、第三方，
一般孩記老變，唔太追求細節，可以用所謂「爛膠」去生產，
膠質韌性大，所以變形可以更大膽。
加上孩記設計，可以用ball-join作四肢、「偷膠」扮機械細節，
除咗直接減省成本，設計上亦相對會簡單，
更抵死係，老變變形可以天馬行空，
唔似得（大部份）日系要根據動畫設定去變形，
所以孩記變形可以做得比Bandai神奇。
基本上每隻合體變形金剛孩記都有三變----機械人、載具、大合體，
「睇唔睇得出」又係要按你自己標準，你問我，就隻隻都睇得出。
至於「甩皮甩骨」，
孩記合體玩具的確冇bandai穩定。
細心睇，孩記合體位置通常都穩定夠實，通常鬆嘅位置反而係關節唔夠力。
又，合體變形金剛作四肢的角色，通常都係d class，d class 所用的 ball-join關節易甩都係死症。
因為角色設定，合體後「不舉」問題，孩記Bandai兩者都有。
當Bandai 合體遇上力度問題，就直接用枝架去解決。
例如早期吉姆王枝大炮、後期勇者王個大鎚，最經典係「隔代合體」嘅超獸黑翼等等。
孩記向來不設枝架，基本係放任不理，
反正賣得出，就用數量搭夠，所以成品質素參差。
不過孩記都面對老變先天困難------每隻手手腳腳都係一隻變形金剛，做成關節負荷。
以電影破壞者為例，成隻手係一隻V-class，只靠膊頭一個關節當然不舉啦------如果要夠力，即係話膊頭關節要做到好實好實，到時就產生另一種問題。
|
|
樓主: hades9
樓主
